عندي کانسر

حد غيرنا دايما بحاول اهزر وعايزاه يفضل إيجابى بتمنى يقدر يتخطى الموضوع
اول جلسه كيماوي كانت صعبه اوى خصوصا انها اول مره كمان فضلنا وقت طويل مش عارفه اقول انى حاسه بيه! لانى ماجربتش اللى هو فيه كنت اتمنى لو اقدر اشيل كل الۏجع واحطه فيا بداله
هتفضلى سرحانه كده كتير
ها
من ساعة ما خرجنا من المستشفى وانتى سرحانه
اه آسفهبقولك ايه تاكل غزل البنات
ايه ده بجد فين
شاورت بايدى ناحية المكان وانا مبتسمه
اهو..
ياريت..
ثوانى واكون عندك
رحت بسرعه اشتريت وجيت انا عارفه انه بيحبه جدا ومن حسن حظي ان كان في حد بيبيعه احساس حلو انى اخليه يبتسم

اتفضل يا سيدى 
كلى معايا..
وصلت البيت وفتحت مذكراتى كتبت كل تفاصيل اليوم عندى امل كبير جدا انه هيتخطى الموضوع وهيبقى كويس عشان لما ارجع اقرا الكلام اتأكد انه كان قوى..
تعالى معايا المكتبه
ليه
ليه ايه عايزه كام كتاب كده
وانا ايه لازمتى
المشوار هيحلى بوجودك والطريق هينتهى بسرعه طول مانت معايا ومش هتضايق من اى حاجه زى كل مره طالما انت معايا
انتى غريبه اوى يا حور
حطيت ايدى على وسطى وميلت دماغى
ها وايه كمان يا قارش ملحتى
ضحك ضحكه مش قادره انساها حرفيا حسيت اني عملت انجاز انه ضحك
واحلى واحده فى البنات
حطيت الطرحه على وشى ونزلت دماغى لتحت
يوه بس يا ولا بتكسف..
مانكرش انى فعلا اتكسفت اوى وفرحت اكتر بس حاولت مابينش ده يلا ربنا يستر شكلى هبوظ الدنيا
وبعدين
لا هكملها بعدين المهم دلوقتي قوم اتغدى
ماتبقيش رخمه بقى الروايه حلوه عايز اكملها
تؤ تؤ
طب هاتى انا اقراها
مسكت الروايه ورفعتها لفوق
هاتى بقى
قلت لا اتغدى الأول
طب ماشى
مشى كام خطوه واختفى من قدامى وانا واقفه ببتسم بنصر
والله لاكملها
كان سحب الروايه من ايدى وهو ورايا
دبدبت برجلى فى الارض ورفعت السبابه بتحذير
والله يا آدم هزعل بجد
حطها على الترابيزه 
خلاص آسف والله بهزر يلا نتغدى
كل الاوقات دى وهو لسه فى مرحلة العلاج الاولى لسه الموضوع مابقاش صعب اوى بس خاېفه يضعف فى نص الطريق
يلا يا ماما يلا يا آدم
جيت اهو يا حبيبتى
جيت يا عرسه جيت
متشكرين لكرم اخلاقك
ماما كانت بتحاول بكل الطرق تعمل اى حاجه آدم بيحبها وانا كنت بحاول بكل ماڤيا اعمله اى حاجه تفرحه وتديله طاقه إيجابية
هتروحى معايا بكره
لو مش عاوز مش هاجى اه انا مابحبش اكون تقيله على حد
حور..
بهزر طبعا هاجى وانا ليا كام آدم يعنى
قلب آدم
ها
ها..
مشيت ودخلت اوضتى وقلبى بيدق جامد هو قال ايههو انا سمعت صح ولا بتخيل
مش خاېفه تزهقى
لفيتله بتلقائيه
ازهق ايه يابنى هو انا باكل ترمس وبعدين انا عملت ايه عشان ازهق
هتكملى معايا للآخر
للاخر اوعدك المهم توعدنى انك تبقى كويس
ان شاء الله
يلاااا انا جيت يا جماعه
كنت بعمل فشار وطلعت قعدت قدام التليفزيون واستنيتهم
خد يا آدم تعالى اقعد جنبى
الله طب وانا ياست الكل مش بنتك مثلا
حبيبتى يا مراة عمى يا قمر انتى 
ضحكت