ابن ليل اميرة اسامة

متتأخريش عشان نشوفوا هنتغدوا ايه
دعاء طياري 
نزلت دعاء وعدت على عبدالله في المحل 
دعاء صباح الفل يابا
زكريا صباحك ورد يا دعاء
حسن على فين يا ست الكل
دعاء رايحه السوق نشتروا شوية طلبات
حسن طيب كنتي قولتيلي نجيبلك انا ولا اي صبي
دعاء شيلاك للتقيله يا ابن بطني وسع كده بلاش رغي بقى 
حسن بضحكه جميله وسعنا
قربت من عبدالله 
عبدالله على فين العزم ياست الستات
دعاء بابتسامه احيه لاحقت تنسى مش قولتلك ان نازله السوق نشتروا شويه طلبات
عبدالله غاويه انتي تعب ما انا قولتلك اكتبي اللي عيزاه و أشيع حد يجيبلك

دعاء لا يا اخويا انا عايزه نجيب حجات كتير على مزاجي
عبدالله ماشي ياست الستات عايزه فلوس طبعا
دعاء امال انا جايه ليه
عبدالله خدي ياستي هاتي اللي محتجاه ولو الشيله طلعت تقيله كلميني ابعتلك اي صبي ياخد عنك
دعاء من عنيا يلا انا ماشيه 
عبدالله بالسلامه 
وصلت دعاء السوق وبدأت تشتري اللي هي عيزاه بصت لقت سونه قدامها
سونه ازيك يا دعاء
دعاء بإبتسامه ازيك انتي يا سونه عامله ايه
سونه انا بخير ليكي وحشه يابت
دعاء يابت انا في وشك طول النهار في الشارع لحقت نوحشك
سونه هو انا بشوفك غير من بعيد لبعيد
دعاء ما انتي عارفه بقى انا طول الوقت مع بلبله مبنقدرش نسيبها لوحدها
سونه ليه يا اختي نوغه ماهي طول الوقت بتبروم في الشارع
دعاء يابت وانا بقولك انها مش بتتحرك بس انتي عارفه انها مبتقدرش تستغني عني وبعدين نفسي اعرف مالك حطاها في دماغك ليه
سونه وليه حيزبونه
دعاء ايووووه عليكي بلبله طب والله دي مافي في طيبه قلبها
سونه سيبنالك انتي يا اختي طيبه قلبها المهم هي بس تبعد عن كرم
دعاء يادي كرم اللي عاملك وش في نافوخك يابت قولتلك الف مره كرم مش ليكي بلاش تعشمي روحك
سونه بنحبه يا دعاء
دعاء يا اخي حبك بورص يابت هي المره اللي تحب راجل تتجوز خمس مرات عليه 
سونه بنكيده يمكن يتحرك لما يعرف ان انا عليا الطلب
دعاء يابت هو انتي بضاعه وعليها طلب الراجل يا اختي ما بيحبش الست اللي كل شويه من حضڼ راجل للتاني واللي زي كرم خديها مني ميتجوزش الست اللي خدها غيره
سونه انتي يابت بټحرقي دمي
دعاء انا مبنحرقش دمك يا سونه انا قلبي عليكي وانتي عارفه
سونه بس انا اتجوزت في الحلال يا دعاء معملتش حاجه في الحړام
دعاء بعيدا عن الجواز يا سونه انتي اكتر واحده عارفه ان كرم قلبه مش ملكه
سونه هتقوليلي طبعا قلبه مع السنيوره اللي سابته
دعاء عليكي نور قلبه مع السنيوره
سونه حتى لو !! انا بس مستنيه فرصه وهميل دماغه يعني هميلها وبكره تقولي سونه قالت
دعاء يابت بقاله عشرين سنه عدى عليه اشكال والوان ودماغه عمرها ما مالت لجنس واحده انتي اللي هتيجي بعد العمر ده كله وتميليها كان غيرك اشطر يا سونه
سونه يابت انتي بتكسري مأديفي ليه ده انا عايشه عشان اليوم ده
دعاء انا مبنكسرش مأديفك يا سونه انا بنفطمك بتتجوزي عشان تخليه يتحرك وانتي ولا في دماغه والمصېبه انها بتنحسب عليكي جوازه يابت ده انتي مفكرتيش تدي نفسك فرصه مع اي راجل من اللي اتجوزتيهم وكان فيهم رجاله كويسه بس انتي كده غاويه ۏجع قلب
سونه بنحبه يا دعاء مش بأيدي ده كأنه ساحرلي
دعاء أسمعي كلامي يا سونه بلاش تجيبي لروحك الكلام انتي وبنتك دي بنتك بقت عروسه واللي بيشوفك يابت كل شويه من جوازه لجوازه هيفكر العيب فيكي
سونه ياختي انتي التانيه عروسه لنفسها انتي عايزه تكبريني ولا ايه
دعاء بضحك هنكدبوا على بعض ما العيال كبرونا فعلا
سونه لا يا اختي كبروكي انتي انا لسه شباب وفيا الطمع
ضحكوا الاتنين وفجأه سكتوا لما سمعوا صوت مها 
مها سبحان الله حله ولاقت غطاها
سونه أصطبحنا بوش
مين على الصبح
دعاء اهلا يا مها
مها اهلا بيكي يا اختي بقى يابت مش خاېفه جوزك ولا اخوكي يشوفوكي واقفه مع سونه
سونه بشهقه ومالها سونه يا عنيا ست الستات 
مها ست مين احيه على ده مقلب وخداه في روحك يا سونه
دعاء في ايه عالصبح يا مها جايه وبتجري الشكل ليه
مها انا يا اختي لا بنجر شكل ولا نيله انا بس بنفطمك من وقفتك مع اللي ما تتسمى 
دعاء ومالها سونه ان شاء الله 
الله يرحم مش كانت صحبتك
مها اديكي قولتي كانت زي ما كانوا كتير صحابي 
سونه والله احنا اللي كسبنا بعدك يا حربايه
مها كسبتوااالا وانتي الصادقه انا اللي كسبت وبعدين يابت ده انتي سيرتك على كل لسان
سونه قطع لسان اللي يجيب سيرتي ولو في دكر ولا مره يقدروا يقفوا قصادي ويقولوا حرف عليا يوروني نفسهم انا يا اختي كنت بنتجوز على سنة الله ورسوله وعمري ما كان ليا في الحړام
مها وهي المره اللي تغير في الرجاله بيبقى ليها أمان طب ده الواحده مننا بتتجوز راجل واحد وتعتبره قپرها اللي في الدنيا وتقفل عليه مش من ايد لأيد
سونه بضحك وانا خدت بنصيحتك يا صاحبتي وليكي عليا ان الراجل اللي جاي هيكون هو قبري اللي هترمي في حضنه العمر كله وهنبقى نسايب يابت
مها بضحك مسكت خصله من شعرها شايفه يابت شعري ده ماليكي عليا حلفان احلقه لو اللي في بالك حصل
سونه هيحصل وقريب وهتبقي اول واحده تباركيلي
دعاء ما تسكتي انتي وهي ايه مبتشوفوش بعض غير لما تفرجوا الخلق عليكم ما تكبروا شويه بقى
مها ما طبعا مين هيدافع عنها غيرك ما انا قولتها اول ما شوفت خلقتكم حله ولقت غطاها عموما اشبعوا ببعض يا اختي صحيح ما انتو شكلكم هتبقوا نسايب قريب
دعاء بصتلها باستغراب نسايب مين دول اللي هيبقوا نسايب يا مها
مها احييييه لا هي سونه صاحبتك مقالتلكيش يا بت انها مسوحه بنتها على ابنك عشان تجيب رجله 
ويدخل القفص بتاعها هي وبنتها
دعاء كلام ايه ده تقصد ايه بالكلام ده يا سونه
سونه احيييه عليكي انتي هتصدقي المخبوله دي وبعدين بنتي ايه يا اختي اللي اسوحها على ابنك هي بنتي بايره دي الف واحد يتمناها
مها كان ممكن الف راجل يتمناها لو ليها ام تانيه غيرك يا سونه وبعدين انا قولتلك يا دعاء انها مره ملعب وهي وبنتها مش سهلين مصدقتيش يلا اشربي بقى أبنك الحيله هيناسب سونه اللي سيرتها على كل لسان
سونه مهاااا اتعدلي بدل ما نروق عليكي
مها بضحك يلا انا ماشيه بقى مبروك يا مها لحسن 
مشيت مها ووقعتهم في بعض وهي بتضحك 
بصت دعاء لسونه وهي رافعه حاجبها
سونه انتي بتبصيلي كده ليه هتصدقي مها يابت دي عايزه توقع بينا
دعاء وهي هتقول كده ليه يا سونه
سونه عشان تخلينا نتعارك مع بعض يابت هي متكاده عشان مبنكلمهاش
دعاء ماشي يا سونه وانا هنشوف الكلام ده بنفسي يلا انا ماشيه 
سونه بت يا دعاء خدي يابت منك لله يا مها الكلب وديني ما هسيبك وهنعلم عليكي
رجعت دعاء على الشارع بتاعهم وبصت على المحل لمحت عبدالله
دعاء عبدالله
عبدالله ايوه يا دعاء
دعاء هو فين حسن
عبدالله مش عارف كان هنا وغطس منعرفش راح فين تلاقيه هنا ولا هنا
دعاء طيب اول ما يرجع قوله اطلع كلم امك
عبدالله ليه في حاجه ولا ايه
دعاء ايوووه عليك هيكون في ايه عايزه نقول لابني حاجه
عبدالله طيب ماشي هنبعته جبتي اللي عيزاه
دعاء اه اشتريت كل حاجه يلا انا طالعه 
عبدالله ماشي بالسلامه 
حسن وحشتيني يابت
سماح الله ايه بت دي انا ليا اسم على فكره
حسن طيب وحشتيني يا موحا حلو كده
سماح بإبتسامه اه حلو انت كمان وحشتني
حسن مكنتيش بتردي عليا ليه امبارح
سماح ماما كانت نايمه معايا في اوضتي معرفتش نرد
حسن وايه اللي نيمها معاكي خاېفه ولا ايه
سماح مين دي اللي خاېفه ماما
حسن لا اقصد انتي هي سونه دي پتخاف من حاجه دي تخوف العفريت
سماح اتكلم عدل على ماما يا حسن بدل ما نزعلك
حسن وانا قولت حاجه بس دي حتى سونه حبيبتي
سماح لا يا شيخ وده من امته
حسن الله وانا هنكرها ليه بس هي اللي مش مدياني ريئ حلو ما انا لو محمد ولا احمد كان زمانها فتحالي دراعتها
سماح واشمعنى محمد ولا احمد هي امي بتطيق ابله مها ولا ابله مها بتطيقها
حسن عارف يا ستي انهم مش بيطيقوا بعض بس سونه عشان عيون كيرو تبلعلها الظلط
سماح پغضب بسيط بنقولك ايه يا حسن طريقتك مش عجباني عن ماما
حسن وانا قولت ايه غلط وبعدين ما كل الخلق عارفين انها
بتحب كيرو من زمان والكل بيتكلموا في الحوار ده
سماح انا اللي يتكلم عن امي اقطع لسانه انا امي أحسن ست في الدنيا وبلاش تلميحاتك اللي بتقفلني منك دي يا حسن ولو على الحب يا اخويا مش عيب ولا حرام
حسن انا مقولتش حاجه بس كمان يا سماح لازم تتكلمي معاها ماهو انا مش هنقبل حد يتكلم عن ام البت اللي بنحبها ونسكت
سماح قولتلك قطع لسان اللي يتكلم عن امي وبعدين يا اخويا لو بتحبني بجد مش هتسكت لما تلاقي حد بيتكلم عن امي في ضهرها
حسن ايه هنمشي نتعارك مع الخلق كلها وبعدين يابت محدش عارف ان انا وانتي بنحب بعض عيزاني اتعارك بصفتي ايه
سماح ولا تتعارك ولا تعمل اي حاجه واقولك اعتبرني مش البت اللي بتحبها يا حسن يلا سلام
حسن يابت المجانين خدي يابت استني 
سماح عايز ايه يا حسن
حسن انتي قلبتي خلقتك وزعلتي ليه
سماح عشان اللي بتتكلم عليها دي تبقى امي يا حسن امي اللي بتقول عليها سيرتها على كل لسان طول عمرها شقيانه عليا ربتني بطولها بعد ما ابويا ماټ اتجوزت غيره اه اتجوز أربعه بعده عشان تقدر تربيني و تكبرني عمرها ما عملت أي حاجه في الحړام بتحب كيرو اه بتحبه وانا عارفه انها بتحبه ويمكن حبته اكتر من ابويا نفسه بس كمان مبتعملش حاجه غلط ومش ذنبها انها اتعلقت بقلب راجل قلبه مع واحده تانيه واوعى يا حسن تفكر انك ممكن تسمعني كلمتين عن امي وهنسكتلك انا لو روحي فيك وسمعتك بتتكلم عليها هندوس عليك يا حسن ونختارها هي انت فاهم حسن بحب فاهم يا سماح ولو مكنتيش يابت قولتي الكلمتين دول كنت استرخصتك وعلى فكره انا عارف ان امك مبتعملش حاجه غلط انا بس بنضايق لما حد يجيب سيرتها وبنحس اني واقف متكتف ومش عارف ندافع عنها هندافع عنها بصفتي ايه
سماح بصفتك جارها وانها ست وليها سمعتها وبنت منطقتك مش لازم يكون ليها صفه يا حسن حسن طيب خلاص روقي بقى والله انا بحبها بس هي اللي مش بتطيقني
سماح امي مبتكرهكش يا حسن ولو تعرف اللي بيني وبينك اكيد هتحبك زي ما انا بنحبك 
حسن زي ما انتي ايه
سماح ملكش دعوه
حسن لا عشان خاطري قولي تاني كده
سماح مش قايله هي طلعت مره وخلاص
حسن يابت بنقولك عشان خاطري طب و دين محمد لو ماقولتي لا هنط في البحر
سماح بابتسامه لا استنى خلاص بحبك يارخم
حسن والله العظيم انا كمان بنحبك ومش عايزك تزعلي مني ومن هنا ورايح يا سماح اللي هيفكر يجيب سيره سونه لا هروق عليه في وسط الشارع وبأي صفه بقى مش هتفرق وراكوا راجل يابت وفي ضهركم
سماح بحب ربنا يخليك لينا
حسن ويخليكي ليا يا ست البنات
صړخت سماح فجأه 
سماح يالهويييييي
حسن في ايه يابت المجنونه
سماح سونه زمانها راجعه من السوق هجري بسرعه قبل ما تقفشني 
حسن بضحك بنحبك يا مجنونه 
بصتله سماح وهي بتضحك وبتعدي الشارع بسرعه
جريت سماح على الشارع بتاعهم بسرعه ودخلت على البيت كانت سونه واقفه باصه عليها من الشباك ولمحت
وراها حسن 
سونه ماشي ياسماح وديني لا أطين عيشتك انا يابت تخلي مها تكسب بونط