ابراهيم
..
خالد يابنتي هو بيحتاج حد يساعدوا علشان يلبس هدومه وياخذ حمامه محتاج حد يأكله خطيبته اتخلت عنه ..
غزال بزعل ليه كدا طب فين والدته ماشاءالله هو عندوا عيلة كبيرة ..
خالد حتى لو عيلته كبيرة لكن مافيش حد بيحبه مايا مراتي مش مهتمه بيه ..
غزال يعني الهانم مش والدته ..
خالد لا مايا مش أمه اتجوزتها بعدما اټوفت والدة بيجاد والثانيه سلمى مرات أخويا وبنتها لينا هي خطيبة بيجاد وفي كمان إبن أخويا وأنا بعتبره إبني
خالد يابنتي أنا حتى لو معرفش عنك حاجة لكن أنا محتاجك جنب إبني أول مايخف كل واحد يروح في طريقه ..
غزال تمام أنا موافقه ياخالد بيه بس هيكون جواز مؤقت ..
في الخارج كانوا كلهم قاعدين بيفكروا ياترى مين البنت دي
وليه خالد خذها ودخلوا مكتبه
سلمى مين البنت دي يامايا وليه خالد مهتم بيها ..
سلمى هههه مش هو جوزك ولا إيه ..
لينا أكيد دي واحده ش٠حاته عمو خالد هيعطيها شوية فلوس ويمشيها ..
خرج خالد على كلامهم و غزال وراه
خالد غزال مش شحاته يابنت أخويا غزال بعد شوية هتكون مرات بيجاد ..
كلهم بصولوا پصدمة إلا بيجاد اللي كان بيبص لأبوه بحيره
خالد بابتسامه أيوه ياحبيبي هيبقوا معاك طول الوقت ..
مايا بق٠رف خالد أي حد يجي من الشارع يبقى واحد من عيلة الشهاوي ..
خالد بع٠صبية مايا اسكتي غزال مش بنت شارع مفهوم
زينة خذي غزال ساعديها علشان تجهز نفسها شوية والمأذون هيوصل ..
سلمى إيه اللي بيحصل دا ياخالد ومين البنت دي ..
اخذت زينة غزال وطلعوا لفوق والكل كان واقف مذهول من قرار خالد
عند أمل خلاص تعبت مابقتش قادره تستحمل الظلم اللي هي عايشه فيه قررت إنها تهرب فتحت الشباك ونطت منه إيدها اټجرحت لكنها مهتمتش قامت تجري لكن واحد من الجارد خذ باله فزعق
الجارد بسرعة الحقوها دي بتهرب ..
سمعت حد ركب العربية واتحرك بيها
أمل بتكلم نفسها يارب رحمتك أنا خاېفه
وصل المأذون نزلت غزال كان جمالها يأخذ العقل مع إن هدوم زينه كانوا واسعين عليها لكن بينت جمالها
سلمى مايا إنتي موافقه على المهزله اللي بتحصل دي ..
لينا وقفوا المهزله دي الجوازه دي مش هتم ..
خالد وإنتي مين طلب رأيك علشان تقرري إنه مش هيتم ..
لينا عمي أنا بحب بيجاد وفسخت الخطوبه علشان كنت خاېفه صحابي يضحكوا عليا ..
خالد بتهكم ودلوقتي كمان ممكن يضحكوا عليكي يابنت أخويا ..
بيجاد لا إنتي شريره أنا هتجوز غزال وبس ..
خالد پحده بيجاد هيتجوز غزال مفهوم ..
مايا بس ياخالد هي ..
وقفها خالد بإشارة إيده
خالد مش عايز أسمع حاجة يلا اكتب ياشيخنا ..
بعد مدة قصيرة تم كتب الكتاب قال المأذون جملته الشهيرة
بارك الله لكما وبارك عليكما وجمع بينكما في خير
خالد ألف مبروك يابني خلي بالك من البيبي ..
بيجاد بفرحه أطفال أنا هخلي بالي منها وهلعب معاها ..
خالد هههه تمام يابني زينة خذي غزال على أوضتها وجيبيلها كل اللي ناقصها هي والبيبي ..
زينة بابتسامه إطمن ياخالد بيه أنا ح هتم بكل حاجه ..
خالد غزال يابنتي يلا إطلعي ارتاحي في أوضتك أنا خارج دلوقتي ..
خرج خالد مع المأذون شالت غزال البيبي
لينا ماتفرحيش أوي كدا لأنك قريب أوي هترجعي للشارع اللي جيتي منه ..
غزال حاسبي ليطقلك عرق هفرح زي ما أنا عايزه أنا في بيت جوزي زينة خذيني لأوضتي ..
لينا بتعالي بصي يا شرشوحه أيامك هنا معدوده ..
غزال طلعت لفوق من غير ماترد عليها وبيجاد طلع وراها
زينة بصي يابنتي دي أوضتك إنتي وبيجاد بس بلاش تردي على لينا ..
غزال بدموع أنا الظروف هي اللي وصلتني لهنا مش أنا اللي اخترت ..
زينة طب ماتعيطيش يابنتي وخليكي قويه هنا في ثلاثة افاعي خلي بالك منهم ..
غزال حاضر تسلميلي ياداده ..
خرجت زينة غزال بصت لبيجاد اللي كان قاعد بيلعب مع البيبي كأنه لسه عيل صغير
بيجاد صحيح هي إسمها إيه ..
غزال لسه مسمتهاش أنا لسه هختارلها إسم ..
بيجاد بحماس ممكن أنا اللي أختارلها الإسم ..
غزال تمام اختارلها إنت إنتوا خلاص بقيتوا صحاب ..
بيجاد إنتي صاحبتي الكبيرة وهي صاحبتي الصغيره ..
بصلها كثير بعدها إبتسم وبص لغزال
بيجاد هسميها ملاك علشان أناديها ملاكي ..
غزال هههه تمام اتفقنا ملاك إسم جميل أنا هرتب الفوضى اللي في الأوضه وإنت العب معاها ..
بيجاد تمام إطمني أنا هلعب معاها وهخذ بالي منها ..
غزال بدأت تنظف الأوضه وتبصله وهي زعلانه عليه إزاي شاب في سنه يكون عامل زي عيل صغير قررت إنها تساعده لحد مايشفى ويرجع زي الأول
وقفت السيارة أمام أحد المنازل نزل صاحب السيارة فتح باب السيارة الخلفي علشان يأخذ منها حاجات لكنه اټصدم ورجع لورى
سيف إنتي مين وبتعملي إيه جوا عربيتي ..
أمل أنا آسفه أوي أنا دخلت عربيتك ڠصب عني أنا همشي دلوقتي ..
سيف هو دخول الحمام زي خروجه مش هتروحي لمكان لحد ما أعرف إنتي مين وإيه حكايتك مش ممكن تكوني عامله عمله وهربانه ..
أمل بدموع والله أنا معملتش حاجة خليني أمشي أرجوك ..
سيف ماتخافيش تعالي معايا وأنا هساعدك في مشكلتك ..
نزلت من العربية واتحركت وراه وهي بتترعش من الخۏف فتح الباب ودخل شاف والدته قاعدة مع خالته وفي بنت قاعدة معاهم
سيف السلام عليكم ازيك ياخالتي ..
خالته الحمدلله يابني ..
رحمة ههه حماتك بتحبك ياحبيبي إحنا لسه كنا جايبين في سيرتك ..
سيف خير يا أمي جايبين في سيرتي ليه ..
رحمة خالتك جت النهاردة وأنا اتفقت معاها علشان كتب كتابك إنت وبنتها ..
رجع سيف لورى مسك إيد أمل ووقف قدامهم حاولت أمل إنها تشيل إيدها لكن ضغط عليها وقرب من وذنها
سيف ساعديني وأنا هساعدك إسمك إيه ..
امل بتوتر همست إسمي أمل ..
رحمة مين اللي ماسك ايدها دي ياسيف ..
سيف أحب أعرفكم أمل مراتي ياماما ..
غزال خلصت تنظيف قعدت جنب بيجاد
غزال دي نامت غطيها بس مش كتير هي لسه صغيره ..
بيجاد إنتوا هتفضلوا هنا معايا على طول صح مش هتروحوا ..
غزال أيوه هنبقى معاك دايما أنا وملاك ..
بيجاد قرب منها وحضنها بفرحة أطفال غزال اتوتر وبعدت عنه
غزال بتوتر أنا هنزل أجيبلك أكل لأن مايا هانم قالت إنها بتقرف ..
بيجاد جيبي كمان أكل لملاكي ..
نزلت غزال وهي متوتره من حضنه ليها
سلمى بسخرية خير
ياعروسه شيفاكي نازله متوتره لتكوني مش متعوده على البيوت ..
غزال ياست سلمى إنتي عارفه أنا عروسه جديده ومن حقي اتوتر بس مش عارفه ليه شامه ريحة حريق ..
سلمى پغضب قصدك إيه ياشحاته ..
غزال قصدي إبعدي عن طريقي علشان ماولعش فيكي ياسوسو
دخلت المطبخ وسابت سلمى وهي في قمة ڠضبها
سلمى خذت مفاتيح عربيتها وخرجت والڠضب مالي قلبها
عند غزال
فتحت الثلاجه وطلعت منها حاجات علشان
