حكاية ثلاث بنات

دي سلمى كمان طلعت تجري وعيلتها وراها
أميرة صلااااح ما تموتهاش دي أختي الوحيدة
صلاح هموتها لو ماماتتش مش هنتجوز
سلمى لو قربت لها ھقتلك يا صلاح
أميرة علشان خاطري يا صلاح أرمي السکينة
صلاح أدبحها الأول وبعدين أرميها
أميرة حرام عليك يا صلاح ما
ضيعناش أنا بحبك علشان خاطري
سلمى صلاح اهدى وارمي السکينة
حبيبة استغلت انشغالهم ورمت صلاح بكرسي خشب قديم وصلاح ما كنش مستعد فوقع وأصحابه اتلم عليه وهي غيرت طريقها بسرعة ورجعت لباب السطوح وقفلته من جوه ونزلت السلالم جري .. سلمى اتصلت بزياد وطلع جري وفتح الباب والكل نزل وحبيبة كانت على باب العمارة وجريت للشارع وللصدفة كانت عربية معدية ووقفت بأعجوبة عند رجلين حبيبة من غير ما تصدمها صاحب العربية عادل نزل يطمن على البنت الل كان هيصدم .. حبيبة لسه واقفة ومش مستوعبة أنها عدت على خير والعربية ما صدمتهاش
عادل أنت كويسة يا آنسة
حبيبة بتوهان أيو أظن لحظة بس
حبيبة حركت ايديها لفوق وعملت كده ورفعت رجليها بتدرج وعادل ببيصلها بدهشة وعدم استيعاب لحظة وسمعت صوت سلمى عند باب العمارة بتنده عليها
حبيبة بصت لعادل وبتمثيل الحقني هيجوزوني ڠصب عني
عادل ماردش ومعرفش يتصرف ازاي يصدقها ولا لاء
حبيبة وهي بتشاور على صلاح الل خارج من العمارة وصحابه بيحوشوه ده عايز يتجوزني ڠصب عني وأنا ما بحبوش
وجريت ووقفت جنب باب العربية يلا افتح بسرعة لازم نهرب سوا
عادل بتساؤل لي
عادل برق عنيه وفركهم بيديه وبدأ يشك أن ده ممكن يكون كابوس وان مش ممكن تكون دي حقيقة ولما بعد ايديه بص ما لاقاش حبيبة الټفت لكل جانب وماشافهاش وشاف صلاح بيجري والكل بيجري فجرى وراهم
حبيبة جريت ودخلت قهوة المعلم شعبان كبير الحتة وأول ماشافها ضحك
شعبان عملت ايه يا بلوة الحارة
حبيبة بتوسل أنا بلوة بردو مش مهم والنبي يا معلم خبيني صلاح هيدبحني
شعبان پشماتة أحسن تستاهلي
حبيبة بزعل يا شماتة أبله ظاظا فيا
شعبان بضحك ههههههه الله يهدك يا شيخة
حبيبة بإبتسامة واسعة انت تعشيت يا معلم ولا بتستناني لسه
شعبان خبط كف بكف وقبل ما يرد دخلت سلمى وصلاح وحبيبة وقفت ورا المعلم وهمست له والنبي خبيني
صلاح بعصبية اطلعي يا حبيبة لاهد القهوه عليك
شعبان پغضب فيه ايه يا صلاح انت اټجننت انت ازاي تكلمني كده
صلاح معلش يا معلم أصلك متعرفش المچنونة دي عملت ايه دي خطړ على المجتمع
سلمى بهدوء لو سمحت يا صلاح روح أنت وأنا هحل الموضوع وهاخد لك حقك
عبد الله بتعب يلا بينا على البيت كفاية فضايح
عادل واقف جنب صاحب صلاح وسأله هو فيه ايه
صاحب صلاح مفيش بنت مچنونة هربانة من أهلها
عادل بص لحبيبة بس شكلها عاقلة
صاحب صلاح هي تبان كده بس الحقيقة لاء
محمد والد سلمى تعالي يا حبيبة
حبيبة راحت لمحمد جوز خالتها وزهره حضنتها ومحمد بص لشعبان احنا آسفين يا معلم
شعبان بتفهم احنا أهل وحبيبة زي بناتي
عبد الله بإمتنان ده العشم بردو
الكل طلع من القهوة وصلاح أخد صحابه ومشي وعادل كمان انسحب بهدوء زي ما جه ورجع لعربيته وسائق لبيته
ببيت عادل فتح الباب بالمفتاح ودخل بهدوء لقى عدنان قاعد قدام التلفزيون شارد جه بتعب وقعد جنبه
عادل مساء الخير
عدنان مساء النور اتأخرت
عادل وصلت زميلي وأخرني وبتنهيدة مالك قاعد كده ليه وبص حواليه ماما وبابا نامو
عدنان بضيق أيو ناموا
عادل طب مالك فيه ايه
عدنان پغضب القضيه الل حكيت لك عنها مش لاقيلها حل وبتتعقد كل يوم أكتر
عادل والله القضية دي غريبة جدا ومخيفة طب أنت هتعمل ايه
عدنان مش عارف بكرا هقابل اللواء عز الدين ونشوف حل للقضية دي
عادل سرح شوية فحبيبة وابتسم لما افتكر حركاتها من غير ما يحس وعدنان لقط ابتسامته بسرعة
عدنان بنظرة فاحصة بتغوص فأعماق الل قدامه بتفكر ف ايه
عادل ما خدش باله وعدنان ابتسم أكتر عادل بتفكر ف ايه
زفر ورجع راسه لورى مش عارف يا عدنان الظاهر كده بقيت أشوف تخيلات
عدنان بإهتمام اعتدل فقعدته وقال خير احكيلي
عادل الواد زميلي كان عايش فحارة بعيد ولما وصلته كملت سواقه على نفس الشارع وفجأه من العدم ظهرت قدامي بنت فرملت عنها والحمد لله مالمستهاش .. 
ونزلت من العربية أطمن عليها وسألتها أنت كويسة يا آنسة ردت قالت لي أظن وقعدت تعمل كده وتعمل كده وكان بيقلدها وسمعت صوت حد بينده عليها قالت لي أهربها علشان عايزين يجوزوها ڠصب انا استغربت واتفاجأت وخفت تكون مچنونة او حرامية وفأقل من ثانية لقتها واقفة جنب العربية حاطه ايدها على بطنها وبتقولي يلا نهرب سوا لو عرفو أني حامل منك هيمتونا
عدنان كان بيضحك طول كلام عادل وتعابير وشه ولما قال كده اڼفجر ف الضحك بصوت عالي وعادل بصله بضيق وكمل
_ أنا قلت أكيد أنا بحلم وده كابوس وفركت عنيا بايدي ولما شلتهم اختفت بس لقيت الل كانو بيجرو وراها بيجرو فجريت وراهم ولقت الكل فقهوة والبنت مستخبيه ورا راجل كبير وواحد بيهددها ويقول ھقتلك ولما سألت قالولي مجنونه هربانه من عيلتها
عدنان بيضحك عادل بغيظ ما تبطل ضحك بقى
عدنان بيضحك مش قادر فين الحارة دي لازم أتجنبها
عادل مش هقولك ابقى
اضحك أنا قايم أنام
عدنان وأنا كمان .. ايه رايك تنام معايا مش ممكن البنت دي تيجي ټنتقم منك علشان سبتها هي وابنك
عادل لكزه فصدره بايخ
عدنان هههههه تصبح على خير
عادل وأنت من أهله ياغلس
وكل واحد دخل أوضته وفضلو يفكرو ف ال شاغلهم
ببيت سلمى حبيبة وسلمى نايمين سوا على سريرها بعدما الكل راح وعبد الله زعل من حبيبة كعادته كلما تعمل مقلب فحد بيزعل وهي تفضل تتحايل عليه لغاية ما يسامحها .. سلمى ضړبت حبييبة على بطنها بقوة وغيظ وحبيبة اتكورت پألم
وحبيبة پألم اااااه ايه يا حضرة الضابط أنا مش حرامي
سلمى پغضب اخرسي عقلي بيقولي أموتك والشيطان بيمنعني عنك
حبيبة باستفزاز ليه بس يا حض....
سلمى أخرسي يا حبيبة مليون مرة أقولك ماتنادليش كده وبعدين ممكن أفهم ليه عملت المقلب البايخ ده بنص الليل
حبيبة بذمتك مش أحسن من الملل الل كنا فيه اهو جرينا شوية على السلم شوية ف الشارع
سلمى پغضب حاجة بس عايزة أعرفها انا ايه الل خلاني أتجنن وأطلعلك ما كنت أسيب صلاح يقتلك وأهربه من السچن أحسن انا لازم أكفر عن ذنبي لازم
وبصت لحبيبة بغموض وقامت بهدوء من السرير وراحت ناحية الدولاب وحبيبة اتخضت يا لهوي دي هتاخد المسډس وجريت لباب الأوضة وهي بتنده ياماما ياماما زهرة
وسلمى ابتسمت بشړ ورجعت لباب الأوضة بسرعة وقفلته بالمفتاح ونامت على السرير مبتسمة
حبيبة راحت لاوضة زهرة ومحمد وخبطت عليهم وهما كانو نايمين على السرير وزهرة نايمه من التعب طول اليوم ومحمد لسه بيستعد للنوم وسمع خبط على الباب
محمد وهو بيهز كتف زهرة قومي شوفي المصېبة الل منيماها عندنا عايزه ايه قومي
زهرة بتعب مش قادرة قوم أنت شوف عايزة ايه وأعمله
محمد قام حاضر أما اشوف المچنونة دي عايزه ايه
وقام فتح ولقى حبيبة واقفة وبتبص وراها محمد بزهق نعم
حبيبة مسكت ايده وسحبته بهدوء لحدما طلعته من الأوضه معلش يا عمي انت مش غريب سلمى بنتك