عارفة حظي

ياعروسة

اڼصدم الجميع من كلامها نظرت تاليا اليها بحدة وشعر زين بالحرج

قالت ام ادهم برزانة هو انتي متعرفيش انه اتجوز عيلة بسن بنته ورامينا ودي حاجة متقلش مننا ابتي مهندس وبنتي محامية والكل بيحكي على اخلاقهم

رد ادهم بهدوء انا راجل البيت ياحاجة

وابويا يبقى الحج عاطف الي رباني

عاطف وهو يداري الاحراج ياللا ياعريس خد عروستك واخرجو اتعشو برة

بعد اذنك ياادهم

ادهم آه طبعا مفيش مانع

انصرف زين وتاليا واصطحبها لاحدى المطاعم الهادئة وقالها تاليا انا آسف عن الي حصل من امي

بقلم مرفت السيد

تاليا حصل خير بس مامتك حما زي الافلام

ضحك انا باوعدك اني مش هسمحلها تخرب حياتنا

انا مبسوط اننا اتخطبنا وانتي

تاليا انا جعانة

ضحك كلاهما وبعد. تناول العشاء قالها انا ليه مش شايفك مبسوطه ومش باقدر اعرف مشاعرك بسهولة

تاليا انا كتومة شوية او بمعنى اصح مش باعرف اعبر كويس بالكلام وساعات باتكلم عند اللزوم يعني كلامي قليل بس تصرفاتي اسرع

_قصدك انك بالافعال مش بالكلام

 بالظبط

_انا لاحظت كدة

 اتضايقت

_لأ ليه بتقولي كدة

 عشان الشباب بيفضلو البنت الي بتبادلهم الكلام خصوصا الرومانسي

_بالعكس انا افضل اني ارتبط بيكي عنهم عالاقل هافهم. ان فعلك بيتكلم. عن لسانك وكونك وافقتي عليا يبقى جواكي مشاعر

 عيب بقى

_ ماشي هاسكت

 تحبي نروح

_اوك بس ليا طلب الأول

 ياسلام اوامر

_ممكن ناكل درة 

 بس كدة

_آه 

 فدان درة بحاله ياستي

وبالفعل توقف على الكورنيش واشترى لها درة وحمص الشام وشربا قهوته المفضلة من مكانه المعتاد وقضيا الوقت يتحدثان سويا ولم يشعرا بمرور الوقت

_مش ياللا بينا ياهندسة

 صدقيني مش عاوز اروح بس امرك

واوصلها الى المنزل وانتظر حتى وصلت للشقة وانصرف

دخلت تاليا وهي سعيدة حتى انها كانت مستغربة فوجدت ادهم امامها

ابتسم واحتضنها حبيبتي شكلك مبسوطه

بصراحة آه

 ايه رأيك فيه

طيب ومتفاهم وانا مرتاحة

 بس دة اهم شيء ربنا يسعدك ياحبيبتي وهدي كمان الخبر الحلو دة

قول

 تدفعي كام

هشحنلك الباقة

 ماشي مبروك مرتين على خطوبتك وعلى نجاحك بتفوق

الله يبارك فيك فين ماما وخالتو

 ناموا بس عرفوا وزغردوا وفرقوا ساقع وجاتوه عالجيران وانا ماردتش اتصل بيكي عشان متصرخيش وتتنططي برة والبرستيج يبوظ

اللهم لك الحمد

 الحج عاطف هايخليكي تتدربي مع اكبر محامي

الحج دة راجل محترم ياللا تصبح علي خير

 وانتي من اهله

مر الشهر سريعا مابين عمل تاليا بالشركة وبالمساء بمكتب حامد عتمان المحامي كمتدربة واحيانا تذهب للمحكمة معاه وكانت بتشوفزين في الشركة بس والعلاقة رسمية وهو كان بيتصل بيها يوميا بالليل يتكلموا شوية حتى اقترب موعد الخطوبة فاعطاها عاطف اجازة من الشركة ومن مكتب المحامي

وذهبت هي وزين لتجهيز حديقة فيلا عاطف مع الودينج بلانر وبعدما انتهيا اصطحبها لاختيار فستان وبدلة الخطوبة بس الحقيقه انه. كان فرحان انه هايخرج معاها

وهم بالطريق قالتله هانروح فين

 خليها مفاجأة

وانزلهاامام اكبر مول لبيع الملابس لمصمم شهير والمكان معروف ببيع النلابس والاحذية من ماركات عالمية

كان في استقبال زين بنفسه

شعرت تاليا بالانبهار قالها زين وهو يجلس واضعا قدما فوق الاخرى وقال تاليا البنات معامي وتحت امرك اختاري الي يعجبك

وجاءت 4 فتيات لمساعدتهها بينما جلس هو يحاسي قهوته ويتحدث مع مالك المكان ةيبدو بانهما صديقان

واخذت تاليا بقياس الفساتين حتى اختارت فستان ذهبي ضيق بلا اكمام وله ذيل طويل

فقال لها وهو يتأملها عاجبك

 آه

فقام واقترب منها ودار حولها وقال هو تحفة بس ضيق وعريان

 عاجبني

تاليا انتي بتحلي اي حاجة تلبسيها

 بكاش

فهمس لها انا بحبكك

فاحمر وجهها خجلا وهرولت من امامه

فنده عليها تعالي نختار بدلتي

وبالفعل اختارت له بدلة سوداء بقميص نحاسي

وصمم على اختيار ملابس خروج لها وله

واوصلها للمنزل وقبل يديها وهي تغادر السيارة

وصلنا ليوم الخطوبة كانت تاليا تبدو كالاميرات وبجوارها زين وجلسا بالكوشة

وسط سعادة الجميع عدا فاطمة كانت تراقب تاليا بغل وفجأة ابتس حين رأت

قامت فاطمة وهي تبتسم واتجهت لترحب ب ابو تاليا ومراته

صافحتهم بترحاب وهي تقول منورين ياجماعة

اتفاجيء ادهم وامه وخالته بدخول ابوه ومراته عليهم وقعدوا على ترابيزة بجوارهم ومعاهم فاطمة وبيضحكو ويهزروا سوا

ادهم قال لامه انا هاتصرف متشغلوش بالكم دة فرح تاليا مش هانبوظه

ولاء عين العقل اضحكي ياام ادهم خليهم يتغاظو

ضحكت ام ادهم بشدة والله فعلا شكلهم يضحك بس انا خاېفة على بنتي من حماتها

ادهم وهو يغادر خافي على الحاجة فاطمة من بنتك

الام يارب يابنتي حظك بالجواز يطلع احسن من امك

ولاء يارب ويبقى احسن من. حظي انا كمان

بقلم مرفت السيد

اتجه ادهم لعاطف واخبره احمر وجه عاطف وطلب من مسئولين الأمن بسرعة التخلص من ابو ادهم وزوجته بهدوء

وبالفعل اتجه افرادمن الأمن ليهم و كانو لسة قايمين عشان يروحو يباركو لتاليا زي مااتفقو مع فاطمة ولكن الامن اصطحبهم بهدوء برة الفيللا

واتجه عاطف لزوجته وقال وهو يجلس امامها عليا الطلاق منك حركة تاني منك وهاتحصليهم

جلست بصمت وهي تشعر بالغيظ

واشارت براسها الى بنات اخواتها التلاتة

فقاموا واتجهو للدي جي وطلبوا منه تشغيل اغاني شعبية راقصة

وراحو عند زين وتاليا وهما بيرقصو بمياعة بملابسهم الڤاضحة وحاولو يشدوا تاليا معاهم وهي رافضة وبتبتسم بهدوء

فشدوا زين معاهم وهو واقف ساكت ومبتسم وهما بيرقصو قدامه وبيتدلعو عليه والناس بتسقفلهم

لحد. ماخلصو واحدة منهم قالت لتاليا مبروك احنا بنات خالته اوعي تكوني زعلتي احنا زي اخواته

تاليا بهدوء اهلا بيكم

زين لتاليا حاسس انك هاتدفعيني تمن افعالهم

تاليا ولايهمني الي عملوه متقلقش

عاطف ياللا لبس عروستك الشبكة ونظر لفاطمة بحدة فاطلقت زغرودة واباسمت ابتسامة صفرا وهي بتبارك لتاليا

بقلم مرفت السيد

اخو زين اعطاه علبة قطيفة وفتحها زين وسط الزغاريد والبس تاليا طقم من الالماس ويتوسطه حجر كريم ازرق اللون

انتهت الحفلة على خير واصبحت تاليا خطيبة زين بصورة رسمية

بعد مرور 7 أشهر الامور كانت ماشيةطبيعية جدا وفي تقارب بيحصل بين الخاطبان تاليا كانت متجنبة فاطمةخالص ومش بتديها اي فرصة تعملها مشكلة

كان لازم ادهم يرجع يسافر تاني لأن المشروع انتهى وبيحضروا لحفل الافتتاح

عاطف قرر يجوز زين وتاليا قبل سفر ادهم

فطلب من ادهم وزين يقنعو تاليا

ادهم اصطحب زين للمنزل وتاليا اتفاجئت إيه دة جايين على غفلة ليه وراكم ايه ياسوسة منك ليه

بقلم مرفت السيد

ادهم وحياتك عندي احنا جايين بسلام نبلغك رسالة

زين طيب مفيش حاجة تتشرب الأول

تاليا ماما وخالتو بيعملو كيكة جوة

زين روح اندهلهم عشان يحضرو الكلام

ادهم ولا عاوزهم عشان تتحامي فيهم

تاليا وراكم إيه ياحسب الله انت وعبد العال

جاءت ام ادهم وولاء بالكيك والعصير

ادهم اقعدوا ياموزز واسمعونا

انتو عارفين اني خلاص هاسافر بعد. حفلة الافتتاح

فالحج عاطف اقترح نقدم ميعاد فرح تاليا وزين

قبل مااسافر خصوصا ان مفيش سبب يعني وبعدين دول شهرين بس تقريبا الي هانقدمهم

زين انا قولت الي تاليا تشوفه هاعمله

الام ياريت فرحيني قبل مااموت

تاليا وادهم بعد الشړ

ولاء وافقي ياتاليا فرحي اخوكي وامك

تاليا طيب انا معنديش مانع

هتف ادهم وزين بجد

ضحكت تاليا ايوة الكل متحالف ضدي لازم اوافق