بقلم امينه الشرف

فيكي وقلبي موجوع عشانك هي كانت طيبه جدا وعمرها ما طلبت مني اني احبها لأنها كانت حاسه إني كنت مڠصوب ع الجوزاه دي بس انا والله عملتها بما يرضي الله وكل حاجه كانت تعوزها كنت بجبهالها وكنت بعاملها كويس بعد كدا حملت في وعد وللاسف اكتشفت ان عندها القلب ومينفعش الحمل يكمل بس هي اصرت ومرضتش تنزل البيبي وماټت وهي بتولد 
وعد عيطت جامد 
مازن هو كمان عينه دمعت 
وعد اتكلمت وبعد كدا عملت اي 
مازن لقيت نفسي اب ومسؤل عن طفله صغيره ومسؤل عن كل حاجه تخصها فضلت في الحضانه فتره وبعد كدا ادوهالي اول لما شلتها حسيت بأحساس غريب حقيقي أحساس مالوش وصف وبعد كدا فتحت عنيها ولقتها زرقا فإنتي اول حد جه ع بالي وافتكرت وانتي بتقولولي انا وانت عيونا زرقا وولادنا أكيد هيبقوا زينا هيقولوا علينا العيله ام عيون زرقا 
وسمتها وعد 
وعد ابتسمت طب دا من 5 سنين يعني قعدت انت ووعد 5 سنين لوحدكم 
مازن ايوا 
وعد طب ليه مرجعتش ليا تاني ليه مجتش حكتلي كل اللي حصل معاك 
مازن حاولت كتير وراقبتك كتير وبقيت عارف كل حاجه عنك بس كل مره فكرت اجيلك فيها كنت برجع اقول أكيد مش هتسامحني ومش هترضی حتي تشوفني ولا تتكلم معايا لحد ما جت من عند ربنا وشوفتك صدفه ووعد اتعلقت بيكي وانتي حبيتيها ودا شجعني اني اطلب إيدك واحاول أرجع لحياتك تاني 
وعد حكايه غريبه نفترق كل السنين دي ونرجع نلتقی تاني وأحس انك لسه سايبني امبارح 
مازن وعد احنا ضعينا كتيرر قوي انا بقول كفايه كدا بقا 
وعد يعني اي 
مازن يعني نتجوز انا بحبك وعمري ما حبيت حد غيرك كفايه بعد وۏجع وخلينا نرجع لبعض قولتي ايه 
وعد .......
يتبع
الفصل الخامس و الاخير
وعد يعني ايه
مازن يعني نتجوز انا بحبك وعمري ما حبيت حد غيرك كفايه بعد وۏجع وخلينا نرجع لبعض قولتي اي 
وعد ابتسمت أفكر 
مازن بغيظ نعم يا أختي لسه هتفكري 
وعد ضحكت طب خلاص خلاص موافقه 
مازن بجد طب يلا 
وعد يلا ايه 
مازن يلا نكتب الكتاب 
وعد لا طبعا انت بتقول ايه الاول انت لازم تطلب أيدي من عمي وبعد كدا نتخطب فتره وبعدها نكتب الكتاب وبعدها بفتره نبقا نتجوز 
مازن نعم كل دا ليه اطلب إيدك تمام أما الخطوبه لازمتها اي هو احنا لسه هنعرف بعض من اول وجديد 
وعد بحزن مصطنع مليش فيه هو كدا
مازن يا حبيبتي افهمي انا مستعد اعملك كل اللي انتي عاوزاه بس انا عاوز نتجوز بسرعه يا وعد عاوزك جنبي في أقرب وقت محتاج وجودك يا حبيبتي 
وعد احتارت ومش عارفه تقول اي هي بردو زيه عاوزه تبقی معاه في أقرب وقت بس بردو محتاجه وقت تجهز نفسها وترتب افكارها 
وعد ردت طب تمام نتجوز الشهر الجاي 
مازن لا كتير بردو هو حلو الاسبوع الجاي 
وعد الاسبوع الجاي اي لا طبعا مش هلحق اجهز اي حاجه 
مازن بضيق طب ماشي زي ما تحبي الشهر الجاي 
وعد ابتسمت تمام اتفقنا 
وفعلا زي ما اتفقوا مازن كلم عمها ولبسوا الدبل وحددوا الفرح بعد شهر وعد كانت فرحانه جدا وأول مره تحس بالسعاده دي من فتره طويله ياااه اخيرا هتتجوز مازن بعد سنين من البعد والفراق علي قد حزنها السنين اللي فاتت ع قد فرحتها دلوقتي حقيقي كان البعد صعب والفراق أصعب بس كل حاجه في وقتها حلوة ودا فعلا وقتها ومن حقها تفرح 
مرت الأيام بسرعه واخيرا جه معاد الفرح وعد في البيوتي سنتر ومعاها ميار ووعد الصغيره 
مازن وصل وعد الصغيره طلعت تشوفه كانت زي القمر ولابسه فستان ابيض تحفه شبه بتاع العروسه 
جريت عليه وهو شالها حبيبه بابي اي القمر دا
وعد الصغيره ابتسمت واتكلمت بغرور انا قمر ع طول ع فكره يعني 
مازن ضحك يا جدع اي الغرور دا 
وعد الصغيره تؤ تؤ مش غرور دي ثقه 
مازن ضحك جامد يا واثق انت ...يلا ندخل لمامي بقا 
وعد اعترضت لا نزلني الأول 
مازن نزلها عيوني حاضر 
وعد جريت وقفت قدام الباب وقالت عاوز تدخل 
مازن ايوا 
وعد طب شخلل 
مازن بذهول ايه 
وعد بضيق يووه هات فلوس يعني 
مازن ضحك عاوزه كام 
وعد قدر انت وذوقك 
مازن مش مصدق ان اللي بتتكلم دي وعد بنته الصغيره الرقيقه
فاتكلم بذهول دودي مين علمك
الكلام دا يا روح بابي 
وعد الصغيره ميار و اونكل حسن جوزها 
مازن انا قولت بردو انتي مستحيل تكوني بنتي 
وعد يا عم فكك بقا هات الفلوس خلينا نخلص 
مازن عم وفكك لا دودي متتكلميش بالطريقه دي تاني 
وعد حاضر اتفضل ادخل 
مازن برافو حبيبه بابي 
مازن دخل ووعد كانت واقفه زي القمر بفستانها الابيض بتصميمه الاكتر من رائع مازن قرب منها مبروك يا عمري 
وعد ابتسمت الله يبارك فيك يا حبيبي 
مازن اخيرا يا وعد انا فرحان اوي 
وعد ابتسمت انا كمان فرحانه جدا
وعد الصغيره قطعتهم يلا بقا كفايه مش هنبات هنا 
مازن لا دي مستحيل تكون بنتي وبص لميار انتي عملتي اي في البنت...بصي يا وعد دي بتقولي شخلل وفكك 
وعد ضحكت جامد ميرفت بقت بيئه يا صلاح 
ميار بضحك واعتزاز بنفسها بأيموشن عبله كامل تربيتي 
مازن انا مش عارف هسيبها معاكي اسبوع هرجع الاقيها عامله ازاي 
ميار بضحك لا تقلق هتلاقيها زي الفل 
مازن ما هو دا اللي خاېف منه 
حسن جه من ورا وحط ايده علي كتف مازن ما تقلقش عليها هنحطها في عيونا 
مازن ابتسم بإمتنان انا متأكد من كدا يا حسن تسلم 
ميار ضحكت والله عيب عليك يا مازن لما تقلق وبنتك معايا دا هعلمها القيم والمبادئ والاخلاق 
مازن قيم ومبادئ كدابه في أصل وشك يا ميار 
وعد ضحكت هي أختي فعلا بس انا أشهد معاك يا مازن انها متعرفش اي حاجه عن القيم والمبادئ والاخلاق 
ميار أهي دي الاخوات ولا بلاش اشكرك يا رافعه رأسي 
حسن ضحك طب يلا بقا ...يلا يا مازن هات عروستك عشان منتأخرش ع الفرح 
مازن ابتسم ومسك ايد وعد وحسن مسك ايد ميار وشال وعد الصغيره 
كان فرح هادي وجميل والأهم هي فرحة العريس والعروسه بعد سنين من الفراق خلص الفرح ومازن سافر هو ووعد لشهر العسل اللي اختصاروا في أسبوع عشان وعد الصغيره 
بعد مرور 3 شهور 
وعد واقفه في المطبخ بتطبخ مازن قرب منها وحشتيني 
وعد ابتسمت ودارت وشها ليه وانت كمان وحشتني جدا يا حبيبي 
مازن انا لحد دلوقتي مش مصدق ان بقينا لبعض كتير اتمنيت انك تبقي معايا اتخيلتك في كل ركن في الشقه واحنا بنضحك وبنهزر ووعد معانا سنين وانا بحلم بوجودك جنبي ومعايا واخيرا القدر كان رحيم بيا وبقيتي معايا 
وعد ابتسمت بحبك أوي يا مازن بحبك 
مازن بحب وانا بمۏت فيكي يا قلب مازن وقرب منها ووو ..
سمع صوت من وراه بتعملوا اي 
انتفضوا وبعدوا عن بعض ومازن اتكلم هاا مفيش يا حبيبتي مامي عيونها وجعهاها فكنت بحطلها قطره 
وعد الصغيره بصلته بنظره العارف بكل الامور ما تقولي انك بتبو . عادي يعني 
مازن جاله ذهول بنت انتي بتقولي 
وعد الصغيره بلا مبالاه مش بقول كمل كمل 
وخرجت وسابتهم 
وعد اڼفجرت من الضحك علي شكل مازن وصډمته وع كلام وعد اللي أكبر من سنها بمراحل 
مازن مين دي 
وعد ضحكت بنتك 
مازن بنتي مين دا انا اللي ابنها منك لله يا ميار انتي وحسن 
وعد ضحكت ومازن قرب منها بخبث المهم كنا بتقول ايه قبل ما البت دي تيجي 
وعد بمكر مش فاكره 
مازن لا ركزي معايا كدا ...بس مش مهم نعيد من الأول 
وعد بضحك مازن بس ..دودي تيجي 
مازن لا مش هتيجي تاني 
وعد اعترضت مازن 
مازن هششش 
وسكت شهرزاد عن الكلام الغير مباح 
تمت
النهاية