لا تؤذوني

أنا مش شيطانه زي ما بتقول أنا لو رجع بيا الزمن كنت بردو هختار أنقذ نفسي... 
ما أنت مش فاهم يعني اي كان عندي 16 سنه ومحطوطه في أوضة تحت الأرض عروسة لعبه ملبسينها فستان اتكسف ابصله حتي و الوان ماليه وشي علشان تكبر ملامح عارف يعني اي واحده عندها 16سنه تروح لواحد قۏاد اللي هو عمك وتقوله انا هطوعلك كل البنات دي بس ترحمني أنا وعلفكرا أنا وقتها كان في نيتي إني أشوف طريقه وأهرب بيها أنا والبنات أو اهرب أنا حتي وميكونش ليا إيد اني أكون سبب في اذيه واحده فيهم بس معرفتش والله العظيم ما عرفت أنا كنت بقعد بالشهور مبشوفش الشمس عشر سنين معرفش اي حاجه غير اني اجهز البنات لموتهم ومرارهم لحد ما بقي قلبي زي الحجر والله من قهرتي عليهم وعلي نفسي وبعدين من كام شهر جات فرح بنت عندها 19 سنه لسه في بداية حياتها وشبابها كان فيها مني كتير صدقني فرح بعد عشر سنين هتكون زيي وأسوأ كمان علشان انا كنت زيها زمان بس أنت مش هتفهم.. أنا عندي 26 سنه عشت منهم 16 سنه في أرض الله الواسعه شوية اخدم عند دي و شوية اشتغل في محل دا واهي ماشيه بس صدقني معيشتش فيهم لحظه بنفس سوء العشر سنين اللي فاتوا 26 سنه بنت نفسها تحب وتتحب و تعيش طبيعي مكانش ليا اي طموح أكتر من كدا بس لا حسيت ان دا كتير عليا فنزلت بالحلم واني اعيش بس من غير ذل..

جاسر بجدية اقعدي يا فردوس...
فردوس بدموع لا أنا كدا كدا أخدت القرار وهروح أسلم نفسي وأعترف بكل حاجه..
جاسر وأنتي مفكره ان عمي معندوش عشرين محامي يطلعوه هو ومأمون زي الشعره من العجين!! ومين هيروح في داهيه!! انتي والله أعلم بقي مصير صاحبتك اي!!
فردوس برجاء طب خلاص خليني مراتك وأنا مستعده أعمل زي ما انت قولت واعيش لخدمتك وأنا هحاول أهرب البنات أكيد مش هسيبهم...
جاسر لا..
فردوس بحزن خلاص شوف أنت عاوز اي وأنا تحت أمرك يا جاسر بيه..
جاسر بالظبط كدا.. أولا هتفهميني كل حاجه بتحصل في الشقة اللي تحت الأرض البنات دي بيجيبهم منين وفي حد بيساعده ولا لا! و كمان مصيرهم اي بعد ما يمشوا من عنده ومين الناس اللي بتاخد البنات دي!!
فردوس تحت الفيلا بتاعت عمك في شقة كبيرة عايش فيها اكتر من عشرين بنت دلوقتي بس مفيش بنت بتقعد بعد ما بتعدي ال سنه..
جاسر ليه!
فردوس پقهر لأنهم بيبقوا عاوزين البنات الصغيرة علشان يعرفوا يخوفوهم ويسيطروا عليهم كل ما بنت بتخرج بيجي مكانها واحده جديدة معرفش بيجيبهم منين بس أنا وفرح لما أخدونا كنا مخطوفين.. 
وصدقني معرفش حد بيساعده ولا لا!! هو عمك ومأمون اللي شوفتهم طول العشر سنين دا بعيدا عن الحراس بتوعهم كمان البنات اللي بتمشي بيتباعوا..
جاسر بيتباعوا!!!
فردوس پبكاء اه.. بياخدهم ناس كبار ومعروفين بس طبعا الجانب دا منهم محدش يعرفه أوقات كتير أصلا حتي عمك ومأمون مبيبقوش عارفين البنت رايحه لمين بس اهم حاجه انهم بياخدوا مبالغ كويسه..
جاسر طب مفيش حد هرب خالص!!
فردوس احنا قاعدين تحت الأرض هنهرب ازاي الباب اللي فوق مكانش بيتفتح غير في وقت خروج البنات للحفلات و كل بنت بيكون وراها واحد من الحراس يسد عين الشمس واللي بتحاول تهرب مأمون مكانش بيتردد يدفنها وهي بتتنفس قدام عينينا علشان كدا كلنا اتربي في قلوبنا الخۏف من فكرة الهروب دي...
جاسر طب وفرح وانتي مهربتوش ليه!!
فردوس فرح لما كانت بتقابلك كان في تلاته بيبقوا وراها من الحراس دا غير أجهزة التنصت اللي في هدومها..
جاسر يعني ممكن يكونوا سامعينا دلوقتي!!!
فردوس لا.. عمك بيثق فيا صحيح في حراس تحت العمارة دي علشان لو خرجت يجيبوني بس مش بيتنصت عليا أنا متأكده..
جاسر عمي شغال في حاجه تانيه صح!
فردوس معرفش..
جاسر خلاص نتكل بقي علي الله ونبلغ وهما يعرفولنا لو بيعمل مصايب تانيه ولا لا..
فردوس طيب وأنا!
جاسر أنتي اي بالظبط! هتتسجني زيهم أنت شغاله معاهم بقالك عشر سنين مستوعبه!! لا هتعرفي تهربي منهم ولا مني صدقيني..
فردوس أنا عندي سؤال واحد أنت عرفت كل دا إزاي!!
جاسر بإبتسامة علشان عمي فاكرني عبيط ومكنش واخد حذره مني فاكرني هقعد ابكي علشان اتشليت ومبقيتش قادر أمشي بس طالما دا شغال أشار علي عقله يبقي لازم ېخاف مني لازم كلكم تخافوا.. 
فردوس بس أنت كنت ممكن ټموت بسبب العصير معتقدش ان دا ذكاء..
جاسر وتفتكري أنا ممكن أكون فوت حاجه زي دي!!
فردوس پصدمه يعني اي!!
جاسر يعني أنا مشربتش العصير أساسا!! و أنا اللي اتصلت بماجد والدكتور اللي كان هنا يبقي معاذ صاحبي وهو مش دكتور ولا حاجه دا محاسب عندي في الشركه..
فردوس يعني أنت مكنتش نايم!
جاسر لا...
فردوس ممكن أسألك سؤال تاني! هو أنت ليه واثق إني مش