ابن ليل اميرة اسامة
انت يا ابن الجمال طيب سيب حد غيرك
يقول الكلمتين دول
عبدالله يلا يابا احنا عملنا اللي علينا ياكش حتى يتعارك مع خلق الله كلهم ملناش دعوه
كرم هنتعارك يا عبدالله اطمن بس يارب ما نلمحك في العركه بتاعتي اصلي لو لمحڼاك هنزعلوك
زكريا حمدالله على سلامتك يا ابن رفاعي يلا بالاذن
رفاعي اذنك معاك يا اخويا
بصله عبدالله وهو ماشي
بكر بضحك ياجدع سيبك منه بقى مالك وماله
كرم مبنطيقهوش يا بكر وعايز نكسر راسه
رفاعي يا ابني سيبك منه بقى ويلا خلينا نرجعوا ايه ياسونه مش يلا عشان نوصلك الوقت اتأخر يا بنتي
سونه يلا يا معلم
رفاعي مش عارف نشكرك ازاي يا سونه لولاكي كان زمان محدش لاحق كرم
سونه انا معملتش حاجه يا معلم رفاعي المهم ان سيد المعلمين بخير
كتم بكر ضحكته هو والشباب
رفاعي يلا بينا
خرجوا بره القسم قربت سونه من كرم بصوت واطي
سونه لو كان جرالك حاجه كان زماني مۏت وراك
كرم لو نعرف كنت عملتها وخلصت منك يا سونه
سونه اخس عليك يا كيرو واهون عليك
كرم يامره اتعدلي بدل ما نبوظ خلقتك ومتستحليهاش
سونه ايوه عليك ده بدل ما تشكرني
كرم شكرا يا اختي و يلا اركبي خلينا نخلصوا من اليوم اللي مبيخلصش ده
ركبت سونه وفضل بكر والشباب يضحكوا
كرم اضحكوا اوي
بكر طب والله عسل
كرم ماشي هنبقى نشوف حكايه العسل ده مع مها
بكر لا والنبي كله إلا مها اختك دي مخبوله و مبتصدق
كرم طب اركب يا اخويا
مر أسبوع كامل وفضل الوضع في الشارع على
ماهو عليه لسه معرفوش مين اللي عملها ولسه الوضع بين عيلة رفاعي و عيلة الجمال كالعاده زي ما هو عليه وفي يوم في المساء بدأ تجهيز الشارع لفرح كبير لشاب ابن منطقتهم الفراشه جهزت في الشارع والكل كان واقف مع العريس بيساعده وخصوصا كرم وبكر والشباب لان الشاب ده من ضمن الناس اللي كانت واخده صف كرم بالنسبه للعداوه اللي بينه وبين عيلة الجمال
دعاء كان بقالها كذا يوم مش على بعضها وفي حاجه مخبياها ومش قادره تقولها لأي حد كانت ديما ساكته وسرحانه
خرج عبدالله من البلكونه لقاها قاعده ساكته
عبدالله ايوووه عليكي مالك مسهمه كده ليه أديلك كذا يوم
دعاء بإرتباك هاااا
عبدالله هو ايه اللي هااا فيكي ايه
دعاء بإبتسامه توتر هيكون فيا ايه ما انا زي الفل اهو حاولت تغير الموضوع بسرعه كنت بتعمل ايه في البلكونه
دعاء اه تقصد على فرح سمير صحيح انت موقفتش معاهم ليه ده الكل معاه
عبدالله وانا هنوقف بصفتي ايه
دعاء ايووووه مش ابن منطقتك يعني هما اللي واقفين تحت بيعملوا ايه اهو الكل بيجامل
عبدالله كرم واخوكي تحت معاهم وبعدين انتي عارفه الكل واخد مني جنب عشان ميزعلوش كرم
عبدالله بيتكلموا عادي بس من بعيد لبعيد وفي وجود كرم مبيبقاش في كلام خالص بالكتير سلام الكل بېخاف على زعله زي ما انتي عارفه
دعاء عارفه يا عبدالله بس مش عيزاك تزعل
عبدالله نزعل بعد عشرين سنه انا خلاص اتعودت و مبقيناش نزعل وبيني وبينك اوقات بنتبسط
دعاء بإستغراب بتنبسط عشان بيعملوا حساب لكرم
عبدالله ايوه يا دعاء عشان وقتها كرم بيبقى فرحان لما الكل بياخد مني جنب في حضوره بنحس انه شمتان فيا وبنحس كمان انه حاسس بإنتصار زي اللي فاز في سباق
دعاء و انت ليه بتفرح يا عبدااله
عبدالله بإبتسامه حزن عشان بنحس انه ارتاح يا دعاء بنحس ان الوج ع اللي جواه من ناحيتي بيقل
دعاء بإبتسامه بتحبه يا عبدالله
عبدالله بتنهيده طويله أيووووووه بنحبه ده كرم يا دعاء عشرة عمري واخويا
دعاء بحب انت طيب اوي يا عبدالله تعرف كنت فاكره ان اللي كرم بيعمله معاك ضيع حبه من قلبك
عبدالله ولو عمل اكتر من كده عمر حبه ما يقل ابدا واوعي تفكري ان كرم بيكرهني كرم ميعرفش يكرهه يا دعاء هو كل الحكايه موجوع
دعاء عارفه بس هو اتغير كتير عن زمان
عبدالله كتير اوي ويمكن كمان مش هو نفسه كرم بتاع زمان لكن انا واثق ان قلبه زي ماهو لا يمكن يتغير
دعاء طيب وبكر اخويا يا عبدالله
عبدالله ماله
دعاء لسه بتحبه ولا زعلان عشان خد صف كرم
عبدالله بكر اخويا يا دعاء مش عشان انتي اخته بس انتي عارفه ان انا وبكر وكرم كنا اصحاب واكتر من الاخوات وعلى فكره لو بكر مكانش خد صف كرم كنت استغربت ومكناش استجدعناه
دعاء مش فاهمه
عبدالله يعني اللي بكر عمله وبيعمله هو الصح وانا عارف اني لو كنت مكان كرم كان خد صفي انا مش زعلان منه بالعكس على الأقل حد فينا يبقى جنب كرم
ابتسمت دعاء ابتسامه بسيطه كلها توتر وفضلت عينها تروح وتيجي وتلعب في صوابعها
دعاء طيب ودره يا عبدالله
اتحولت ملامح عبدالله پغضب وبصلها
عبدالله مش عايز نسمع اسمها يا دعاء قولتلك الف مره انا اعتبرتها ماټت
دعاء بحزن بعد الشړ ليه بس كده يا عبدالله دي مهما كان اختك
عبدالله وانا مليش اخوات يا دعاء بسببها كل حاجه باظت زمان بسببها خسړت اصحابي وبسببها الكل خسر بعضه
دعاء بس انت كنت راضي و وقفت معاها يا عبدالله
عبدالله انا عمري ما كنت راضي ولو وقفت معاها يا دعاء فا ده مكانش بكيفي ده كان بأمر من ابويا عشان منسيبهاش لوحدها وبطولها اقفلي على السيره دي يا دعاء ومش عايز نسمع سيرتها تاني مفهوم
قام عبدالله و ساب دعاء لوحدها
فضلت دعاء باصه عليه بحزن و جواها توتر وارتباك كبير
دعاء يارب يعدي اليومين اللي جايين دول على خير وكل حاجه تمشي زي ما احنا عايزين
في مكان آخر بعيد تحديدا من داخل الطياره
ديما اووووف بقى انا تعبت
دانه انا كمان تعبت اوي هو لسه فاضل كتير
دارين بصوت هامس بس انتي وهي بطلوا دلع شويه
ديما دلع ايه حرام عليكي هو انتي متعبتيش من القاعده دي انا تعبت وزهقت
دارين لا تعبت بس مش لازم طول الوقت نحسس مامي بتعبنا
دانه سيبيها يا ديما انتي فاكره لما تقولي ادام
ان قلب حنين دي تعبتي هتقولك وانا كمان
دارين بصت بهدوء على مامتها وبعدين بصتلهم پغضب بسيط خلي عندك ډم انتي وهي انتوا مبقتوش اطفال وبعدين مش كفايه اللي مامي فيه كمان هنزود عليها بأعتراضنا طول الوقت
ديما لا ازاي لازم نقول حاضر وطيب ونعم وكمان منعترضش لما نتعب
دارين محدش قال متقوليش بس على الاقل توطي صوتك مامي مش ناقصه كفايه اللي هي فيه
دانه انا مش فاهمه كان هيحصل ايه يعني لو فضلنا في أمريكا ليه هنرجع مصر من الاساس
دارين تاني يا دانه انتو بجد مبقيتوش تتطاقوا مش خلصنا كلام في الموضوع ده
دانه ايوه خلصنا كلام يا دارين بس مش معنى كده اننا مقتنعين
دارين وايه اللي مخليكم مش مقتنعين مش طول عمرنا نفسنا نسافر مصر ونزورها
ديما اديكي قولتي يا دارين نفسنا نسافر مصر ونزورها مش نستقر فيها
دارين وايه المشكله لو استقرينا فيها
دانه انتي بجد شايفه انها مش مشكله يا دارين متخيله نسيب بيتنا واصحابنا و دراستنا وكل حاجه وفجأه نروح مكان منعرفش عنه حاجه وملناش فيه حد
دارين لو على اننا منعرفش فيه حاجه اكيد شويه شويه هنعرف ولو على ملناش حد لا لينا اهل مامي
ديما اهل مامي هما فين اهل مامي طول السنين دي احنا منعرفش عنهم حاجه غير شويه صور قريبه مامي دي اللي اسمها دعاء هي اللي بتبعتهم لمامي
دارين اسمها طنط دعاء مش اللي اسمها دعاء وبعدين ادينا هنتعرف عليهم
دانه طيب وليه طول السنين دي مش بيكلمونا ولا بيكلموا مامي انتي عارفه انهم
مقاطعين مامي من زمان من وقت ما اتجوزت بابي في حد في الدنيا يقاطع بنته
دارين بعقل اكيد ليهم اسبابهم وانا واثقه ان في سبب كبير وقوي خلاهم يعملوا كده وإلا مامي مكانتش طول السنين دي فضلت تحاول تكلمهم
ديما والله بقى انا مش معاكي في الكلام ده مهما كان السبب مفيش حاجه تخليهم يبعدوا عن بنتهم الوحيده وحتى لو كان السبب قوي زي ما قولتي معقول قوي لدرجه انهم يفضلوا عشرين سنه على نفس موقفهم
دارين الله اعلم ايه اللي حصل انتوا عارفين ان مامي مش بتحكي حاجه بس انا واثقه بما اننا راجعين وهيحصل بينهم مواجهه اكيد هنعرف السبب
دانه اهو انا بقى مش قلقانه غير من المواجهه دي
دارين ليه
دانه خليكي ذكيه يعني هما مقاطعينها بقالهم عشرين سنه ولما بتحاول تكلمهم محدش فيهم بيرضى وكمان بقالها حوالي اسبوع من وقت ما قررت اننا نرجع مصر وهي بتتفق مع طنط دعاء انها هتنزل وهما ميعرفوش تفتكري لما يبصوا يلاقوها قدامهم هيتقبلوها بالبساطه دي
ديما ومش بس كده مامي اصلا باين عليها التوتر جدا وانا واثقه ان هي كمان خاېفه من المواجهه دي بس هي اللي مش حابه تظهر ده
دارين يبقى منزودش احنا عليها التوتر بكلامنا ولا ايه
دانه هو احنا قولنا حاجه بس كمان مينفعش في يوم وليليه حياتنا تتغير
دارين انتو ليه سابقين الاحداث مش يمكن تتبسطوا ويمكن نحب مصر
ديما بصي هو انا بصراحه متحمسه جدا ومبسوطه بس في نفس الوقت خاېفه معرفش اتعود وخاېفه لو حبيت ارجع مامي تزعل او تعترض
دارين بحب مسكت ايدهم بصوا يابنات انا عارفه ان اللي بيحصل في حياتنا الفتره دي صعب علينا كلنا وكمان مش سهل خالص بس احنا طول عمرنا ملناش غير بعض ومامي عمرها ما قصرت معانا في اي حاجه بيتهيألي جه الوقت اللي احنا نقف جنبها ومنقصرش معاها و منشيلهاش الهم اكتر مامي تستاهل اننا نعمل معاها اي حاجه عشان بس تكون مبسوطه صح ولا ايه
ديما اكيد صح واحنا لو بنتكلم يا دارين فا ده عشان حياتنا اللي اتغيرت زي ما قولتي وده مش سهل علينا
دارين عارفه يا ديما انه مش سهل واكيد قرار السفر لمصر مكانش سهل على مامي خصوصا بسبب علاقتها مع اهلها بس مامي يا بنات مش بتعاني من بعدها عن اهلها وعلاقتها بيهم دي بقت بتعاني من اللي حصل من بابي وده مش سهل عليها
دانه بحزن طيب و بابي يا دارين خلاص كده مش هنشوفه تاني
دارين بتنهيده حزن بابي هو اللي اختار يا دانه بس اكيد لو حب انه يشوفنا او احنا نشوفه مامي عمرها ما هتعترض
ديما بيتهيألك مامي زعلانه من بابي اوي يا دارين
دارين عارفه بس مهما كان زعلها من بابي هي مستحيل تحرمنا منه المشكله مش في
مامي خالص يا ديما المشكله في بابي نفسه ميتهيأليش هيفكر فينا اصلا بابي للاسف اتغير الفتره الاخيره
حتى لما مامي خدت قرار الانفصال وقالتله انها هترجع بينا مصر معترضتش ولا حسيت للحظه انه باقي علينا بالعكس كان عادي وقال اوك زي ما تحبوا مش هو ده بابي اللي نعرفه للاسف
دانه بدموع دارين معاها حق انا اول مره اشوف بابي كده لحد اخر لحظه كنت متخيله انه هيرجع لعقله ويمسك فينا بس لا معملش كده وكنت حاسه ببرود فظيع من ناحيته ومكانش زعلان
ديما انتو معاكم حق اقولكم على حاجه
دارين قولي يا ديما
ديما انا قبل ما نسافر بكام ساعه اتصلت ببابي وكنت بعيط طلبت منه يجي يصالح مامي ويخليها متسافرش و قولتله انا
