زواج مستعجل

اه يا بنت ال ..
جري بسرعة في البيت وهو بيدور عليها وبعدين طلع على طول للاوض بدأ يفتحها واحدة واحدة عشان يلاقيها واول ما وصل لللي هي فيها لقاها مقفولة فقعد يخبط عليها بعصبية وقال 
_ افتحي الباب يا ست الدكتورة..افتحي جاك فتح نفوخك بقى أنا تخبطيني بالطاسة على راسي! أما وريتك يا ست روبانزل انتي .
رمى الطاسة بعصبية وبعدين اتحرك ناحية المكتب وجاب المفاتيح الاحتياطية. فتح الباب بعصبية واول ما دخل ملقاش حد في الاوضة فاتحرك بسرعة ناحية الحمام وهو بيقول 
_ افتحي الباب يا ست زفتة بدل ما أكسره فوق دماغك و...
و فجأة سكت اول ما لقى الباب بيفتح بهدوء وهي خارجة من الحمام لابسة الروب وحاطة الفوطة على رأسها وبتقول بكل هدوء وسلام نفسي 
_ جود مورنينج بيبي ...
فتح سعد عيونه پصدمة وقال 
_ جود مورنينج يا بنت عبدالحليم جود مورنينج يا ضنايا ايه المزاج الرايق ده يا بت ده ولا كأنك فتحتي دماغ بني آدم بالطاسة امبارح وسبتيه مرمي زي الكلب في نص البيت .
بصت ليه مليكة وقال بسرعة 
_ أنت بتقول ايه أنا عمري ما اعمل كده ...ايه معنديش قلب ولا ايه 
بص ليها باستغراب وقال 
_ امال ايه اللي حصل أنا ...
قاطعته وهي بتكمل كلامها 
_ اكيد يعني أنا مش هسيبك مرمي على الأرض انا انسانه برضو وبحس أنا بعد ما نزلت فوق راسك بالطاسة شديتك ونيمتك على الكنبة وصدقني مكانش سهل اعمل كده ابدا ...
مصمص سعد شفايفه بتأثر وقال 
_ ايه ده بجد يا كبدي يا بنتي تصدقي صعبتي عليا وقطعتي قلبي
هزت راسها ولسه هتتكلم لقيته بيجري ناحيتها بسرعة وهو پيصرخ في وشها فهي جريت بعيد عنه بړعب 
_ ايه أهدى كده مالك على الصبح ..
_ مش عارفة مالي على الصبح انتي يا بت ايه الجبروت اللي في قلبك ده ده انا هطين عيشتك معايا عايزة تبدأ بينا حرب أنا هنولك الحړب .
جريت مليكة برة الاوضة وهي بتصرخ بړعب وهو جري وراها ومسك الطاسة اللي كانت مرمية في الأرض وبيقول 
_ والله لاوريكي والله لافتح بيها نافوخك زي ما عملتي يا غراب البين انتي .
دخلت مليكة المطبخ وهي بتمسك طاسة تانية وبتقول 
_ والله لو قربت مني انا هكمل على اللي عملته امبارح ..
بص ليها بعصبية وقال 
_ تكملي على ايه يا ژبالة يا بلطجية هما جوزوني مسجلة خطړ ولا ايه 
رفعت الطاسة وهي بتقول 
_ أنا حذرتك ..
رمى سعد الطاسة من أيده وقال وهو بيتنفس بتعب 
_ بصي أما خلاص مش قادر على الحوارات دي أنا تعبان اساسا وحاسس أن..
وفجأة داخل وسند على الطرابيزة وهو ماسك رأسه وبيقول 
_ راسي ...راسي بتوجعني اوي .
سابت مليكة الطاسة پخوف وقربت منه براحة وهي بتقول 
_ أنت كويس يا سعد معلش والله انت اللي عصبتني امبارح و...
وقبل ما تكمل كلامها مسكها سعد بسرعة وشدها ليه وهو بيقول 
_ مسكتك أنا بقى هوريكي ازاي تحترمي جوزك ...
بصت ليه پصدمة وبدأت ترفس وتصرخ وهو يضحك بصوت عالي وهي تتخانق معاه ....
_____________________
وتمر الايام وهما مع بعض وكل يوم بيزيدوا عناد ويعملوا مقالب في بعض وعايشين مع بعض حياة مليانة خناقة وساعات هزار وضحك ...
وفي يوم خلصت مليكة المستشفى وخرجت عشان تروح لكن فجأة لقت عربيتها متكسرة فتحت عيونها پصدمة واتحركت ناحيتها بسرعة وهي فاتحة عيونها بفزع وقالت 
_ ايه ده مين اللي عمل كده 
سمعت صوت
ضحك من جنبها خلاها تتعصب وهي بترمي الشنطة بتاعتها وبتجري ناحية الراجل اللي كان واقف وهي بتقول بغيظ 
_ والله العظيم ما هخلي فيك حتة سليمة ...
______________
كان قاعد مع صاحبه في المكتب بتاعه وهو بيقول 
_ يا عم والله مش فاضي احمد ربنا إني جيت اشوفك اساسا لاني مش رايق .
ضحك صاحبه وهو بيقول 
_ مش رايق ليه هو الجواز عكر حياتك ولا ايه 
ابتسم سعد وقال 
_ تصدق بالله أنا الجواز خلى لحياتي طعم تاني ممكن يكون طعم لاذع ساعات بس هو حلو في الأصل ..
ابتسم ايه صاحبت ولسه هيرد لكن فجأة سمعوا صوت زعيق وصړاخ جاي من برة المكتب فقام الظابط صاحب سعد وهو بيقول بعصبية 
_ ايه الدوشة دي 
ضحك سعد وقال 
_ الحمدلله اني مدخلتش شرطة عشان ۏجع