فتاة انحنت من أجل الحب

ما بينه وبين البنت اللى بيحبها اللى بعد كده ده مشكلتك انتى مش مشكلتى

جيهان يعنى انا اساعدك فى اڼتقامك من احمد يا اسلام وانت تتخلى عنى لما احتاجك

اسلام والله انتى وشطارتك بقى حاولى تقنعيه أن هو يتجوزك الاول وبعد الجواز نسيه كل حاجه

جيهان مرضاش

اسلام يبقى مع نفسك ومتتصليش بيا تانى فاهمه سلام يا قطه وقفل السكه فى وشها

جيهان بعصبيه بنى أدم واطى وجبان وحطت التليفون فى شنتطها وخرجت من الحمام وقالت اسفه اتأخرت عليك وقعدت على الكرسى

أحمد بضحكه ولا يهمك يا جيهان وتليفونه أعلن عن وصول رساله حط السماعات فى ودنه وسمع الرساله وضحك

جيهان كانت بتبص عليه بأستغراب وقالت انت بتضحك على ايه

أحمد على واحده عبيطه مفكره نفسها ذكية وهى اغبى خلق الله والحمدلله ربنا قدرنى وكشفتها

جيهان بتوتر ق ق قصدك ايه انا مش فاهمه حاجه

أحمد انا هفهمك

جهاد لاء يا برنس خليها عليا

جيهان جهاد انتى بتعملى ايه هنا

جهاد اصل بعيد عنك كنت معذوره وحمام الفيلا بيتصلح جيت دخلت حمام الكافيه

جيهان ها

جهاد اه يا اختى زى ما بقولك كده دخلت الحمام والحمدالله ربنا فك زنقتى وزنقت الراجل الكومن ده قوم ايه يا حبيبتى وانا فى الحمام اسمع صوت واحده حبيبتى وربنا بتتكلم مع واحد صحبنا على خطه انا الصراحه بعشق جو العصاپات دى واموت فى دور المفتش كرومبو ده المهم يا بنت خالتى العزيزه مش هطول عليكى مسكت تليفونى وسجلت كل كلمه حتى اسمعى كده وشغلت التسجيل بكلام وصوت جيهان

جيهان بصت لأحمد بتوتر وبلعت ريقها بصعوبه وقالت ا ا انتى بتراقبينى ولا ايه

جهاد انا فشړ اللى يقول غير كده طبعآ براقبك عملتى كده ليه يا واطيه يا رخيصه

جيهان بدموع علشان بحب احمد وهو طول عمره مش شيفنى غير اخت ليه وبس حاولت بكل الطرق أوصله أن انا بحبه لكن هو مفهمش كده لحد ما فى يوم عرفت منه أن هو بيحب واحده اسمها ساره انا كأنى سکينه وانغرزت فى قلبى ليه مش شيفنى وشاف واحده زى دى أنا أحق بيه انا بحبه من صغرنا انا بنت خالته اللى مستعده تضحى بعمرها علشانه قابلت اكون صديقه ليه علشان اكون جنبه دايمآ ومعاه حتى الكليه دخلت اللى هو ډخلها رغم أن انا مش بحبها علشان ابقى معاه وبعد كل ده يحب غيرى ليه هى فيها ايه اكتر منى هى مش احسن منى فى حاجه لحد ما عرفت أن هو ناوى يخطبها كنت هتجن ولاقيت اسلام جاى ليا وقعد على الترابيزه اللى كنت قاعده عليها وقالى أن هو سمع كلامه وعارف أن انا بحب احمد ومستعد يساعدنى نبعد ساره عنه خۏفت فى الاول بس اقتنعت بكلامه فى الاخر واتفقنا أن انا اجى اطلب منك توصلنى عيد ميلاد واحده صاحبتي وانت مش هترفض وهتيجى معايا والبنات هتمسك فيك تدخل وتقعد واسلام يحط ليك منوم فى العصير وده اللى حصل واول ما شربت العصير روحت فى النوم على طول وانا واسلام دخلناك الاوضه وقلعناك هدومك ونيمناك على السرير علشان تقتنع أن حصل حاجه ما بنا وخرج اسلام من الاوضه وانا قلعت هدومى ونمت جنبك على السرير واسلام اتصل بساره الاول من تليفونك علشان تسمع الدوشه وتشك فيك وبعد كده اتصل بيها من رقم غريب وبلغها العنوان وساب ليها الباب مفتوح علشان تدخل بسهوله وتشوفنا وهو اخد البنات ومشى وجات ساره والباقى انت عارفه

جهاد بجد انا مصدومه فيكى انا اه عارفه انك واحده واطيه بس عمرى ما فكرت انك ترخصى نفسك لدرجه دى

جيهان انا بحب احمد وكنت مستعده اعمل اى حاجه علشان يكون ليا انا وبس

احمد لو حتى كنت اتجوزتك ما انا كنت هكتشف انك كدابه وبرضه كنت هفضل احب ساره

جيهان بدموع معرفش الحب عمى عينى يا احمد

احمد من هنا ورايح مش عايز اعرفك تانى يا جيهان وانسى أن ليكى ابن خاله وصديق اسمه احمد وحط الحساب على الترابيزه وقال يلا يا جهاد

جيهان احمد ارجوك سامحنى

احمد خلاص يا جيهان الثقه اللى ما بنا راحت مش هقدر اثق فيكى بعد كده

جهاد ابقى خلى خططك تنفعك واحده رخيصه وبصت ليها بقرف ومشيت مع اخوها احمد وركبو العربيه

ورجعو الفيلا

جيهان بصت عليهم وهما ماشين وقعدت ټعيط

احمد وجهاد وصلو الفيلا ودخلو اوضت احمد وقالت

جهاد انا كنت متأكدة أن ساره مش جايه ابعت ليها التسجيل بتاع الحمام والتسجيل بتاع اعتراف جيهان واظهر برأتك

احمد انا لحد دلوقتى مصډوم من اللى عملتو جيهان

جهاد اسلام لعبها صح وعرف يستغل حب جيهان ليك واستخدمها كسلاح ضدك بس ربنا وقف جنبك وكشفهم ليك

احمد ربنا يخليكى ليا يا جوجو انا من غيرك مكنتش هعرف اعمل حاجه

جهاد ده انت اخويه حبيبى يا ابو حميد يلا بقى صالح مزتك تصبح على خير وخرجت من اوضت احمد وراحت اوضتها ونامت على السرير وبصت على السقف ودموعها نزلت منها وقالت اسلام كل حاجه وراها اسلام ورغم كده بتحبيه ولا قادره تكرهيه ولا قادره تقربى منه ولا عارفه ايه اخرت الحال اللى انتى فيه ده يارب ريح قلبى ودله على الطريق الصحيح وغمضت عينيها ونامت

فى شقة امير

فى اوضت ساره

كانت قاعده على سريرها ودموعها على خدها تليفونها رن برقم احمد كنسلت ومرضتش ترد عليه وشويه وتليفونها أعلن عن وصول رساله فتحتها وكانت من احمد شغلت التسجيل الاول وسمعت مكلمة جيهان لاسلام وانتهى التسجيل شغلت التسجيل التانى وفيه اعتراف جيهان بالى حصل وكانت بتسمع ودموع الفرحه نازله من عينيها وحضنت التليفون وقالت

ساره بدموع الف حمد والف شكر يارب إن احمد مطلعش خاېن وفى الوقت ده تليفونها رن برقم احمد فتحت التليفون وردت وقالت الو

احمد بفرحه اخيرآ سمعت صوتك

ساره عايز ايه يا احمد

احمد سمعتى التسجيل اللى بعته ليكى

ساره ايوه

احمد واتأكدى أن انا مستحيل اخونك

ساره سكتت ومردتش عليه

احمد ساره انا بحبك ومستحيل اشوف غيرك قصاد عينى انتى مليه قلبى وعينيا

ساره ماشى يا احمد عايز حاجه

احمد انتى مش سمعتى الاعتراف ليه مش عايزه تسامحينى

ساره مش معنى أن انت معملتش حاجه مع جيهان يبقى كده انت فى السليم ومغلطش لاء يا احمد انت غلط فى حقى علشان انا حذرتك من جيهان قبل كده وقولتلك واضح اوى انها بتحبك ورغم كده مصدقتنيش ومشيت وراها لحد ما كانت هتلبسك تهمه براحتك يا احمد إنما أنا برضه على موقفى منك سلام وقفلت فى وشه السكه وضحكة وقالت احسن خليه يتربى وحطت التليفون جنبها ونامت

فى اوضت امير

دخل امير الاوضه وسهى كانت قاعده على السرير اللى امير بينام عليه ولابسه قميص نوم

امير غمض عينيه واتنهد ودخل من غير ما يقول ولا كلمه

سهى