الحب

أنت مجنونه  
قربت منه و قولت و أنا بشبك إيدي في إيده فبصيلي في عيوني ف قولت 
_ أول مره أقابلك رقصت معاك تانجو مكونتش بعرف أرقصه بس لما مسكت إيدك و بدأت أتحرك مع حركتك حسيت إني بقالي سنين برقص تانجو و في خطوبتنا قولتلي إن الحب و الجواز زي رقصة التانجو. 
شدني من وسطي و حاوطني فقال في ودني بصوت ناعم 
يومها قولتيلي مش فاهمه ف قولتلك لما نتجوز هقولك. 
_ تسمح تقولي  
رفعني من على الأرض و لف بيا بعدين نزلني بهدوء و قال 
أول خطوه في الحب زي بدايه الرقصه دقات قلبك بتترفع لفوق و أول ما عينك تيجي في عين حبيبك. 

بصيلي في عيوني بثبات و قال 
بتتقل عشان ميقولش عليك خفيف. 
لف شعري على دراعه و قال و إحنا بنتحرك قصاد بعض 
لفة الشعر دي بقى في الرقصه مرحله الإستعباط هديك من إلي تحبه و أهتم و أغازل. 
رفعني لفوق و بص في عيوني بثبات أقل من المره الأولى و قال بصوت مبحوح 
بس هتقل .. و مش هعترف.
نزلني ف نزلت بين إيده بهدوء الموسيقى عليت و بدأت أحرك كعبي في الأرض و هو يقرب ف أنا أبعد ف قال 
المرحله دي من الرقصه بقى إلي قبل الأخيره مقاومة الست و تقلها المتناهي قادرين يوقعوا أجمل راجل في حبها بكل سهوله. 
أخدت نفس عميق و قولت 
_ و المرحله الأخيره  
نزل بيا و أنا حاوطت رقبته و وشي قدام وشه الموسيقى عليت و بعدين هديت خالص و هو بيرفعني بس المرادي حصون عيونا إنهارت و الحب تملك منها فقال 
و ده وقت الإعتراف .. بحبك.
سندت راسي على كتفه و إتحركت براحه و قولت و أنا بغمض عيوني 
_ و أنا كمان و أنا كمان جدا.
.... هنا_سلامه.
قرأت له حدوته قبل ما ينام بقالنا شهر خرج من الإكتئاب و بقى زي الفل بس لسه .. لسه بسمعه في كل صلاه بيعيط و بيطلب طفل من ربنا بوست راسه و طبطبت عليه .. 
أه لو يعرف إنه إبني و جوزي و صاحبي و كل شيء جميل في قلبي أه لو فتح قلبي هيشوف نفسه بين ضلوعه.
مين ده ! 
دخل عليا المطبخ لقاني بعيط و أنا ماسكه بيبي بيعيط برده _ لقيته قدام باب الشقه بتاعتنا پيصرخ مش عارفه أسكته نهائي ! 
هاتيه يا حبيبي. 
قالها بصوت مهزوز أخده و لف بيه في الشقه و أنا بلف وراه الطفل هدى و سكن في لمح البصر بين إيده قعدنا على الكنبه و خالد بيتأمل ملامحه فقولت بسعاده
_ عيونه واسعه. 
أه ما شاء الله و ملونه كمان. 
_ يا ترا مين يسيب الجمال ده كله يا خالد  
قولتها بصوت مهزوز مين