هتك عرض

المنطال البرام تحت السرير وحتى قرشيناتها هي قاعدين بختمهم مغابتش منهم حاجه! 
عاودت للسرير وقعدت عليه وهمست لروحها
عتدوري على إيه ياحوريه ولا عقلك شت من بعد مۏت توفيق ولا إيه 
شام هي عتاخد حاجه ياستي.. يعني عتمد يدها وتاخد اللي مش ليها 
ردت عليها عديله بنفي
الشهاده لله عمرها ماعيملتها ولا مدت يدها ولا حد في البيت كله فيه الداء ديه يابتي
بس هي فيه حاجه فنافوخها واني معارفاشي هي إيه وعلى العموم كله هيبان دلوك.
عاودي للنوم عاودي ليل الشتا طويل والدنيا متلجه وتعالي لمى اتدفى فيكي رصرصت من السقعه. 
ضحكت شام ونامت ورفعت اللحاف لعديله عشان تدخل تحته وناموا هما التنين فحضن بعض ودفنت عديله رجليها وسط رجلين شام وهمستلها وهي عتتاوب
صوح نسيت اقولك إن دهباتك معاي إهنه في الأوضه أني جبتهم من اوضة كرار عشان كرار عرف كييف الحشېش وبعد مۏت أبوه مهيلقاش البغدده اللي كان فيها هو وامه 
ومن إهنه ورايح اللي هتطوله يده هياخده من غير مايشاور وخصوصي لو الحاجه داي حاجتك انتي. 
شام طيب ماهو لو ملقيهمش هيسألني ودتيهم وين ويقولي هاتيهم 
عديله لو عيملها قوليله اديتهم لأبوي لما جه عشان كان معذور وهو مهيقدرش يروحله يقوله هات دهب مرتي كبره مهيخليهش ومهيقدرشي يعمل حاجه هو هيتنطط ويتردح ويمكن يديكي ضربتين تلاته بس ميعملش حاجه إتحملي دهباتك يستاهلوا. 
شام له ياستي لو عازهم هديهمله أني لا حمل كتل ولا كلام وحديت اني مبقاش حداى طاقه. 
عديله بطلي هطل انتي دلوك حبله وهياجيلك الأولي بدهبك وقرشيناتك الدنيا مااتضمنتش وبكره حدش عارف فيه ايه وحطي فبالك لو كرار عرف موطرح الدهبات وخدهم اني اللي هكتلك كتله بعمرك مش هو.. والله ياشام امسك سباطه خضره واقطعها عليكي. 
اتنهدت شام وغمضت عنيها وهي عتقول لحالها
لمېته هقعد اتحمل ولمېته هقعد خاېفه من بطشك ياكرار ولمېته هقعد تحت رحمتك وإنت الرحمه معتعرفش ليك طريق 
وناموا التنين بعدها مقاموشي غير مع اذان الفجر على حس كركبة الكيزان والبستلات اللي عتتملي للي قايم يتسبح أو يتوضى ويصلي. 
وحوريه اللي منامتش طول الليل أول ماسمعت اصوات اهل البيت وإنهم بدوا يصحوا قامت ولبست شالها وربطت راسها وقررت انها خلاص لازمن ترجع تندلى وسط الحريم وتمسك زمام الأمور اللي إبتدت تفلت من يدها من تاني.. فوقفت فنص الصاله اللي بين الأوض وزعقت بحسها كله
كل مره في البيت تقوم عشان نشوفوا حال البيت واللي جرا فيه اليومين اللي فاتوا خلاص خدتولكم يومين رنجخه ونوم في العسل وماصدقتوا إن كبيرة البيت غفلت وكل وحده فيكم دخلت الكن بتاعها ورقدت فيه. 
هموا خلصوا انا هندلى ويادوبك أوصل الموطبخ والاقيكم وراي نازلين وحده وحده كيف فرادي المراكيب. 
ونزلت قدامهم ومفيش دقايق ولقت الكل نازل وراها ورده ونعمه وفكريه وبدور وعدويه 
واتجمعوا في الموطبخ وإبتدوا فتجهيز الفاطور كيف ماكانوا متعودين يعملوا قبل مايموت توفيق
وطلعت حوريه ووقفت عالسلم ونادمت على صفوت وقالتله ينزل هو وعيال عمه عشان الكل يفطور مع بعضه وراحت علي عزت وكرار صحتهم هما كمان وقومتهم. 
أما عديله فقامت على حس الزعيق واتوضت وصلت وفضلت تدعي لشام بالستر وتدعي لولدها توفيق بالرحمه والمغفره ولجوزها كارم وقامت راحت على الموطبخ ولقت حوريه واقفه فنصه ومتحزمه ورابطه بطنها كيف ماكانت تعمل قبل سابق وعماله تدى اوامر يمين وشمال للحريم. 
عديله خيرك صاحيه النهارده متحزمه يعني 
حوريه ردت عليها من غير ماتبصلها
خيرك إنتي.. هي الحزمه مقرطه على أنفاسك ولا أيه
عديله اني فيشي حاجه تقدر تطبق على انفاسي ياحوريه اني بس عسأل عاللي جرالك تتسحبي فنصاص الليالي فالأوض وتقومي من الفجور 
خاېفه يكون مۏت الغالي لحس عقلك. 
حوريه پحده
فشرتي ياعديله حوريه عقلها يوزن بلد وعمره مايتلحس وإن كان عالأوض من إهنه ورايح مفيش اوضه مهدخلهاش واشوف اللي فيها عيعملوا ايه 
خلاص من اليوم ورايح محدش هيعيش بكيفه كيف ماالكل عايز 
مش معني إن الكبير ماټ يوبقي البيت ېخرب وسكانه يعيطوا.. 
الكبير ماټ مرت الكبير قاعده واللي كان ماشى عليه البيت فأيامه مش هيتغير من بعد مۏته ودلوك شوفي كنتي جايه ليه وعايزه ايه ولو مكنتيشي عايزه حاجه استني بره على دكتك لغاية مانحطوا الفطور وتفطري مع الرجاله. 
عديله پصدمه تشبه صدمة كل الموجودين
إنتي عتكلميني اني إكده ياحوريه 
حوريه إيوه عكلمك انتي امال عكلم مين يعني.. وبصت للحريم اللي سايبين اللي فيدهم وباصينلها يشوفوا اللي عتعمله فى ستهم لكن صړخة حوريه رجعتهم للي عيعملوه تاني
رجعي عنيكي للي فيدك منك ليها واعمليلك همه ولا ضريتوا عاللكاعه 
اتحط الفطور والكل فطر وخلاص الرجاله عيستعدوا عشان يروحوا شغلهم من بعد غياب وتعطيل اكتر من أسبوع وبص نعيم لصفوت وقاله
يلا ياصفوت اطلع هاتلنا الفلوس من فوق خلينا نتفقوا مع العمال وندوهم مقدم ونفولوا المعدات ونشتروا سطل جديد للجرافه.
وكمل سلام تعليماته لصفوت وهو باصص لابوه
وهات كمان فلوس المشروع التالت ياصفوت خلينا ندوهم لمقاول تاني ونتفقوا معاه يشتغل المشروع واني بنفسي اللي هشرف عليه وعلى الشغل فيه عشان التسليم هياجي فوشنا إحنا لأنه هيتم بإسمنا. 
هز صفوت دماغه بموافقه وبص لأمه اللي كانت متابعه كل حاجه بعنيها وساكته وقالها
تعالى يمه افتحيلي الخزنه خليني أجيب الفلوس. 
حوريه ببرود
واني افتحلك الخزنه
كيف! مش المفتاح آخر نوبه خدتوه مني ومعاودتهوش تاني 
نعيم إيوه صوح اني قولت لمعروف يديه لسته قومي يمه هاتي المفتاح خلينا نتيسروا علي مصالحنا. 
عديله قامت بضعف
حاضر ياولدي استنى هجيبهولك.. ودخلت الأوضه وفتحت الطاقه وجابت المفتاح وعطته لصفوت. 
دقايق مسافة ماركب صفوت لأوضة أبوه وامه ونزل جري ووقف في نص البيت ووشه مخطۏف وبص لعمه وبلع ريقه پخوف ومنطقش 
ومنظره ړعب الكل وخلى عمه سأله پخوف مماثل لخوفه
فيه إيه ياصفوت مالك نازل ترمح كيف اللي لډغتك حيه ووشك اتخطف في التو واللحظه إكده ليه 
صفوتمصېبه ياعم لدغة الحيه اهون منها الف مره.. الفلوس مقاعدينش في الخزنه ولا فيها اي ورق ولا عقود الخزنه خاويه على الحديد ياعمي. 
منعم پصدمه
عتقول ايه 
صفوت عقول الحديت المطين اللي سمعته واركب وشوف بنفسك.
نعيمكيف ديه يعني تعالا معاى نشوفوا إيه العباره! 
وطلعوا هما التنين ومعروف وسلام وعزت وحتي كرار ركبوا وراهم وبمجرد مالكل دخلوا الأوضه ووعيوا الخزنه مفتوحه وفاضيه هو.. الكل إتصدم ونعيم ضړب كف بكف وهو عيقول
ياداهيه دقت على روسنا كلنا.. فين الفلوس راحت ومش بس الفلوس فين العقود والاوراق وكل حاجه كانت في الخزنه 
الكل فضل يتلفت على بعضه ونعيم نزل جري على تحت ووقف قدام حوريه وبصلها بعيون عتطوق شرار وقالها
فين كل اللي كان في الخزنه ياحوريه الخزنه محدش عيقدر يوصلها غيرك. 
ردت عليه حوريه بنبرة ڠضب عاليه
تقصد إيه يانعيم قصدك إني حراميه وسراقه 
ومن مېته وحوريه فيها داء السرقه ومدت اليد وبعدين الكلام ديه تقوله لو المفتاح كان معاي لكن إنت من يوم ماحطيت الفلوس في الخزنه وإنت اديت المفتاح لأمك وإنت خابر وكلكم خابرين إن الخزنه مليهاش غير مفتاح واحد. يعني دوروا بينكم. عاللي خد الفلوس وبعدين حوريه كانت فأيه ولا فأيه عشان تفكر ففلوس ولا سرقه ولا هي يعملوها ويخيلوا! 
نعيم قصدك إيه ياحوريه بحديتك ديه 
حوريه قصدي إن إنت وولدك آخر