رواية رائعة للكاتبة ليدي

لها قد وصلت
سهير عن اذنكم هروح ادي لكريم الروشته عشان يجيب الدوا
تركتهم سهير وحدهما
خالد طنط كانت عايزانا نسيب بعض صح
علا ليه بتقول كده بس
خالد الموضوع واضح ... علا انتي تعبتي بسبب موضوع الفرح
علا لا ابدا
خالد انا بحبك اوي ومقدرش اعيش من غيرك بس لو انتي مش عايزاني وجوازنا ممكن يسببلك تعب انا مش هقبل اكمل ياعلا ابدا
علا ليه بتقول كده ياخالد بس
خالد نبره صوت طنط كانت بتقول كده وانا ماقبلش انك تتجوزيني تحت ضغط لسه قدامك وقت ياعلا
علا ارجوك ياخالد كفايه انا مجرد ضغطي وطي بس من الصيام مش اكتر
خالد اكيد
علا ايوه
خالد الف سلامه عليكي ياحبيبتي..... معلش انا لازم امشي حالا لاني سيبت كل حاجه وجيت جري ورايا شغل كتير لازم اخلصه قبل اجازه الفرح
علا طيب خلاص روح شوف شغلك
خالد ماشي ... علي فكره شعرك حلو اوي سلام
ابتسمت علا ووضعت يدها علي شعرها فلم تنتبه انها بدون الحجاب
دخلت سهير وجلست الي جانبها
سهير ايه اللي انتي عملتيه انا كنت هاقوله وخلاص انتي عامله حساب لكلام الناس ومش شايفه حالتك عامله ازاي ياعلا
علا ماما انا كويسه والموضوع انتهي خلاص .... ااااه ضهري وجعني انا عايزه اقوم اقعد بره
خرجت سهير لتحضر لعلا كوبا من العصير

بينما اتصلت علا بياسمين
ياسمين الو ازيك ياعلا
علا الحمد لله ياسمين ممكن اطلب منك طلب
ياسمين طبعا اؤمري ياعلا
علا الامر لله .... ممكن تروحي بكره الشقه مع لميا تودوا شويه حاجات اصلي تعبانه ومش هاقدر اروح
ياسمين طبعا ممكن بس انتي تعبانه ليه
علا لا انا دوخت شويه بس
ياسمين دوختي. ولا خاېفه من الجواز ياعروسه
علا ماما كانت هتفشكل الجوازه النهارده بس انا انهيت كل حاجه 
ياسمين ايه بتتكلمي جد طب ايه 
علا بقولك روحي ودي حاجات الشقه يعني الموضوع مازال قائم ياذكيه
ياسمين ااااااه وقعتي قلبي
جاء اليوم التالي وذهبت ياسمين مع لميا وكريم الي شقه علا وانبهرت مما رأته
ياسمين وااااااااااااو الشقه تحفه بسيطه وفي نفس الوقت شيك جدا
لميا كل حاجه هنا زوق خالد بصراحه حتي العفش
ياسمين يجنن .....
انهت ياسمين ولميا ما جاءا لاجله علي اكمل وجه وغادروا جميعا الشقه
وجاء يوم العيد وكانت علا قد استردت صحتها الي حد ما وجاء خالد ليهنئها بالعيد ويطمئن عليها 
قدمت له لميا بعض الكعك والشيكولاته
خالد كل سنه وانتي طيبه ياحبيبتي
علا وانت طيب
خالد ايه رأيك نخرج نتمشي شويه عشان تشمي هوا حتي
علا لا بلاش ... نقعد هنا وخلاص
جاءت سهير وسلمت علي خالد وجلست
خالد كل سنه وحضرتك طيبه ياطنط
سهير وانت طيب ياحبيبي
خالد ايه رأي حضرتك اخد علا ونتمشي شويه
سهير موافقه حتي علا تغير جو برضه وتتمشي .... يلا ياعلا قومي البسي وبالمره عدو علي خالتك سلوي عيدو عليها
ذهبت علا مع خالد وفي السياره امسك خالد يدها وقبلها قبل يدها طبعا
خالد يااااااااااااه مش مصدق والله خلاص بعد بكره هنروح بيتنا ونبقي مع بعض طول العمر
ثم انطلقا بالسياره ووصلا الي بيت الخاله سلوي التي استقبلتهم بترحاب شديد وفرحه كبيره
سلمو عليها وهنئوها بالعيد وجلسو سويا في الصالون وقدمت لهم الحلوي والعصير
واذ بعادل يفتح الباب
عادل السلام عليكم اهلا اهلا ازيك ياخالد ازيك ياعلا كل سنه وانتو طيبين
وقف خالد وسلم عليه وانت طيب ازيك ياعادل
عادل الحمد لله .... ايه خلاص هنقول مبروك بعد بكره 
خالد ان شاء الله . عقبالك بقي
عادل لا عقبالي ايه ماخلاص بقي باشمهندس
خالد خلاص بقي ايه
عادل قصدي لسه بدري يعني علي ما الاقي بنت الحلال مش كل الناس محظوظين زيك ياعم
خالد ااااه ربنا يوفقك ... طيب نستأذن احنا بقي كل سنه وانتو طيبين
سلوي ايه ده معقوله كده لسه بدري ايه ياعلا انتو لحقتو تقعدو
علا معلش ياخالتو مره تانيه ان شاء الله
سلوي طيب ياحبيبتي سلمي علي ماما وخدي بالك من نفسك شويه انتي خاسه اوي مينفعش كده ياعروسه
علا حاضر ياخالتو
عادل الزياره دي مش محسوبه نشوفكو تاني ان شاء الله
خالد ان شاء الله سلام عليكم
خرج خالد برفقه علا من بيت خالتها يحمل بعض مشاعر الضيق وركبا السياره
وظل صامتا
علا فيه حاجه
خالد علا انتي وعادل ابن خالتك ليكو كلام مع بعض
علا عادي ليه
خالد اصلك كنتي مش بتتكلمي معاه فوق خالص هو حصل حاجه منه زمان
علا لا خالص بس احنا تقريبا مكنش لينا كلام بعض ابدا يعني عمرنا ما فتحنا موضوع اتكلمنا فيه خالص يعني مش اكتر من ازيك الحمد لله
شعر خالد ان هناك مشاعر داخل عادل لكنه كتمها عن علا ولم يصرح لها يوما عما بداخله
طلبت علا من خالد ان يعود بها الي المنزل لتقضي باقي اليوم مع والدتها واخوتها
نزلت علا من السياره وصعدت بينما غادر خالد الي منزله
جاء اليوم الموعود 
وكانت الثانيه ظهرا وسهير ولميا غارقتان في التجهيزات بينما كانت ياسمين وعلا داخل الغرفه ومعهم تلك السيده التي استدعتها سهير لتعتني بالعروس
ارتدت علا الفستان الابيض الذي ذادها بريقا وجمالا الي جمالها وانهت لها السيده كل شيئ
وكانت علا تشبه الملكه المتوجه وقد فاقت ملكات الجمال جمالا وتألقا
ياسمين وااااااااااو كان فين الجمال ده كله يابنتي انتي طالعه تجنني
علا اسكتي ياياسمين انا مش عارفه انا ازاي هخرج ادام الناس كده
ياسمين امال لو كان فرحك في قاعه كنتي عملتي ايه
وفجأه انطلقت الزغاريد فعلمت علا ان خالد قد وصل فتسارعت دقات قلبها وارتجفت يديها وازدادت توترا
دخلت سهير عليها وعندما رأت علا ترتدي فستانها الابيض وتبدو مثل القمر ليله تمامه 
اخذت تبكي ثم وضعت يدها علي جبين علا وبدأت تتلو بعض ايات القران الكريم
وخرجت علا من الغرفه وتعالت صوت الزغاريد والتصفيق والاغاني واسرع نحوها خالد الذي كان في كامل اناقته ولكنه انبهر لدي رؤيته لعلا وظل واقفا امامها ينظر اليها 
وكأنه يراها لاول مره
جلسا العروسان وسط فرحه من الجميع واصوات الاغاني تتعالي مع اصوات الزغاريد 
وتمنيات الحضور لهما بزواج سعيد وحياه مليئه بالافراح
مرت ساعه من الزمن كان خالد يظنها دهرا 
كان متشوق ان يأخذ اميرته ويطير بها الي عش الزوجيه الذي سيجمعهما الي الابد
الحلقة 6
كان الحفل قد قارب علي الانتهاء 
وكانت كريمه تبحث عن سهير فلم تجدها حتي دخلت غرفه علا وجدتها تجلس علي سريرها وتبكي 
اشفقت عليها كريمه عند

رؤيتها جلست بجانبها
كريمه كده برضه ياسهير ده يوم ټعيطي فيه 
سهير مش عارفه هاقدر علي بعد علا ازاي 
كرينه بعد ايه ياسهير دي كلها نص ساعه وتكوني عندها
امال انا اعمل ايه جيهان اتجوزت وسافرت وانا ماليش غيرها وادي خالد هيروح بيته 
انما انتي عندك لميا وكريم وعلا خطوتين وتروحي لها
سهير عارفه والله بس علا دي مش بنتي بس دي امي اللي پتخاف عليا وممكن تيجي علي نفسها وتعمل حاجه مش عايزاها عشاني
هي اللي هونت عليا اللي كنت فيه 
حتي طفولتها ماعشتهاش زي باقي البنات من صغرها في الهم
كريمه ربنا يخليكو لبعض ياحبيبتي .. انتي حنينه عليها وربيتيها كويس وعلمتيها احسن تعليم وجوزها بيحبها وهيعوضها عن كل حاجه 
قومي قومي بوسي بنتك وادعيلها تعيش سعيده مع جوزها
داانتي ست نكديه صحيح دا الراجل عنده حق يطفش منك
ابتسمت سهير ومسحت دموعها واخذتها كريمه للخارج 
اسرعت نحوها لميا واجتذبتها من