حكاية حياةبقلم عبير سليم

الله يا رب يبات بيكى فى الشارع لكن طول مانتى فى بيت اهلك يبقى الخروج بحساب
حياةحاضر يا حبيبي
سعيد علا انا مش عايزك تزعلى منى يمكن انا راجل جاهل ومفهمش فى الحاجات دى بس هو ده اللى اتربينا عليه
وانا عايز اختى يبقى مهامها عالى عند خطيبها انا عايز اغليكى عنده ياحبيبة اخوكى
حياةلا يااخويا اوعى تقول على نفسك كده تانى ابدا انت مقامك عالى عندى اوى يااخويا انت على راسي ياابو علا
ربنا يخليك لية وتفضل مضلل علية العمر كله
وانا خلاص مش حروح معاهم انا رضاك عنى بالدنيا كلها
سعيد طب ممكن تديلي اسر اكلمه
حياة حاضر يا حبيبي

اسرسلام عليكم ازيك ياابو علا
سعيدبقولك ايه يااستاذ اسر انا موصي على اكلة سمك حلوة اوى تستاهل بؤك ايه رايك تجيب حبايبك وتيجوا تتغدوا معانا ونقعد مع بعض شويه
اسر وهو يتفهم حقيقة الامر ويعلم مافى نفس ابو علا
الله هو فى حد يقدر يرفض عزومة سمك طبعا موافق
وبصراحه محمد الصغير وحشنى اوى ونفسي اشوفه
سعيدخلاص يبقوا تتفضلوا تيجوا واحنا فى انتظاركم
يجرى ابو علا سريعا على محل السمك الذى يوجد على ناصية الشارع ويطلب منه تحضير كميه من السمك والسبيط والجمبري
ثم يتصل على علا لتقوم بعمل الارز والسلطات
يسريياااه سبحان الله يعنى يبقى نيتى اعزمكم على ايس كريم تقوم تتقلب لعزومة سمك والله انا مش عارف اقولكم ايه ياجماعه
حياةاسر انا
اسرانتى ايه صدقينى ياحياة لو قلتلك ان ابوعلا ده كل يوم بيكبر فى نظرى اكتر من اليوم اللى قبله ده حد مش موجود في الزمن ده
انتى فاكرة انى ممكن ازعل من واحد عاوزيحافظ على اخته لحد مايسلمها لجوزها
اقسم بالله العظيم انا لو بايدي لاديه جايزة الاخ المثالي
حياةربنا يخليك يارب
فى منتصف الليل
فارس يافارس قوم اصحى قوم يابنى ادم انت
فارسايه فى ايه فى زلزال
ملكزلزال ايه انا عاوزة اكل فسيخ
فارستاكلى ايه فسيخ انتى هبله واللا عبيطه
ملكنفسي فيه يافارس شامه ريحته
فارسلا ياحبيبتى دى تلاقيها ريحة رجلى عشان مغسلتهاش نامى نامى الله يهديكى
ملكفارس بقى قوم انا مليش دعوة انا عاوزة فسيخ دلوقتى
فارس وهو يقوم ويجلس وهو متعصبليلتك سوده ياملك عاوزة ايه منى يامنيله
ملك وهى تحتضنهاخس عليكى يافروستى كده بردو ده انا قلت اول مااقولك نفسي فى حاجه حتجرى تروح تجيبهالي
فارساستغفرك يارب واتوب اليك
يعنى انتى عاوزانى انزل دلوقتى هى الساعه كام يلقى نظره على هاتفه بخرببيتك دى الساعه اتنين اروح اجيبلك فسيخ منين دلوقتى انتى مخك لحس
ملكوانا مالى هو انا اللى عاوزة ده ابنك هو اللى عاوز
فارسابنى مياكلش الارف ده
انتى اللى طول عمرك تموتى فى الحاجات المقرفه دى
ملكلا مسمحلكش اه انا بقولك اهوه ابنك هو اللى عاوز فسيخ الواد صاحب مزاج وطالبه معاه فسيخ وبصل انت من اولها حتحرمه من اللى نفسه فيه
فارسملك انتى حتستعبطى انا اعرف الوحم ده بيبقى فى اول شهر لكن انتى فى التالت ياقلبي
ملكلا ياروحى الوحم بيبقى طول الحمل
وعالعموم ماشي يافارس على راحتك بلاش تجيب متشكرة اوى بس لما ابنك تطلعله فسيخه فى وشه والناس تقوله باابو فسيخه متبقاش تزعل
فارسايه انا ابنى تطلعله فسبخه والتاس تقوله ياابو فسيخه لا لا كله الا كده
بس ممكن تستنى للصبح بس وانا حجيبلك
ملكلاء مش حقدر استنى انا مليش دعوة ابنك جوه عمال يعيط وعاوز فسيخ
فارسولما الضغط يعلى عليكى والواد يحصلله حاجه
واحنا ماصدقنا ياهمى الكبير اعمل فيكى ايه والله حخنقك بايديه وارتاح منك
ملكلا اطمن انا ضغطى على طول واطى وبعدين انا بعد مااضرب الفسيخ مع البصل انا حشرب لترين تلاته كركديه
والدنيا حنتظبط ان شاء الله
قوم بقى يابارد قوم لاحسن حقتلك يافارس
فارسياما انتى مالك قلبتى على امنا الغوله كده ليه
ملك وهى تمسكه من ملابس نومهفارس انت حتنزل يعنى حتنزل
فارسيادي الليله السوده بابنتى افهمى ياعديمة الفهم اجيبلك فسيخ منين دلوقتى المحلات كلها قافلة
ملكمليش دعوة اتصرف اتصرف
حاضر ياملك والله مانا عارف اخرتها ايه معاكى
خليهم يمسكونى فى كمين عشان ترتاحى
يقوم فارس ويرتدى ملابسه وينزل
الداده فارس رايح فين يابنى الساعه دى
فارسرايح اجيب للبلوة اللى ربنا بلانى بيها فسيخ
الخادمهههههههه والنبي ملك دى عسل
فارسطبعا مانتوا اللى مربيينها مين حيشهد للعروسه المهم قوليلي ياداده الاقيلها فين فسيخ دلوقتى
الخادمه وهو فى حد فاتح دلوقتى يابنى اكيد طبعا المحلات كلها قافله
فارسطب انا اعمل ايه دلوقتى شوفيلي حل
الداده ولا يهمك ياحبيبي انا حجيبلك فسيخ
فارس بجد منين
الداده من عندى ياحبيبي انا اللى عملاه بأيدي
فارس انتى بتعملى الحاجات العجيبه دى
الدادهايوة طبعا اصل بنتى الصغيرة بتحبه فانا بقرف من اللى بيتباع برة فبملحه بايدي
فارسانا مش عارف بياكلوا الارف ده ازاى
الدادهههههههه مزاجهم كده بقى
بص تعالى معايا نوصل لحد البيت ونجيبه سوا ونرجع قبل ماحد يحس وكمان عندى بصل اخضر
يذهب فارس مع الداده فى العربيه لاحضار الفسيخ من بيتها
بعدمرور حوالى ساعه
يدخل فارس غرفة نومه ومعه صينيه مغطاة
انتى يازفته انتى ياوش الهم قومى يابختى الاسود
ملكايه فى ايه بتصحينى ليه
فارسقومى كلى ياختى الفسيخ اللى انتى عاوزاه
ملك انا قلت عاوزة فسيخ انت كنت بتحلم ياحبيبى واللا ايه
انا عاوزة انام
فارسايه يا روح امك طب والله العظيم لو ماقمتى دلوقتى كلتى الارف ده لكون محميكى بيه انا بقولك اهوه
ملكيييه بقى الله انت جبته منين
ثم تشمشم احييه ده فسيخ بجد
فارس وهو متقذذ منهاخدى البتاع المعفن ده وروحى كليه فى الحمام انا مش عاوز ارف
ملكا رف يالهوي ده تحفه وريحته خطېرة
ثم تجلس على الارض وتضع الفسيخ امامها وتبدا فى تناوله الله يالهوى عالجمال ايه الطعامه دى
احيه يافارس ده حلو اوى اول مرة اكل فسيخ بالحلاوة والطعامه دى
فارسدى داده فاطمه اللى عملاه فى بيتها رحت معاها وجابتهولى عجبتك الفضايح دى
ملكياحبيبتى ياداده منحرمش منك يامظبطانى طول عمرك
ثم تعصر عليه الليمون وتضع معه البصل الاخضر
لاء بجد ملوش حل
فارسانا مش عارف انتوا ازاى بتاكلوا الارف ده
ملكلاء من فضلك الا الفسيخ مسمحلكش ټشتم عليه
طب بص عشان خاطرى خد كل كده
فارساخد امشي يابت جتك الارف
ملكعشان خاطرى بافروستي حيعجبك اوى والله
طب دوق بس الحته دى
فارس وهو يجلس بجوارهاطب ورينى كده يضعه فى فمه ليتذوقه اه تصدقى طعمه حلو امال ريحته عامله كده ليه
ملكعادى يافروستى
فارسلا ياختى الناس كلها بټشتم عليه وانا اكل منه
ملكياحبيبي دول اعداء النجاح
ملكطب خد بس اللقمه دى ومعاها حتة البصل دى وادعيلي
فارس طب بصي انا حاكل معاكى حته صغيرة عشان افتح نفسك بس
ملكطب اقعد اقعد
بعد مرور حوالى نصف ساعة
فارس وهو ملقى على الارض
ملكفارس يافارس يخرببيتك انت مت
فارسمنك لله يامفتريه انا مش قادر انا حاسس انى حموت
ملكههههههه هههههه حد قالك تاكل ده انت كلت الفسيخ كله منى فالح بس تقعد تقول ارف
فاسمانتى اللى جريتينى للرذيله بت انا مش قادر سيبينى انام
ملكههههههه هههههه نام ياحبيبى نام
فى الصباح
ملكفارس يافارس قومى يافروستى
يالهوى الراجل مبيردش ليكون ماټ
فارس قوم يافارس
فارسمش قادر ياملك حاسس انى عندى صداع ومش قادر افتح عينيه وريقى ناشف
ملكههههههه طب خد اشرب ياحبيبي معلش هو ده التطور الطبيعي اللى بيحصل بعد اكل الفسيخ
فارسانامش قادر ياملك حاسس انى تعبان اوى
ملكمتقلقش ياحبيبى لما تتعود عليه حتنح وبعد كده حيبقى عندك مناعه طبيعيه منه
فارسلا