صاحب جوزي

بعد ما خلصت شوفت الشفقة في عيون عز وقال
ليه مبلغتيش عنه بهروبك حطيتي نفسك في موقف صعب للاسف ...انتي عارفة ولا لا ...
هزيت راسي وانا ببكي وقولت
انا مش هسببلك مشاكل يا دكتور أنا همشي من هنا ...
وقومت عشان امشي وقفني وقال 
استني أنا هساعدك...
بعد شوية جه الناس عشان يكشفوا لكن الدكتور عز قال إنه النهاردة مفيش كشف ...قدامي اتصل بضابط صاحبه وحكي قصتي ...وللاسف كان للضابط نفس الرأي اني أو كنت بلغت كان موقفي هيكون اقوي ...حطيت ايدي علي بوقي وطلعت بسرعة من العيادة وانا بعيط ...كنت سامعة الدكتور عز وهو بينادي عليا ...بس انا جريت وبعدت فجأة صړخت لما حسيت بحد بيمسك ايديا ...بصيت بړعب لقيت علي ووشه عليه كل ڠضب العالم ...

اه يا حقېرة يا بنت الكلب ..
لسه هيرفع أيده عشان يضربني بالقلم مسكت ايديه وانا بقول پحقد 
اياك تمد ايديك عليا تاني ...
وكمان بتمدي ايديك عليا ...
وقعني جامد علي راسي في وسط الشارع وبعدين اشتغل فيا ضړب ...
جه الناس وشالوه عني بالعافية بس كنت بين الاغماء والصحيان ...مكنتش حاسة بحاجة كنت شايفة بنات قاعدة جمبي بتصرخ وبتقول
جيبولها عربية إسعاف الست بټموت ....
بعدين قفلت عيني والدنيا بقت كلها سواد ....كنت حاسة اني ھموت ...بس بصراحة المۏت مكانش بالړعب اللي افتكرته ...احيانا المۏت راحة ومۏتي راحة ....
بعد خمس شهور ...
كنت قاعدة في المحكمة وانا رافعة قضية اعتداء ضد علي بعد قضية طلاق للضرر وكسبتها ورفعت قضية تاني ولقيت ناس كتير في صفي من أصحابه وقرايبه كمان ..
جات لحظة النطق بالحكم والقاضي حكم أن علي يتحبس خمس سنين ...كانوا قليلين جدا علي المعاناة اللي عانتها معاه لكن اخيرا خد جزاؤه ....
خرجت من المحكمة وانا مبسوطة ...حاسة اخيرا اني حرة...حرة منه ...اخيرا العصفورة اتحررت من الۏحش ....كنت مبسوطة اوووي....متفائلة بحياتي الجديدة اللي هعيشها ...
بعد سنة بالضبط ...
كنت ببص للمطعم بتاعي بفخر ...المطعم اللي قدرته اجيبه من الفلوس اللي اخدتها من علي بعد الطلاق ...صحيح صغير بس الإقبال عليه كويس ...في السنة دي دوقت الحرية بجد ...في السنة دي عيشت اجمل ايام حياتي ...رغم أن بعد كده كتير اتقدملي منهم دكتور عز بس انا رفضت ...مكنتش محتاجة اي راجل في حياتي كنت عايزة ادي نفسي وبس ...نفسي دلوقتي ليها حق ترتاح ...ليها حق تاخد ...مش مهم ايه اللي هيحصل في المستقبل ..المهم اني اتخلصت من واحد مريض نفسي ...
في يوم ...
جالي اتصال من السچن ان علي طالب يقابلني ...مكنتش عايزة أقابله بس فضولي كان اقوي ...كنت عايزة اعرف ايه الحاجة الضرورية اللي كان لازم يقولها....
روحت هناك وقعدت وانا بشوف شكله اللي اتغير .
.الانكسار بعد الجبروت كان صعب عليه ....
طلبت تشوفني ممكن اعرف ليه !
ازيك يا داليدا ..
اهلا 
قولتها ببرود ...مكنتش قادرة اسامح...
بص للأرض وقال
عارف انك عمرك ما تسامحيني بس انا كمان اتعذبت كتير عشان ابقي النسخة دي ...اتعلمت مثقش في اي ست بعد اللي حصلي ...انتي متعرفيش ...متعرفيش ازاي هما قتلوني يا داليدا ..قبلك كنت خاطب بنت ...كنت بحب البنت دي اكتر من حياتي اديتها كتير حب واهتمام وفلوس مقصرتش معاها ...كنت اتحمل اهاناتها في حقي .. اتحمل تجاهلها وهي استغلت حبي ليها وبدأت تأذيني... تأذيني بالكلام ...واخر حاجة كسرتني أنها في الاخر قبل فرحنا بيومين ...وبعد ما خلتني اكتبلها الشقة اللي هنتجوز فيها ...الشقة اللي تعبت وانا بعملها فسخت الخطوبة وقهرتني واتجوزت غيري في الشقة دي ...وقتها اتحولت للإنسان اللي قدامك ...مش مبرر ليا بس لعل الحاجة دي اخليكي تسامحيني وتعذريني ...
مقدرتش اتعاطف معاه مش عشان انا وحشة عشان مش مضطرة استحمل اذي مفروض متوجه لغيري ..واحدة اذته هي اتحمل غلطها ليه ...
بصتله ببرود وقولت
لو فاكر كلامك ده هيخيلني اسامحك غلطان جدا يا علي بالعكس كلامك خلاني اكرهك اكتر لانك حملتني غلط غيري وفشيت غلبك فيا ومش هسامحك ابدا ولو حتي بينك وبين الجنة غفراني برضه مش هغفر ..
قومت وطلعت من السچن وانا بسأل ليه الناس ممكن الذي ناس بتحبها بسبب ناس تانيين ...ليه بنيجي علي اللي بيحبنا...كنت عارفة اني عمري ما هسامح علي ...عمري ....
مرت الايام والأسابيع وشغلي بيكبر وفرحتي بتزيد 
..نجحت كتير واتكفلت بأربع اطفال كنت بعيش امومتي معاهم....اقدر اقول دلوقتي اني فعلا مبسوطة وحياتي شبه مثالية ...اقدر اقول اني ارتاحت اخيرا 
تمت