ملاك في رداء شيطان

جمب انجل وحضنها من ضهرها ولسة هيقرب يبوسها اتعدلت وبصت له وقالت مارد مش معني اني رجعت يبقي سامحتك لا انا رجعت هنا عشان ما احرمكش من ولادك بس انا ليا شرط عشان اسامحك لازم تبعد عن شغل العصاپات واي شغل حرام انت فاهم يا كده يا اما مش هكلمك ولا اعاملك كجوزي لحد ما تنفذ كلامي اوك
اتجاهل كل كلامها ولسة هيقرب تاني ويحضنها قامت بعدته وقال بټهديد مارد احترم نفسك ولا اروح انام في اوضة تانية نفذ شروطي الأول أو انت دلوقتي مش جوزي
مارد ابتسم علي جمب وقال انتي بتهزري صح انجل أنا بفكر اعمل كده فعلا بس اديني وقتي وانا هاقرر لوحدي

انجل يبقي اتفقنا لحد ما تقرر لوحدك انت في حالك وانا ف حالي ورمت نفسها تاني علي المخدة وحطة التانية فوق راسها ونامت
مارد زم شفايفه وقال بهمس عنيدة
اتنهد بصوت عالي ورفع المخدة وباس خدها وقال تصبحي علي خير
بعدته بإيدها وقالت قلت نو تاتش مش بتفهم
كشړ و غمض عينيه عشان يتمالك أعصابه من چنونها وطفي النور ونام هو كمان
صحيت الصبح بدري وحضرت لنفسها الحمام وأخدت شاور ساخن لما خرجت كان هو صحي
قالت بدلع ممكن تخرج برا عايزة البس هدومي
قال برفعة حاجب نعممم !
انجل نفس الدلع هتخرج ولا اصوت وألم عليك الناس
مارد ابتسم وقال لما اشوف اخرة جنانك دا أنا هادخل اخد دش وياريت فقرة مسرح مصر اللي بتعمليها دي تخلص بسرعة قبل ما ازهق
انجل لوت بقها وقلدته بس في صمت دخل هو الحمام وهي بصت للمراية وقال لازم اخليك ترجع عن اللي بتعمله دا
لبست ونزلت وهو بعدها بشوية لبس ونزل عشان يفطروا
انجل بصت له وقالت مارد ممكن نروح نطمن علي تنت فريدة من فترة ما زورنهاش 
مارد عقد حواجبه وقال فريدة ! وبعدها قال في نفسه لازم اعرف الشيطانة الصغيرة دي بتفكر في إيه
قالها اوك هارجع من الشغل بدري ونروح
بصت له بتحدي وقالت بدلع اخبارك اسلحتك اووه قصدي شغلك ايه
جز علي أسنانه وبص لها كأنه بيقولها للصبر حدود
قام بسرعة وقال بضيق شبعت
قالت له هنيئا يا وشوشني
استغل الفرصة وقال لازم اضايقها زي ما بتضايقني قرب لها وباسها من خدها وقال هتوحشيني يا قلب وشوشني
وهمس لها أنا ممكن ابوسك هنا دلوقتي وشاور علي بقها وكمل ولا حد هيقولي بتعمل ايه ايه رأيك
جزت علي أسنانها وهمسته هادفعك تمنها غالي اوي يا مارد
ابتسم و باس راسها عشان يغيظها اكتر وقال هتوحشيني مش هتأخر عليكي
وفعلا مارد راح شغله وهو كل تفكيره هي ليه عايزة تروح لفريدة يمكن تكون عايزة تتأكد مثلا ان فريدة بتشتغل مع مارد ولا لا كلم فريدة وقالها أنه هيزورها هو وانجل
مر الوقت وهو رجع البيت لقاها جاهزة ومستنياه ركبوا العربية و راحوا عند فريدة .
فريدة استقبلتهم كالعادة بترحيب حار قعدوا في الصالون ومارد ارتاح لما مالقاش إياد موجود بس فرحته ما كملتش لأن إياد فعلا وصل وأول ما شاف مارد ابتسم باستفزاز وقال مارد باشا منور الدنيا يا بوص
انجل استغربت لأنها ما تعرفش ان إياد بيشتغل مع مارد
إياد بعدها بص لأنجل وقال بنبرة حب واضحة ازيك يا انجل
سكت وبعدها كمل هانم انجل هانم
انجل ابتسمت وقالت ازيك يا إياد والله واحشنا ليه مش بتخلينا نشوفك
مارد رفع حاجبه وهمس في سره واحشنا ! وقعتك سودة 
إياد اتفاجئ بس فرح جدا قعد معاهم وفضل يتكلم ويوجه كلام لانجل وهي ترد وتضحك
إياد بجد اللي يشوفكم كده يقول انك بنت مارد مش مراته ولا ايه يا تنت هههههه
مارد بص له بقرف وماردش بس انجل ضحكت عشان تستفز مارد وقالت مش للدرجة دي يعني بابا مارد اه قصدي مارد حبيبي لسة قمر
بص لها مارد وضيق عينيه كأنه بيقولها ماااشي
فريدة مالكش حق يا إياد اللي يشوف مارد يقول لسة ما اتجوزش اصلا انت بتقول كده ازاي وبعدين هو عنده ٣٧ سنة لسة شاب بس انجل هي اللي صغيرة حبتين 
انجل كانت موجهة نظرها علي مارد وقالت لإياد سواء كان بابا او زوجي هو عارف هو بالنسبة لي ايه
إياد وفريدة بصوا لبعض وإياد كشړ فريدة عشان تنهي الجدل قالت هاقوم اجهز السفرة
انجل قالت خوديني معاكي يا تنت
راحوا يجهزوا الاكل
مارد اتأكد انهم مشيوا وقال لإياد امتي هتستلم المخډرات
إياد استغرب هو عارف إن مارد عمره ما اشترك في اي عمليات من النوع دا
قال بشك إنت غيرت نشاطك ولا ايه
مارد مالكش فيه انا دلوقتي فرد من أفراد الماڤيا يعني زي زي اي واحد فيكم تمام
إياد اوك بس لسة ما حددناش يوم للتسليم
مارد لازم تديني خبر لأني بلغت ماركو اني هاعرف الأوامر منك انت
إياد بفخر بنفسه اوك ماعنديش مانع
انجل رجعت وقالت لهم الغدا جاهز اتفضلوا
قاموا كلهم ومارد راح عشان يغسل إيديه إياد استغل الموقف دا وهمس لانجل انتي جميلة اوي انهاردة
بصت له برفعة حاجب وما ردتش عليه
خلصوا اكل ومارد اخد انجل وركبوا عربيتهم عشان يروحوا
جوا العربية وقبل ما يسوق
مسك ايدها پعنف وقال عارفة لو عملتي كده تاني عقابك هيبقي صعب اوي أنا كان ممكن اقتله جوا
انجل كانت پتتوجع وقالت اه مانت متعود ع القتل صح
مارد بتحدي وعند ايوا متعود ومش القتل بس انا بشړح بني ادمين وخاصة اللي يتحداني وما يسمعش كلامي بشرب من دمه
انجل لسة پتتوجع من مسكته قالت ااااه وانا عملت ايه يعني مش فاهمة
مارد نازلة سهوكة مع الواد الملزق دا وتقولي عملت ايه
انجل بتمثل البرأة إنت ظالمني انا معملتش حاجة
مارد كور إيده واتعصب وقال لها ما تستفزنيش 
ضړب الدريكسيون بقبضة إيده وساق وهو متعصب وهي بصت الناحية التانية كانت مضايقة لأنها بتضايقه بس هي لازم ترجعه عن الطريق الغلط
رجعوا البيت وقعدوا شوية مع الاولاد وجميلة وعزيز
بعدها مارد طلب من انجل تعمله قهوة راحت المطبخ وهو راح وراها وحضنها لفت بخضة وقالت ع ع عايز إيه
مارد باس رقبتها وقال وحشتيني يا انجلي
مسكت كنكة القهوة ولسعته في إيده شال إيده بسرعة واتألم وبص لها وجز علي أسنانه وقال ماشي يا انجل
بصت له وكشرت بس كانت مړعوپة من نظرته وفي نفس الوقت خاېفة علي ايده اللي اتلسعت قالت إنت اللي بتتعدي حدودك وتخالف اللي اتفقنا عليه 
بص لها شوية من غير ما يتكلم و خرج وهو متعصب ۏلع سېجارة وفضل يبصلها بعصبية لما جابت القهوة وهي بتبعد نظرها عنه يمين وشمال
جي الليل ومارد كان لسة مضايق من تصرفاتها خرج هو وإسلام يسهروا برا ولما رجع كانت نامت
صحيت انجل الصبح بدري لبست وخرجت ومارد صحي كالعادة الساعة ٨ الصبح نزل يفطر بس مالقهاش سأل جميلة قالتله أنها لسة صاحية وما شافتش انجل لما خرجت
مارد كور إيده وقال من بين أسنانه انجل 
قدام قسم الشرطة
كانت رايحة جاية وبتبص بتوتر علي القسم وبتفرك في ايديها وبعدها اتشجعت ودخلت طلبت تقابل الظابط ودخلت بعد ما ادت بطاقتها للصول
دخلت للظابط وقالت احم انا أنا جيت أبلغ