فتاة انحنت من أجل الحب
فى الوقت ده كنت استنيتى لصبح وجيتى
ساره مكنش ينفع اسيب احمد اقصد جهاد فى وقت زى ده
أحمد شكرآ يا ساره
وفى الوقت ده خرجت جهاد من العمليات ودخلت الاوضه ودخلو كلهم وراها
ام جهاد بدموع قومى يا حبيبتى ردى على امك
ابو جهاد ياريت كانت جات فيا ومجاتش فيكى يا بنتى يا نور عينى اللى بشوف بيها
ساره اهدو شويه يا جماعه هى اكيد تعبانه ومحتاجه راحه
جهاد امممم اسلام فين اسلام
ام جهاد بتقولى ايه يا حبيبتى
ابو جهاد عايزه ايه يا بنتى قولى
جهاد بصوت واطى جدآ وتعب اسلام اسلام راح فين وسابنى
روز قربت منها وقالت بتقولى ايه يا جهاد
سامح يا جماعه هى لسه مفقتش دى بتخترف من تأثير البنج
جهاد اسلااام انا عايزه اسلام راح فين كان هنا
روز اسلام عايزه اسلام
أحمد دموعه نزلت ومقدرش يشوف أخته كده خرج يجرى من الاوضه
سامح خرج وراه وخبط على كتفه وقال اهدا يا احمد الحمدالله بقت كويسه وأحمد ربنا أن هى جات على قد كده
أحمد مش قادر اشوف اختى فى الحاله دى يا سامح جهاد مش بس اختى دى اختى وبنتى وصحبتى وكل حاجه ليا جهاد الضحكه الحلوه معقول تكون نايمه كده ومش حاسه بحاجه صعب عليا اوى
سامح ده اختبار من ربنا احمده على الضراء قبل السراء
أحمد الحمدالله فى السراء والضراء وفى الوقت ده خرجت روز وقالت
روز احمد كلم جهاد فاقت وعايزاك
أحمد مسح دموعه ودخل قعد جنبها على السرير وباس راسها وقال حمدالله على السلامه يا جوجو
جهاد بتعب الله يسلمك وبصت حواليها وقالت ممكن تسبونا لوحدنا ثوانى
ساره اه طبعآ براحتكم وخرجت من الاوضه والكل خرج وقفلو الباب وراهم
أحمد خير يا حبيبتى
جهاد بتعب اسلام
أحمد ماله يا جهاد
جهاد ارجوك خرجو من المكان اللى هو فيه انا سامحته وهتنازل عن المحضر انا عارفه ان انا لسه فى عين الحكومه قاصر ولازم بابا اللى يتنازل عن المحضر علشان كده كلم بابا وخليه يتنازل وانا مش هقول أن هو كان خطفنى هقول أن احنا كنا فى رحله وانتو فكرتو أن هو خطفنا ارجوك يا أحمد وغلاوتى عندك خرج اسلام
أحمد ليه يا جهاد ده ميستهلش حبك ازاى تحبى بنى أدم زى ده مع كل بنت شويه والشړ بيجرى فى دمه انتى اعقل من كده يا جهاد خليه ياخد جزائه وبلاش تحبى واحد زى ده
جهاد بدموع تقدر تخرج حب ساره من قلبك
أحمد سكت ومردش عليها
جهاد رد عليا يا أحمد تقدر تخرج ساره من قلبك تقدر تكرها لو عملت فيك
ايه
أحمد بس ساره تختلف عن اسلام يا جهاد وانا راجل حتى لو فيها ايه اقدر اغيره فيها
جهاد الحب مافيش فيه راجل ولا بنت ولا وحش ولا طيب الحب ده شعور وإحساس بيتولد فيك ڠصب عنك دقة قلب بدق اول ما تشوف اللى بتحبه قدامك عينك مش بتشوف عيوبه حتى لو ايه دى حاجه ملناش يد فيها يا احمد ده ربنا اللى عايز كده هو بس اللى بيجمع القلوب عند بعضيها علشان عارف كل قلب فيه ايه وانا حبيت اسلام ومش فى ايديا حاجه غير أن احبه
أحمد معرفش يرد على أخته ويقولها ايه باس راسها وقال استريحى انتى بس دلوقتى
جهاد مش هستريح غير لما اعرف ان اسلام خرج من القسم
أحمد اتنهد وقال ماشى يا جهاد بس الاول هيجو ياخدو اقوالك واقوال روز وبعد كده هنروح نتنازل عن المحضر
جهاد ياريت تخلى روز تقول زى ما انا قولتلك أن احنا كنا فى رحله وانتو فكرتو أن هو خطفنا ومستر سامح برضه
أحمد ماشى يا جهاد ارتاحى شويه بقى
جهاد مسكت أيده وقالت ربنا يخليك ليا واتألمة بشدة
أحمد پخوف براحه يا جهاد على نفسك
جهاد حطت ايديها على كتفها المجروح وقالت هنا بيوجعنى اوى
أحمد ارتاحى وشويه وهتاخدى مسكن يريحك
جهاد ماشى وغمضت عينيها
أحمد بسها من راسها وخرج يبلغهم يقولو ايه فى المحضر
فى فيلا عاطف
عاطف سمع صوت جرس الباب قام من على السرير بأستغراب وبص فى الساعه وخرج من الاوضه ونزل يفتح الباب وقال بأستغراب
عاطف انت ايه جابك هنا
أمير مسكه من هدومه وقال انا جاى اخد زهره من هنا
عاطف زقه وقال انت عبيط يالا دى مراتى جاى تخدها بتاع ايه
أمير مستحيل اسيبها ثانيه واحده هنا وزق عاطف ودخل قال زهره انزلى هروحك معايا مستحيل اسيبك ثانيه واحده مع المچنون ده
زهراء فتحت عينيها بأستغراب وفكرت نفسها بتحلم بصوت امير
عاطف مسكه من هدومه وقال شكلك شارب حاجه اطلع بره بدل ما اطلب ليك الشرطه
أمير اطلب الشرطه وانا هقدم فيك بلاغ انك مچنون وبتضرب مراتك وبتعذبها وعندى ما يثبت كلامى
عاطف محدش ليه عندى حاجه ومدام انا مچنون هوريك الجنان اللى على أصله ودخل مكتبه
أمير بصوت عالى زهره بقولك انزلى بدل ما اطلع ليكى فوق أنزلى هاخدك معايا مستحيل اسيبك هنا مع المچنون ده انزلى يا زهره
زهراء سمعت صوت امير تانى واتأكدت أنه مش حلم قامت لبست الروب وخرجت من اوضتها بسرعه ونزلت تجرى وأتصدمت لما شافت امير تحت
عاطف جاب المسډس بتاعه وقال هى طلقه واحده فى قلبك وملكش ديه عندى حرامى وبيتهجم عليا فى بيتى ومش هاخد فيك ولا ثانيه وابقى ارتحت منك للابد
أمير انت مفكرنى هخاف من البتاع ده على جثتى اسيب معاك زهره لو ثانيه واحده
عاطف صدر المسډس على امير
زهراء اول ما شافت كده طلعت تجرى على عاطف وقالت وهى حابسه الدموع فى عينيها انت جاى ليه يا أمير
أمير جاى اخدك معايا يا زهره وهطلقك من المچنون ده
زهراء غمضت عينيها وهى كلها دموع وقالت ومين قالك أن انا هاجى معاك يا أمير انا مش هسيب بيت جوزى
أمير راح مسك دراع زهره وقال امشى معايا كفايه عناد بقى انتى كده بتعرضى نفسك للخطړ ده مچنون يا زهره مچنون
عاطف زقه وقال ابعد ايدك عن مراتى وحط صوبعه على الزناد
زهراء شافت كده خاڤت على امير وقالت انا بحب عاطف يا أمير ومش هبعد عنه ولا اسيبه وياريت تطلع بره ومتجيش هنا تانى
عاطف اول ما سمع كلمة بحب عاطف نزل أيده بالمسډس وبص لزهره بفرحه وقال بجد يا زهره
زهراء وهى حابسه دموعها هزت راسها بمعنى ايوه
عاطف شدها فى حضنه والمسډس وقع من ايديه
أمير اټجنن لما شاف كده وسمع كلام زهره طلع يجرى مسك المسډس وقال بدموع ابعد عنها
زهراء اټصدمت لما شافت المسډس فى ايد امير وشافت الدموع نازله من عينه
أمير انتى بتحبينى انا يا زهره انتى بس بتقولى كده علشان توجعينى وتنتقمى منى لكرامتك علشان
