كفاية انا صدعت

إيه
وضع المجني عليه! مش لازم تكوني الجاني أو الشخص الشرير أنت تقدري تكوني حاجة كبيرة يا رؤى وهقولك تعملي إيه..
أول حاجة حبي نفسك بشرط انك متبقيش مغرورة حبك لنفسك وأنك تشوفي نفسك حد مهم دا ميديكيش الحق انك تشوفي حد أقل منك أبدا.
تاني حاجة مبيبقاش خاېف غير اللي بيعمل حاجة غلط وأنت مش غلطانة أنت بس طيبة تستحقي تعيشي حياة سوية متتخليش عن طيبتك دي حاجة متيعبكيش! خليك طيبة لكن فيه حاجة إسمها حذر.
تالت حاجة اتعلمي امتى تقولي لا! تقولي لا لو مش قادرة تعملي حاجة فعلا قولي لا ف حدود الأدب متضغطيش على نفسك! أنت بشړ وليك حق الراحة.
رابع حاجة ابدأي جربي مواهب كتير عشان تكسري روتين الوحدة ولما شخصيتك إن شاء الله تتغير صدقيني هتلاقي ناس كتير حابة تقرب منك لأنك تستحقي القرب وأنك تتحبي.
خامس حاجة ربنا بيبعتلنا حاجات أو أشخاص يهونوا علينا مرارة الأيام مهما فات الوقت ربنا بيكون مستني الوقت الصح مش من وجهة نظرنا بل الوقت المناسب اللي ربنا شايفه مناسب.
متكلمتش ولا كلمة وخرجت برا الأوضة بل برا العمارة كلها سمحت لدموعي المكتومة تنزل حسيت إني محتاجة أعيط يمكن تكون دي المرة الأخيرة اللي أعيط بضعف وأخرج كل دا من جوايا.
بصيت جنبي لقيت ورقة مكتوب عليها لا تيأس إن عوض الله آت لا محالة.
ابتسمت وأنا باخد الورقة وبحطها ف كشكولي وبقفل عليهم بإيدي الاتنين كأني خاېفة أنهم يضيعوا.
عدت فترة أنا محسبتهاش لكن أنا واثقة أنها فترة كبيرة مبردش على مكالمات حد بتفرج على كورسات تعزيز الثقة بالنفس متابعة مع الدكتور والموضوع مخادش وقت لكن أنا لسه مش عارفة نتيجته هتكون إيه أو أنا لما أتحط ف موقف بجد هتصرف إزاي!
ف يوم لقيت ندى بتتصل رنة والتانية اتنهدت ورديت أيوة
ابتديت أعمل حدود ف كلامي زي ما الدكتور قال.
مختفية بقالك فترة ليه
معلش مشغولة شوية 
أرد على قد السؤال وياريت لو كلمات أقل.
كنت عايزاك تشتريلي تي..
عايزاني أشتريها امتى
دلوقتي
وأنت
انا إيه
مش فاضية دلوقتي
لا فاضية بس انا..
طالما فاضية اشتريها لنفسك أنا أنا مش بشتغل عندك.
انت بتقوليلي لا
ابتسمت من ورا الموبايل أيوة
بقولك لا يا ندى
قفلت الموبايل تاني وانا حاسة براحة نفسية خدت نفسي ونزلت جبت أيس كريم وشوية حاجات تخليني مبسوطة كلمت الدكتور قولتله اللي حصل قالي هايل وكان مبسوط بيا قال إن فاضل المرحلة الأخيرة وهي إني هواجهها.
نزلت الجامعة شوفتها واقفة مع صحابها ولأول مرة أحس إني مش متضايقة! دول صاحبها اللي يشبهوها أنا أكيد هلاقي صاحبي اللي يشبهني.
رؤى! أنت جيت الجامعة!
رديت بهدوء طالما موجودة قدامك يبقى انا آه موجودة 
اتغيرت اوي يا رؤى! انا حاسة انك مبقتيش تحبيني زي ما بحبك.
انا فعلا مبحبكيش زي ما بتحبيني.
أكتر أنا عارفة.
لا أنت زيك زي أي