العنيدة

مبسوط بيا أوى عشان فكرت في مامته .........
العنيدة قصة حقيقية بقلم سماح سماحه
تانى يوم اللى هو قبل الخطوبه بيوم صحيت بدرى وقلت أجهز نفسي من دلوقتى عشان الكل هيتجمع هنا عندنا بعد ما بابا ينزل الشغل على طول. .
وطبعا بما إن القعده كلها ستات بس ف انا هقعد من غير طرحه .
وحماتى هتبقي موجوده. .
فلازم بقي أجهز نفسي. .
اللبس والشعر وكده. .
هو أنا صحيح شعرى حلو بس قلت لازم بردوا اسشوره الانطباع الأول يدوم 
اخدت دش محترم وكلمت مروه تيجى تساعدنى فالسشوار لأن شعرى طويل شويتين تلاته وبيغلبنى وبياخد وقت. .
وفضلت أفكر هلبس ايه 
وفالاخر استقريت انى ألبس بنطلون جينز و عليه بلوفر قصير كده ومجسم حبتين. .لأن انا اصلا كان في خطه فدماغى واللبس ده هيساعد أوى ...
وخلصنا السشوار أخيرا وأنا رفعت شعرى ديل حصان طويل. .
وبدأت رحلة المعاناه مع مروه هانم. .
..
مش هقدر يا مرام خالص. ..مش هعرف انطقها اصلا

والله 
اووووف. ..زهقتينى يا شيخه. .
كل الوقت والمجهود ده عشان اقنعك إنك تقومينى ارقص! !!!
أومال لو هقولك انت اللى ترقصي هتعملى ايه ! ! ! 
وإنت مالك بتقوليها عادى كده وكأنك بتتكلمى عن ساندوتش هعزمك عليه. .
إنت بتتكلمى فى رقص وقدام الناس كمان. .
ناس ايه. .دى حماتك نفسها هتبقي موجوده اصلا. .إنت نسيتى وللا إيه ! 
لأ طبعآ مانسيتش. .
اصلآ انا عامله كل ده عشان هى هتبقي موجوده. .
يا سلااااام. ..
طيب السشوار والميكب ماشي مفهومين. .لكن ممكن أفهم بقي لازمته ايه الرقص وقلة الأدب دى. .
قلة أدب ليه إن شاء الله 
كل الموجودين ستات يعنى مفيش قلة أدب ولا حاجه. .
. .....حتى لو. ..
بس على الأقل هتنكسفى منهم. ..
وللا انا نسيت صحيح انك بجحه اصلا وماتعرفيش حاجه عن الكسوف ..
بس بردوا ماتوصلش للرقص 
مروه ماتنرفزنيش. .نفذى اللى بقولهولك وخلاص. .
كل اللى هتعمليه انك هتقومى تقوليلى ارقص بمناسبة الخطوبه وكده . وطبعا يكون صوتك عالى ومسموع للكل مش تتكلمى وكأنك بتوشوشي نفسك يعنى. .
وأنا فالأول هعترض شويه كده .بس إنت تصممى وتتحايلى عليا. واصلا انا متأكده إن وقتها الكل بردوا هيقولى أقوم ارقص بعد ما يسمعوكى بتكلمينى. .وبس ومش عايزه منك حاجه تانى. .آه استنى نسيت. .تشغلى الاغانى. انا اصلا مجهزه فولدر عليه اللى انا عاوزاه. والكمبيوتر اصلا فالصاله برا. وأنا فتحته من شويه. يعنى يادوب هتشغلى الاغانى بس. .
فهمتى وللا نقول كمان 
..............لالا لا مش هقدر انا عارفه نفسي. .طيب ما تخلى شيرين بنت خالتك هى اللى تقوم بالواجب ده 
شيرين ڤضيحه يا مروه وانت عارفه. وحتى لو ماحكتش لحد عن طلبى ده. هتفضل تستظرف كل شويه ووتضايقنى بتعليقاتها. اصلآ انا متأكده إنها هتقوم ترقص معايا وأنا مش عايزه منها اكتر من كده 
.....مرام والله انا حاسه انك انت نفسك وقت الجد هتتكسفى تقومى .
وكمان إنت لو مش مكسوفه منهم. مش مكسوفه ولا خاېفه إن طانط عبير ممكن تروح تحكى ل عمرو على رقصك! !
................
_ إنت بتعملى كده ليه. .وايه الضحكه الشريره دى !
....اوعى تقوليلى انك قاصده اصلا إن ده اللى يحصل! !
يا نهار ابيض عالبجاحه بتاعتك. .إنت عامله كل ده عشان هى تروح تحكى ل ابنها. صح 
ما شاء الله. .انا مش مصدقه نفسي والله .أخيرا شغلتى قطع الغيار المصديه اللى جوا الجمجمه دى. .
انا مش لقيالك وصف أقسم بالله. .
ايه الجبروت ده ?????
إنت يا بنتى بتجيبى الأفكار دى منين. .
واصلا انا من زمان نفسي اعرف انتى طالعه لمين كده. .ده أنا ماقابلتش ولا هقابل حد ذيك 
والله ! 
فى ذيي كتير على فكرة. .بيتنا بس هو اللى مش عايشه معانا فالدنيا ...
واصلا مش وقته الكلام ده .ويللا بقي يا رورو عشان الناس زمانهم جايين. .
.....مرام عمرو غلبان ومش قدك 
غلباااان!!!
مين ده اللى غلبان. ده إنت اللى غلبانه. .
...
....
والناس فعلا بدأت تيجى. 
وقبل ما أخرج من اوضتى عمرو اتصل. .
مالحقش يكلمنى كام كلمه على بعض لأنى كنت مستعجله وفعلا كان ورانا حاجات كتير. ..
وقبل ما يقفل فضل يوصينى إن بلاش دلع ومياصه قدام الناس. .وأنا بصراحه طمنته عالااااخر.
...
....
وكانت قعده جميله جدا جدا جدا. 
كلها ضحك وهزار 
وأنا معظم الوقت كنت قاعده جنب حماتى. .
و أخت عمرو كانت موجوده. جت مع مامتها أنا قلتلكم قبل كده إن عمرو له أخ كبير متجوز ومخلف ومسافر بقاله سنين وبينزل عالاجازات بس. ..و له اختين بنات متجوزين بردوا. .و عمرو هو آخر العنقود. ....
و مروه طلعت روحى ب النظرات اللى انا عماله ابعتهالها عشان تنفذ اللى اتفقنا عليه. 
وأخيرا قامت وقالت الكلمتين. والحمد لله إن شيرين مسكت فالكلام واستلمت هي دفة الحوار والإقناع. لأن مروه كانت مكسوفه جدا وهى بتكلمنى قدامهم. .كانت هتفضحنا اصلا. .
وبعد ما شيرين صممت انى أقوم وفضلت تتحايل عليا .والكل بدأ يعمل ذيها. .
رقصت فعلا انا وشيرين وقلبناها فرح.
وطبعا انا حسيت إن حماتى عماله تتفرج وهى مذبهله شويه ومبسوطه شويتين. ومراة عمى قاعده جنبها وعمالين يعلقوا عليا وعاللى بيحصل. .
...
.....
وللأسف خلصت القعده التاريخيه دى 
وقمت انا ومروه و أريج نظبط فستانى. .انا اصلا اشتريت فستان بسيط جداااا عشان يادوب هى قعده عائلية. .
وبين وقت والتانى كان عمرو بيبعتلى رساله. كان بيبقي عايز يكلمنى فكان بيشوف إن كنت فاضيه وللا لأ ..
وأنا كل مره ابعتله رساله انى لسه مش فاضيه
وعالمغرب كده لقيته بيتصل 
وبرغم جرءتى المعروفه. .بس كنت مكسوفه وأنا ماسكه الموبايل عشان أرد عليه. لأنه طبعا اكيد زمانه عرف موضوع الرقص وأكيد هيكلمنى عنه. ...
وفجأه قررت انى مش هرد عليه. .
أولا بجد كنت مكسوفه شويه 
ثانيا بقي قلت اسيبه كده على ناره لحد بكره.
واتصل كذا مره. 
وأنا بعتله رساله 
بابا قاعد معانا وإحنا مشغولين أوى 
ماتستهبليش يا مرام و ردى 
بقولك بابا جنبى ومش هعرف أرد 
ماشي يا مرام هحاول أصدق 
بس اصبرى عليا لما

اشوفك 
ليه كل ده طيب 
مش عارفه ليه 
لأ مش عارفه 
هقولك لما تردى عليا أو احسن هستنى لما اشوفك 
.....هههههههههههههه شكله اتهبل يا عينى
........
تانى يوم الصبح بدرى صحانى من النوم على اتصاله. 
وطبعا خرجت اتسحب أشوف بابا نزل وللا لأ 
ورجعت رديت عليه
ألو 
أهلا أهلا 
ههههههههههههههههههه. ..هو ماله متأثر أوى كده ليه ...ممممممممممم...خير ربنا يستر 
.........إنت عارفه انى تقريبا مانمتش طول الليل 
.......طيب ليه 
تعبان 
_. .....آه تعبان جداااا 
ألف سلامه. .مالك 
.............ولا حاجه .شوية صداع
ههههههههههههههههههه. لأ الف سلامه. .
...للدرجادى كنت مشغوله يا مرام! !
هونت عليكى ماترديش عليا كل ده! !!
هو فين اللى كل ده 
إحنا كنا عالتليفون امبارح الصبح. وكل شويه رساله 
.......عايز اشوفك 
انا مش أد السهوكه دى والله .........ما انت هتشوفنى انهارده بالليل بإذن الله 
يا مرام عايز اشوفك واقعد معاكى واكلمك براحتى. ........
أنا قعدت معاكى مرتين. واحده منهم كانت خڼاقه تقريبا وانت كنت مقموصه و رخمه 
ههههههههههههههههههه. ..ربنا يسامحك بدلع طبعا 
ممممممممممم. .بمناسبة الدلع بقي .....اللمه امبارح كانت حلوه 
....اه كانت جميله أوى. .
كلنا اتبسطنا سوا ...والحاجات اللى عملناها طالعه حلوه جدا 
آه عرفت. ..أصل علياء أختى حبيبتى حكتلى كل حاجة بالتفاصيل كمان.
يا ماما. ..وأنا اعمل ايه دلوقتى بقى. ...أنا اللى جبته لنفسي ياربى. ..بس ماكنتش متخيله