طفلتي الناضجة كاملة بقلم اسراء ابراهيم

اسكربت 
طفلتي الناضجة 
يا خيبتك يا رهف بقي موافقة تتجوزي خالد ده انتي متعرفيش هو قال ايه عليكي 
كانت بتتكلم ملك بسخرية وهي ببص لرهف باستغراب ووقتها رهف مكنش شاغلها اي حاجة غير انها هتتجوز خالد اول راجل قلبها دق ليه ومش شاغلها حتي السبب اللي هيتجوزها عشانه 
اسمعي يا ملك انا مش هامنني اي حاجة غير ان خالد هيكون من نصيبي اي حاجة بقي بعد كدة تتحل
ملك پصدمة وهي بتقرب من رهف انتي مچنونة يا بنتي ولا عاوزة تجننيني معاكي رهف فوقي خالد مڠصوب علي جوازه منك خالد قاعد تحت مع عمك وبيتكلم معاه وبيقوله انه مينفعكيش وانك عيلة صغيرة بالنسباله ومش اكتر من بنته

رهف بتوتر وهي بتهرب من الكلام اللي سمعته مش مهم بكرة لما بتجوزني واقرب منه انا عارفة هخليه يحبني ازاي
ملك پجنون وهي بتخبط بايديها علي وشها يا لهوي ده انتي خلاص عقلك ضړب يا رهف بس خديها مني نصيحة اللي زي خالد ده تقوليله يا ابيه تاخدي رأيه في حاجة لكن تحبيه لا ده انتي مچنونة
رهف بهيام وهي سرحانة في خالد مش مهم ابقي مچنونة بس المهم اني اكون معاه انتي متعرفيش خالد انا بحبه قد ايه ملك لو بتحبيني بجد ساعديني اكون معاه
ملك بتنهيدة بعد ما صعبت عليها رهف حاضر يا رهف اما اشوف اخرتها ما انتي بنت عمي وانا بحبك ولازم اساعدك هنزل احاول اسمع كدة رسيو علي ايه واطلع اقولك
رهف بفرحة وهي بتحضن ملك ربنا يخليكي ليا يا ملك ماشي روحي وانا هستناكي هنا متتأخريش
خالد بضيق وهو بيبص لخاله يا عمي انا فهمت حضرتك الف مرة ان رهف متنفعنيش ولا انا انفعها انت ليه حضرتك مصمم
كامل باصرار وهو بيبص لخالد بهدوء عشان هو ده الصح وانا اكبر منك وفاهم عنك اسمعني يا خالد رهف دي مش بنت اخويا دي بنتي وانا اللي مربيها بعد اخويا الله يرحمه و عاوز اطمن عليها وانت ياابني ارمل بقالك خمس سنين ومش هتفضل طول عمرك كدة ريحني يا خالد الله يريح قلبك
خالد نفخ بضيق وبص لخاله بقلة حيلة اللي حضرتك تؤمر بيه يا خالي
كامل بفرحة وهو بيحضن خالد ياااه متعرفش فرحتني قد ايه يابني ربنا يسعدكم
كانت واقفة ملك بتتصنت عليهم وبعدين ابتسمت بتلقائية وطلعت تجري علي شقة رهف بنت عمها فوق
رهف بفرحة وهي بتمسك ايد ملك بجد يا ملك انتي متأكدة من اللي بتقوليه ده خالد وافق علي جوازه مني 
ملك بابتسامة وهي بتبص لرهف بحب ايوة يا حبيبتي بس يا رهف انا مش قصدي اضايقك بس لازم تعرفي ان من طريقة كلام خالد انه مش موافق علي الجوازة دي وهيتممها بالڠصب والضغط من بابا
رهف بتنهيدة كلها
فرحة وهي بتسرح بعيد مش مهم يا ملك انا ان شاء الله متأكدة اني هقدر اسعده واخليه يحبني
ملك بحيرة وهي بتتنهد بتلقائية طيب يا رهف يلا هسيبك بقي وانزل لماما احسن زمانها مستحلفالي عشان قعدت كل ده عندك سلام
رهف وهي بتكح وحاسة نفسها بيضيق ملك لو سمحتي بس هاتيلي البخاخ من جوة احسن حاسة نفسي ضيق
ملك بغيظ وهي بتروح بسرعة لاوضة رهف انتي ليه مهملة في نفسك كدة التزمي بمواعيد علاجك والبخاخة دايما تبقي قريبة منك
رهف بتعب وهي حاطة ايديها علي وشها حاضر يا حبيبتي متقلقيش عليا
قبل الفرح باسبوع كانت نازلة رهف مع خالد يجيبو فستان الفرح تحت ضغط من عمها كامل علي خالد عشان