رواية رائعة للكاتبة ليدي

عايزك روح ورينا الرجوله قدامه بجد 
لما يسألك قوله معلش اصلي كان عندي ليله خضرا امبارح ههههههههه
خرج عمر وترك خالد يفكر
هل علا حقا علا لاتحبه هل تزوجته رغما عنها 
لا لا انها فقط لم تعش حياه طبيعيه لم تعرف طبيعه المعامله بين الزوجين فقط تحتاج الي بعض الوقت 
وان ما تفعله زوجه عمر ليس هو فقط مقياس الحب
هز رأسه ليتخلص من تلك الافكار السلبيه ورجع الي عمله
دخل عمر عاقدا حاجبيه
خالد ههههههههههههه
عمر اخرص خالص ...... انت عارف ان احنا

عندنا سفر بعد بكره اسكندريه
خالد اه عندي فكره هنروح الموقع الجديد عشان نعاينه
جلس عمر في المكتب المقابل وبدأفي مباشره عمله
انتهي اليوم وعاد خالد الي البيت وجد علا تعد الطعام
خالد سلام عليكم
علا وعليكم السلام ثواني الاكل يكون جاهز
خالد انا مېت من الجوع بسررعه
جلس الاثنان يتناولان الطعام وبعد الانتهاء جلس خالد في غرفه المعيشه مع علا
خالد علي فكره انا هسافر الاسكندريه بعد بكره في شغل
علا ااااااااااه اسكندريه هي دي البدايه
خالد بدايه ايه مش فاهم
علا بص انا عارفه الحركات دي بتاعه الرجاله
خالد پغضب حركات ايه ياعلا انتي تقصدي ايه 
علا خلاص هاجي معاك
خالد هو انا رايح اصيف انا رايح مع مجموعه مهندسين تبع الشغل
علا اااه طبعا مش هينفع تاخدني
خالد بنفاذ صبر بصي ياعلا ده شغلي وانا مش هسيب شغلي عشان الخرافات اللي انتي بتفكري فيها دي
علا خرافات طب مافيش سفر
خالد پغضب شديد هو انا باخد اذنك انا بقولك عندي شغل ومش عايز اسمع مناقشه اصلا الموضوع مش محل نقاش انا خلاص جبت اخري بقي
تركته علا واسرعت الي غرفتها وهي تبكي
وبعد دقائق دخل خالد عليها وجدها جالسه واضعه رأسها بين كفيها وهي تبكي
فركز بركبتيه علي الارض وازال يدها من علا رأسها كده ياعلا برضه تشكي فيا انا
انتي مش عارفه انا بحبك قد ايه 
ثم اخذ بيدها يلا قومي اغسلي وشك وبطلي عياط عشان خاطري
وقفت علا الي جانب خالد ثم فقدت توازنها وطرحت ارضا فاقده الوعي
الحلقة 8
فقدت علا وعيها وطرحت ارضا ففزع خالد وحملها مسرعا ومددها علي السرير ووضع قطرات من العطر علي منديل بسرعه ووضعه اسفل انفها فاستردت وعيها وفتحت عيونها فتنفس خالد الصعداء وحمد الله 
علا فيه ايه 
خالد الحمد لله ياحبيبتي حصل خير مافيش حاجه انا قلبي كان هيقف
ثم قبلها وضمھا اليه يلا قومي البسي نروح للدكتور نتطمن
علا مافيش داعي ياخالد انا كويسه
خالد انا ممكن اجيب الدكتور هنا بس انا عايز نتمشي شويه وتشمي هوا 
يلا هاتلبسي ولا البسك بنفسي انا مستعد
علا خلاص انا هالبس
ابدلت علا ملابسها وخرجت من الغرفه ثم دخل خالد ارتدي ملابسه مسرعا وخرجا من الشقه واصر خالد ان يحملها الي اسفل
علا نزلني ياخالد لو حد شافنا هيقول ايه بس
خالد اللي يشوفنا هيقول واحد بيحب مراته وبيدلعها وشايلها من علي الارض شيل هههههههه
وبالفعل حملها الي باب السياره وفتح لها الباب فركبت وانطلقا في طريقهما للطبيب
دخلت علا غرفه الكشف واجري لها الطبيب الفحص ثم جلس مكانه وجاءت علا وجلست امام المكتب في المقعد المقابل لخالد
الطبيب لا اتطمنو مافيش حاجه مجرد ارهاق مش اكتر
خالد احنا متجوزين بقالنا حوالي شهر ودي اول مره تحصلها بعد الجواز
ابتسم الطبيب وفهم ما يرمي اليه خالد لا مش حمل ياسيدي قلتلك بس مجرد ارهاق 
ثم وجه حديثه الي علا والارهاق مش بس بيكون بدني لا بيكون كمان ذهني وده اخطر
يعني لازم يامدام علا تصفي ذهنك شويه وتهتمي بنفسك اكتر وتتغذي كمان تغذيه سليمه 
انا هكتبلك علي فيتامين تاخديه بانتظام والف سلامه
علا الله يسلمك يادكتور متشكره اوي
صافح خالد الطبيب وغادر العياده مع علا وركبا السياره ولم يقود خالد السياره وظل واقفا
علا ايه في حاجه في العربيه
خالد لا انا عايز اتكلم معاكي بخصوص اللي حصل
ليه عملتي كده لما عرفتي اني مسافر 
شكيتي فيا مش كده انا زعلت منك جدا ياعلا معقول كل ده ولسه معرفتينيش 
الموضوع بالنسبه لي مش حبي ليكي لأ دا مبدأ مش انا الراجل اللي يخون ياعلا 
اخر حاجه كنت اتوقعها منك انك تشكي فيا انا 
متعرفيش ان حبك مالي قلبي وعقلي وعنيا وكياني كله 
ياريت تثقي فيا اكتر ياعلا . خلاص
علا خلاص
خالد بحبك
يلا انطقي بقي . نفسي اسمعها منك ولو مره
علا سيب كل حاجه تيجي براحتها ياخالد عشان خاطري
نظر خالد امامه وتنهد ثم قاد السياره
خالد ها تحبي تروحي فين
علا عند ماما بقالي كتير ماشوفتهاش
وصلا الي بيت سهير التي قبلتهم بحراره ورحبت بهما ترحاب شديد وجلس الجميع بالصالون
سهير والله كنتو لسه علي بالي بقالي فتره ماشوفتكوش
خالد معلش ياماما والله علي مابنخلص شغل ونروح البيت نتغدي بيكون اليوم خلص سامحينا
سهير ربنا يوفقكو يارب ويسعدكو ............... مالك ياعلا 
علا مالي ياماما انا كويسه ......... امال كريم

ولميا فين
سهير لميا في عيد ميلاد سمر صاحبتها وكريم معاها
هاقوم اعمل حاجه نشربها
خالد بعد اذنك ياماما فنجان قهوه لوسمحتي
سهير من عنيا
علا استني ياماما انا جايه اساعدك
ذهبت علا مع سهير الي المطبخ وظل خالد وحيدا يفكر ويسأل نفسه
ياتري هاقدر استحمل كتير
هاقدر اعيش الحياه الجافه دي لحد امتي 
ياتري انا مستحمل اوي دلوقتي عشان انا لسه في بدايه حياتي مع علا بس
ممكن طاقتي تخلص في يوم طب علا هتفضل كده كتير 
كان يختلق لها اعذارا لانه يحبها ولا يريد الابتعاد عنها او ايقاف هذا الحب ولو للحظه واحده
وفي المطبخ
سهير مش هاتقولي مالك
علا ياماما مافيش حاجه
سهير بت .. انتي بتكلمي امك يعني اعرفك من غير ماتحكي يلا اتكلمي
علا خالد عايز يسافر اسكندريه
سهير ليه
علا بيقول شغل
سهير وبعدين
علا بس ... اتخانقنا عشان كده
سهير مش فاهمه يعني انتي مش عايزاه يروح مثلا 
علا اه ياماما كل الرجاله زي بعض بيقولو شغل عشان يبقو براحتهم ويعملو اللي هم عايزينه
سهير اما انك هبله صحيح ده خالد راجل محترم وبيحبك ازاي تشكي فيه
علا ياماما انا مش عايزه اعيش اللي عشتيه زمان انا مش حمل صدمات
سهير ياعلا جوزك بيحبك وبيتمنالك الرضا بلاش تنكدي عليه وتقفي في طريق شغله
حرام تجلديه بذنب غيره ياعلا
عيشي حياتك يابنتي واسعدي جوزك وانسي الماضي بكل مافيه 
يلا يلا الراجل قاعد لوحده وديله القهوه بسرعه
خرجت علا 
وكانت سهير تشعر بالحزن الشديد لما وصلت اليه حال ابنتها 
لعنت الماضي الذي ترك لها چرحا عميقا بقلبها 
ولكن الظروف هي التي ارغمتها ان تتجرع نصيبا من قسوه الماضي التي تكاد تعصف بحياتها مع زوجها 
اي رجل يحتمل زوجه معقده صامته حزينه لاتهتم به وتشك فيه وهو بريئ
رفعت اكفها ودعت ربها ان يريح قلب ابنتها وينسيها حزنها ويشفي المها
دخلت سهير الصالون وجدت علا تجلس وخالد يحتسي قهوته فوضعت العصير امام علا
سهير اشربي العصير ياعلا يلا 
علي ما لميا وكريم يرجعو ونتعشي سوا كلها نص ساعه وجايين
خالد خلاص ياماما اديني العنوان واروح اجيبهم عشان مايركبوش تاكسي دلوقتي
سهيرارتاح انت ياحبيبي هم زمانهم جايين
اخذ خالد هاتفه واتصل بلميا واخبرها انه سيأتي لاخذها فأخبرته العنوان وغادر خالد 
وجلست علا مع والدتها بمفردهما 
سهير ياعلا افردي وشك شويه قدام جوزك وابتسمي في وشه مالك كده
علا ياماما والله انتي بتفكريني بياسمين
سهير ياسميييييييييين اااه
علا ايه ياماما فيه