فاتن وهشام
بس كنت خاېف من خسارة حد فيكم وبما انكم عرفتم وجات من عند ربنا فأنا هسيب ليكم دلوقتى حرية الاختيار اللى عايزة تفضل ع ذمتى اوعدها ان المعاملة مش هتتغير وهتفضل زى ما هى واحسن واللى عايزة تطلق برضه معنديش مانع بس تسيب ليا ولادى انا اربيهم لانى مش هقبل يكونوا مع راجل تانى لانى اكيد مش همنعها انها تتجوز وتعيش حياتها بس ارجوكم قبل ما تاخدوا اى قرار فكروا كويس وحطوا العيال قصاد عيونكم وافتكروا ليا الحلو انا مش هنكر انى غلطان بس ربنا وحده عالم انى فعلا بحبكم رباب انتى حبى الاول حب الجامعه اللى حاربت واتحاربت لحد ما وصلت ليه اما انتى يا فاتن البنت اللى حركت مشاعرى واحييتى فيا معنى الحب من تانى
هشام انتى عارفة كويس انى مش كده وعمر تفكيرى ما كان كده ارجوكى متظلمنيش وتخلى غضبك يعميكى انا مش هسمع قراركم دلوقتى خدوا راحتكم وانا جاهز اتقبل قراركم واحترمه
عدى يومين كنت قاعدة فى شقة رباب منعزلة فى غرفة الضيوف مباكلش ومبشربش عقلى هيتشل وقلبى رافض لحد ما صليت استخارة وتركت امر قلبى لله ويومها بليل اجتمعنا احنا التلاتة عشان هشام يعرف قرارى انا ورباب وووووو.......
اسكريبت
يتبع
بقلم نشوه عادل
1000 تعليق وانزل اللي بعده
فى الليل اجتمعنا احنا التلاتة عشان هشام يعرف قرارى انا ورباب اول مرة اشوفه متوتر قاعد بيهز رجله وملامحه باهتة بصيت لرباب بدون كلام دمعه منى نزلت ڠصب عنى قعدنا خمس دقايق ساكتين لحد ما هو قطع الصمت ده
رباب للاسف انا مش هقدر اطلب منك الطلاق لانى ببساطة مبقاش ليا حد يقف جنبى ويسندنى ابويا وامى من يوم ما ماتوا واخواتى كل واحد اتجوز قال يلا نفسى بقى صعب عليا اواجه كلام الناس كمطلقة وفى نفس الوقت مش هقدر اخلى ولادى يتربوا بعيد عنك خصوصا انى عارفة انهم متعلقين بيك وبوجودك جدا فأنا هعيش عشانهم مش اكتر لكن مش هكدب لو قولتلك انى صافية ليك انا محتاجة وقت الله اعلم هيكون اد ايه بس انا بجد وجعى منك كبير انا لحد الان مش فاهمة انت اتجوزت عليا ليه نضيفة فى نفسى وفى بيتى صونتك وربيت ولادك احسن تربية قصرت معاك فى ايه عشان تعمل كده! ايا ما كان ردك هيكون ايه ده مش هيبرر ولا هيشفعلك عندى
مكنتش سمعاه اصلا جوايا صوتين بيحاربوا بعض صوت قلبى اللى بيحبه ومتعلق بيه وصوت عقلى اللى بيقولى انه خدعك وضحك عليكى فوقت ع صوته وهو بينده عليا يا فاتن ردى عليا من فضلك
هشام پصدمة تتطلقى انتى متأكدة من قرارك ده شايفة انك هتبقى مبسوطة فى بعدى!
فاتن هبقى مرتاحة وراضية انا قرارى ده اخدته بعد تفكير طويل بس هو ده الانسب ليا انا مش هقدر اكمل معاك واحنا حياتنا اتبنت ع الكذب والخداع فاكر لما سألتك اول مرة لما اتخطبنا انت حبيت حد غيرى قولتلى اه مرة ومحصلش نصيب وقتها قولت عادى انا هعوضه فيها ايه يعنى كل واحد ليه ماضى اكيد مش من حقنا نحاسب بعض عليه لكن انا بجد مش هقدر اكمل معاك وانا فقدت فيك اهم صفة حبيتها فيك اصلا وهى الامان
فاتن يتربوا بين اثنين انفصلوا باحترام وهدوء احسن ما يتربوا وسط اثنين مبقاش بينهم اى ود ولا صلة ودايما هيكونوا فى خناق مستمر
هشام يبقى انا من حقى اخد ولادى عشان يتربوا بحضنى
فاتن حيلك حيلك الولاد هيكونوا
