نور حياتي بقلم مريم ابراهيم

انس وقال .. عاملة ايه يانور في مذاكرتك
نور بابتسامة .. الحمد لله انت عامل ايه في شغلك
انس .. الحمد لله نور كنت عايز اكلمك في موضوع 
نور .. اتفضل 
انس .. بصي بصراحة يا نور انا كنت منجذب ليكي من زمان وكنت عايز اتقدملك بس استنيت اعمل قرشين كدة ينفعوني واجيب شقة وعارف الظروف اللي بتمري بيها بس ميهمنيش خالص ظروفك يهمني تقبلي
ثم قاطع حديثهما طرق الباب بشدة  فخرج انس وفتح الباب  فدخل حسن وسأل .. هي فين
خرجت نور وقالت بحدة .. انت عايز ايه 
حسن بخبث .. وحشتيني يا نور انا اسف معرفش عملت كدة ازاي تعالي ارجعيلي انا اسف يا بنتي 

نور .. انسي يا بابا انا مستحيل ارجعلك كفاية اللي عملتو ابعد عني بقي ارجوك 
سحب حسن ذراع نور وهو يخرج بها .. انا مستحيل اسيبك انا ابوكي وليا حق عليكي 
سحب انس ذراع نور من حسن .. لو سمحت يا عمي مينفعش تاخدها 
ثم اكمل .. تقبلي تتجوزيني يا نور
وفجاة دخل ادهم وقال بحدة .. تتجوز ازاي وهي متجوزة يا افندي
نور پصدمة .. متجوزة
انس .. انت بتقول ايه انت مين انو اصلا
ادهم ببرود .. جوزها والورقة اهيه 
اخذ انس الورقة وقراها ثم اخذتها نور وقراتها وقالت پصدمة .. ايه ازاي ده خطي 
تذكرت نور 
فلاش باك
نور .. نعم
الرجل وهو يضع الورقة بين الاوراق .. ممكن تمضي هنا 
نور .. ايه ده ممكن توريهالي وامضي ليه اصلا
الرجل .. حضرتك لازم تمضي عشان تبقي مسجلة في سجل الموظفين 
نور .. تمام ثم مضت
ريم .. ازاي دي اكيد مزورة ما تقولي حاجة يا نور 
نور ايوة ايوة افتكرت 
ثم سردت لهم كل ماحدث
نور پصدمة .. انت ازاي تعمل كدة ازاي تمضيني علي حاجة وانا معرفهاش 
انس بصياح .. انت فاكر نفسك مين ما تغور بورقتك دي بقا 
ادهم بصياح ايضا .. احترم نفسك 
اخذت نور الورقة ثم نثرتها الي عدة قطع وقالت بصياح .. انت فاكر ايه الجواز ده باطل 
ادهم .. اثبتي على فكرة في كذا نسخة من اللي قاطعتيها دي 
نور بصياح .. اطلع برة اطلعوا برة كلكوا 
خرح حسن وهو يبلع ريقه بصعوبة وخلفه ادهم فمسكه بشدة .. انا عارف مخك وتفكيرك فيه ايه عارف لو قربتلها تاني ھدفنك وانت حي فاهم 
اوما حسن براسه سريعا بينماجلست نور علي الارض ودموعها تسبقها ليه بيحصل فيا كدة انا عملت ايه في حياتي انا ماذتش حد حرام بقي
يتبع