امسكوها متخلهاش تهرب

سكريبت 
امسكوها متخلوهاش تهرب.
زعق خالد في الحراس بتوعه وأنا بجري منهم... كانوا كلهم بيجروا ورايا زي المجانين بيحاولوا يمسكوني .. وقفت وقلعت جزمتي ورميتها عليهم وكملت جري... ابتسمت لما لقيت باب الفيلا مفتوح ومش عليه حد.... سرعت وقربت إطلع واهرب منه بس للاسف فيه حد من حراسه مسكوني.
أبعد سيبني يا متلمسنيش... بقولكم ابعدوا عني. 
ضحك خالد وهو بيقرب مني وقال 
كنتي فاكرة أنك هتقدري تهربي يا برينسس
سيبني يا جبان انت لو كنت راجل مكنتش سجنتني هنا وخليت حراسك يمسكوني. 
حط ايديه علي قلبه وقال 

آه كده تكسري قلبي يا برينسس ... عموما يالا مفيش وقت فرحنا بعد كام ساعة لازم تجهزي 
مش هتجوزك يعني مش هتجوزك... أنت ايه معندكش احساس... معندكش كرامة أنا مش عايزاك 
أيوة معنديش كرامة يا برينسس.
قالهالي يتريقة وبعدين بسرعة شالني زي شوال البطاطس.... قعدت اضربه علي ظهره وأنا پصرخ 
نزلني... بقولك نزلني.
رفعت ايدي و ضړبته علي ظهره جامد.
آه... شرسة بس بحبك... أظن أن جوازنا هيكون انجح جواز في الموسم. 
لآخر مرة بقولك إني أموت ولا اتجوزك 
بعد الشړ عليكي يا روحي... انتي هتتجوزيني وهنعيش في سعادة... 
دخل الاوضة بتاعتي وحطني علي السرير براحة وهو بيقول بإبتسامة 
برينسس متصعبيش الموضوع 
دموعي نزلت لوحدها وفجأة بدأت ابكي جامد. 
أميرة أهدي مبحبش أشوف دموعك 
صوته كان حنين وقرب مني وهو بيطبطب عليا... حط راسي علي كتفه وقال
صدقيني هسعدك 
بصتله وأنا ببكي وقلت 
ابوس ايديك سيبني انا مش عايزة اتجوزك... لو كنت بتحبني صحيح سيبني 
أنا عشان بحبك مقدرش اسيبك... انتي مش فاهمة أنا ما صدقت لقيتك ومستحيل اسيبك.... يالا هسيبك تتمالكي أعصابك وبعد ساعة هبعتلك الميكب ارتيست عشان تجهزك يا احلي عروسة. 
سابني وخرج فحطيب وشي في المخدة وقعدت اعيط بهيستريا. 
أميرة بنتي. 
بصيت لبابا وانا متعصبة وزعقت 
متقولش بنتي أنا مش بنتك ولا يشرفني انك تكون أبويا 
أميرة عيب كده! 
لا والله عيب ومش عيب لما بعتني لواحد زي خالد الصاوي... مش عيب أنك تجبرني اتجوز واحد زيه 
خالد بيحبك 
وأنا مبحبهوش.... مبحبهوش ولو اتجوزته الجواز ده هيكون باطل لأنه هيكون من غير رضايا. 
متكلمش بابا أكتر من كده وخرج وسابني وأنا كملت بكا وأنا بفكر إني خلاص انتهيت!. 
بعد خمس ساعات.. 
آنسة أميرة دي خامس مرة الميكب يبوظ بسبب دموعك أهدي شوية 
أنا مش عايزة اتجوزه مش عايزة... بكرهه هو الجواز بالعافية. 
بصتلي ومردتش عليا.
حسيت بأمل ومسكت ايديها وأنا بقول 
ابوس ايديكي ساعديني اعتبريني أختك وساعديني أهرب من المستبد ده... أنا مش عايزة اتجوزه. 
آنسة أميرة. قالتها البنت بتوتر
بكيت تاني وانا بترجاها 
ابوس ايديكي... مستعدة اديكي اللي انتي عايزاه.. بس
هربيني من هنا... 
سابت ايدي وهي بتقول بحزن