أسيا

السلام عليكم انا عروسه جديده بقالي شهر وعاوزه اقولكم ان الشهر ده عدي عليا ب مشاكل كتيره جدا ولا كاني عروسه جديده.. اللي حصل أن يوم الحنه قبل الفرح بيوم وممتي واختي معايا وخالتي جايه من محافظه تانيه هي وجوزها وبناتها عشان فرحي ف
المهم ليله الحنه احنا بنعمل حااجات الستات دي وابويا واخويا نزلناهم من البيت عشان نكون براحتنا وجوز خالتي قاعد متتقل علينا ومش بيتحرك قاعد فالصاله تقيل اوي واحنا عاوزين نتحرك ف الشقه وعاوزين ناخد راحتنا ي جماعه انتو اكيد فاهمين.. وانا كل شويه ادخل الحمام وقافلين الستاره والستاره عماله تطير وحاجه مقرفه و

امي متضايقه بس مش قادره تتكلم لحد م قلت ل خالتي لو سمحتي مشيه كدا مش هينفع وانا اساسا كنت متوتره.. لقيت خالتي بتناديه بتقوله أنزل شويه كدا وتبقي تيجي بعد ساعه ولا حاجه المهم فضل يلف بالجزمه فالشقه وكل م خالتي تناديه يقولها اصل معلش بنضف الجزمه معلش مش عارف ايه لحد م انا طهقت قمت لبست هدومي و
طلعت عليه وقلتله يعني احنا ف وضع ميسمحش بوجود راجل هنا كفايه كدا بجد ولو سمحت انزل انا ابويا واخويا اساسا مش هنا ومش عارفه انت قاعد بتعمل ايه لقيته متنحلي وبيقولي ببجاحه..
هو في ايه ي بت انتي ده انا قد ابوكي وانا غلطان اني جيت

أن أو مراتي وبناتي وراح واخدهم وحلف ميحضرو الفرح ومشوا يومها سافرو ومن يومها وامي زعلانه مني عشان انا السبب ف المشاكل بينها وبين اختها.. وبجد بقالي شهر متجوزه زعلانه من نفسي اوي وخاېفه اكون السبب بس مش عارفه اتصرف ازاي قولولي الحل بالله عليكم