فتاة انحنت من أجل الحب

هنا

زهراء مش لازم مش فارقه

عاطف مش دى اخر سنه ليكى

زهراء ايوه

عاطف يبقى خلصيها بالمره

زهراء ح ح حاضر

رائف يلا بقى نلعب يا بابا

عاطف طيب ناكل الاول

رائف ماشى

بيلار امشى يا ماما جنب بابا وامسكى ايديه زى ماما التانيه كانت بتعمل

زهراء بلعت ريقها وقالت ها وبصت لعاطف بتوتر

بيلار يلا يا ماما ومسكت ايديها ومسكت ايد عاطف وحطتهم فى بعض وقالت هييييييا

عاطف بص لزهره فى عينيها ومسك ايديها

زهراء اتوترت وبصت للاولاد وضحكة بتوتر وقالت ا ا امشو قدامى يلا

بيلار ورائف نزلو يجرو على تحت

زهراء شدت ايديها من ايد عاطف ونزلت من غير ولا كلمه

عاطف بص على زهره وهى نازله وبص على أيده اللى كانت ماسكه ايد زهره واتنهد ونزل وراهم اكلوا وقضوا اليوم لعب وضحك وهزار

فى القاهره

نزل شريف علشان يقابل جدة لميس وراح على المكان اللى متفقين عليه ووصل وقعد وشويه وجات الجده وسلمت على شريف وقعدت

شريف كان متوتر وقال اتشرفت بحضرتك

الجده بلاش رسميات

يا ولد قولى تيته زى لميس احسن املص ودانك

شريف ده شرف ليا يا تيته والله

الجده سيبك من الكلام المتزوق ده وقولى انت بتحب لميس بجد زى ما هى بتحبك

شريف انا بمۏت فيها وربنا يعلم انا بحبها قد ايه وان هى معنى الحياة بالنسبه ليا

الجده ولميس بتحبك من زمان اوى من قبل ما انت تحبها وانا اللى كنت اقولها لو بتحبيه بجد اياكى تبعدى عنه مهما حصل وحاولى مره واتنين وتلاته لحد ما هو يعرف بحبك ليه ويوم ما تعبت ودخلت المستشفى بسببك كانت فقدت الامل أنك تحبها وكانت شبه مېته لحد ما انت جيت ورديت ليها روحها من تانى و وسكتت

شريف وايه كملى يا تيته

الجده لحد ما حصلت حاجه كسرتنا كلنا

شريف خير يا تيته

الجده بدموع لما انت مشيت من المستشفى الدكتور بعت لينا وقال إن لميس وسكتت شويه وكملت كلامها وقالت إن لميس عندها عضلة القلب ضعيفه وده اللى بيسبب ليها الإغماء دايما والاجهاد الواضح عليها على طول

شريف بدموع القلب

الجده ايوه والدكتور طبعآ بلغنا أن مينفعش تتجوز غير بشروط معينه علشان العلاقه الزوجيه مجهود وهى ملهاش المجهود وطبعآ ممنوع الحمل نهائى لميس متعرفش حاجه عن الموضوع ده والعلاج بتاخده فى العصير من غير ما تحس ولما ابوها شافكم بالمنظر ده خاف على بنته علشان كده بعدك عن بنته ومنع بنته تنزل كل ده علشان خاېف على حياة بنته

شريف بدموع وملهاش علاج او عمليه أو اى حاجه

الجده طبعآ سألنا الاسأله دى

شريف وقال ليكم ايه

الجده العمليه فيها خطوره على حياتها واحنا مستحيل نعرضها للخطړ بأيدينا والعلاج علشان يخفف التعب عليها وعلشان عضلة القلب متضعفش اكتر من كده

شريف سكت ومتكلمش

الجده شيفاك سكت هترضى تتجوز واحده عندها القلب وتتحرم من الاولاد وتبقى حياتكم مختلفه تمامآ عن اى زوجين عادين ولا معندكش استعداد لده

شريف سكت ومردش عليها

الجده وقفت وقالت ردك وصلنى

شريف استنى يا تيته انا بحب لميس ومستحيل ابعد عنها مهما حصل انا ساكت بس مصډوم ومش قادر أصدق اللى سمعته ده

الجده يعنى لسه عايز تتجوزها بعد اللى سمعته ده

شريف متمسك بيها اكتر من الاول

الجده انا مش عايزاك تتجوزها شفقه ولا علشان صعبانه عليك

شريف لاء طبعآ ولا ده ولا ده يا تيته انا بحبها بجد من قلبى ومستعد اضحى بعمرى كله علشانها

الجده خلاص سيبنى اكلم ابوها وأقنعه وهكلمك واقولك تيجى تتقدم ليها امته

شريف بفرحه ربنا يخليكى لينا يا تيته واوعدك هخليها اسعد واحده على الأرض وهى تكون بنتى واختى وامى وحبيبتى وكل ما ليا فى الدنيا دى

الجده ربنا يسعدكم يارب ويبارك فيك يا حبيبى لما اقوم انا

شريف اجى اوصلك

الجده معايا العربيه يا حبيبى مع السلامه وسابته ومشيت وهو دفع الحساب ووقف تاكسى وروح على البيت

الفصل الخامس وعشرون

فى الغردقه

دخل سامح اوضه وهو متعصب من افعال روز وقعد يحدف كل حاجه على الأرض وفى الوقت ده الباب خبط فتح الباب وقال بعصبيه

سامح عبير انا مش ناقص قرفك جايه ورايا ليه

عبير يعنى انا غلطانه علشان جيت اطمن عليك

سامح بغيظ عبير قولتلك خرجينى من دماغك انا مش بحبك افهميها بقى يا شيخه

عبير بس انا بحبك

سامح غمض عينه وداس على سنانه وقال عبير امشى حالا بدل ما تشوفى منى حاجه مش هتعجبك

عبير انت مش عايز ټنتقم من روز علشان لعبة بمشاعرك انا هساعدك على كده

سامح شكرآ مش محتاج مساعده منك

عبير اسمعنى بس احنا نمثل قدامها اننا بنحب بعض وهى كل ما هتشوفنا مع بعض هتتغاظ لان انت كده هتوريها انها بالنسبه ليك ولا حاجه

سامح لا انتى ولا هى تخصونى فى حاجه ابعدى عن طريقى يا عبير وقفل الباب فى وشها

وفى الوقت ده كانت روز وجهاد ماشين من قدام الاوضه وشافوا عبير والباب بيتقفل

عبير عملت نفسها انها لسه خارجه من اوضت سامح وأنها بتظبط هدومها

جهاد بنى أدمه رخيصه

عبير سامح ده شقى خالص وسابتهم ومشيت

روز دموعها نزلت وطلعت تجرى على الاوضه بتاعتهم

جهاد اشوفك والعه فى ڼار جهنم يا بعيده وطلعت تجرى وراه روز ودخلت الاوضه وقعدت جنبها وقالت انتى بتعيطى ليه دلوقتى

روز بدموع صعبان عليا نفسى اوى يا جهاد ازاى كنت عاميه ومش شايفه قد ايه هو انسان واطى وميعرفش حاجه عن الاخلاق

جهاد انا برضه مش مصدقه ان مستر سامح بالاخلاق دى الموضوع فيه حاجه غلط اقسم بالله

روز ليه مشفتهاش وهى خارجه من اوضه وبتظبط هدومها ازاى

جهاد شوفتها بس قلبى وعقلى رافضين يصدقوا الموضوع ده ومكدبين عينى واللى بشوفو ده

روز والله بقى انتى حره تصدقى ولا لاء إنما أنا مش هكدب عينى واللى بشوفه وهعرفو تبقى مين روز هو مفكرنى عيله ويقدر يلعب بيا ماشى انا هوريه العيله دى تقدر تعمل فيه ايه وسابتها ودخلت الحمام

جهاد ده احنا داخلين على ايام فله شكلنا وغيرت هدومها واترمت على سريرها

فى القاهره

فى شقة امير

كان كلهم قاعدين بياكلو

امير اعملو حسابكم اننا هنسيب هنا اخر الاسبوع ده وهننقل الفيلا

ساره بزعل بسرعه كده

محمود ما تخلينا هنا يا أمير مش لازم يعنى نعيش فى فيلا احنا مرتاحين كده

امير ويعنى انا بعمل كده ليه مش علشان انقلكم لمستوى احسن من اللى انتو فيه

ساره افتح الشركه وكبرها بس خلينا هنا الله يخليك مش هاين عليا اسيب الحاره والناس اللى فيها

امير بكره تتعودى على المكان اللى هنروح فيه

محمود طيب وشريف وسامح وريم وخالتى نبيله

امير مالهم

محمود مش هيجو معانا

امير ياريت يرضوا بس خالتى نبيله مش هترضى تسيب الشقه هنا

ساره