الذئب
ابويا الحاج عبد الحميد يولع فيك انت حر حاكم هو مستحلف لك علشان غبتك دي
فارس لا كله الا ابويا الحاج هو احنا مش ح نروح نشوفهم وحشوني قوي هو و طنط رباب
لمياء ماما عمله لك شئ وشويات النهاردة
جاسر طيب يالا بينا روح يا أحمد انت ولمياء هاتوا حاجاتكم وانتي ياجميلة حضري حاجتك يالا علشان نتحرك
أحمد اوك خمسه وراجعين يالا يالولو وخرجوا سويا وذهبت جميلة لتحضير حاجتها فراءها جاسر تاخد بعض اوراق العمل
جميله النهاردة مش ح ننزل بعد الضهر وح يبقي عندي وقت فراغ كتير ح اقعد اشتغل في البيت علي رواقه
جاسر لا خليه النهاردة علشان تروحي ترتاحي بقي لك كام يوم مضغوطة مابين الشغل ومشتريات لمياء
جميلة لا ياجاسر انا مش تعبانة صدقني وبعدين لو تعبانة مش ح اشتغل
________________________________________
ونطلع علي طول
وخرجوا جميعا وذهبوا للمنزل واستقبل عبدالحميد ورباب فارس بحب وجلسوا جميعا يضحكون ويسمعون حكاوي فارس في الغربه وحكاويه عندما وصل وعمايل امه معه وكانت رباب تضحك علي كلامه
فارس خابر يا امي بس لسه مالجتش اللي ټخطف جلبي
عبدالحميد ربنا يسعدك ياولدي يالا كفاية عليكم اكده جوموا ناموا يالا علشان نلحجوا نصلوا الفجر في المسجد
أحمد يالا بينا يا فارس تصبحوا علي خير نتجابلوا في المسجد
عبدالحميد انت رايح فين ياحزين منك له
عبد الحميد عنديك فين چنيت انت اياك جوموا ناموا مع جاسر كيف ماكنتم بتعملوا زمان ولا ناسيتم حالكم
أحمد يا ابويا
عبدالحميد ولا كلمه عاد چوموا فزوا يالا
جاسر يالا يازفت منك له چبل الحاچ مايضروبنا فوقف فارس وأحمد وجري فارس للاعلي
فارس وعلي ايه الطيب احسن اني اصلا نمت خلاص خخخخ
البارت الخامس
مضت الايام وكانت جميلة ولمياء يعملون باجتهاد مع جاسر وأحمد وفي نفس الوقت يقومون بتجهيز الباقي من جهاز لمياء وقامت جميلة ولمياء ومعهم رباب وجاسر بالذهاب وشراء فستان الزفاف للمياء وبعد ان انتهوا من شراء فستان غاية في الروعة جاءوا ليختاروا الفستان الذي سترتديه جميلة فاقترب جاسر منها ومال علي اذنها هامسا
جميلة ليه ياجاسر فابتسم لها
جاسر معلش اسمعي كلامي لو سمحتي فوضعت وجهها ارضا ثم ذهبت الي رباب
جميلة امي كفايه اكده اني تعبت فنظرت لها رباب باستغراب
رباب ليه يابتي ما الحاجات ادامنا شكلها يطير العجل
جميلة معلش يا امي نبجوا ناجي مرة تانية فهزت رباب رأسها بقلة حيلة
رباب ماشي يابتي زي ماتريدي هموا بينا ياولاد يالا وذهبوا للسيارة وتحرك بها جاسر وكانت تجلس بجواره رباب و في الخلف لمياء وجميلة وكان ينظر لجميلة ويشعر انها حزينة لانها لم تشتري فستان لزفاف اخته ولكنه كان يريد ان يفاجئها فشجع نفسه ان يتحمل حزنها هذا قليلا وتكلمت رباب خلاص كده يابنات في حاچة ناجصة
لمياء لاه خلاص يا امي كل حاچة خلصت خلاص مش فاضل غير اني اودي هدومي وارصها وبس
رباب علي خيرة الله يابتي ربنا يسعدك ياجلب امك عجبالك ياجميلة يابتي فاحمرت جميلة خجلا
جميلة ربنا مايحرمني منكم يا امي
رباب ربنا يسعدكم ياولادي ويفرحكم جادر ياكريم
جاسر ربنا مايحرمنا منكم يا امي ويديمكم علي راسنا
رباب عجبالك أنت كمان ياولدي لما نفرحوا بيك وغمزت له فنظر جاسر لجميلة
جاسر جريب يا أمي جريب إن شاء الله
كانت زينة تجلس مع امها في النادي ورأت كاميليا ووجدت ابنتها تقول لها انها والدة فارس فنادت عليها حسناء فهي كانت تعرفها جيدا
حسناء كاميليا كاميليا فنظرت كاميليا لمن ينادي عليها فوجدتها حسناء فابتسمت لها وذهبت في اتجاهها
كاميليااهلا حسناءازيك عاش من شافك بقلنا زمن ماتقبلناش
حسناء اه من سنين يا كاميليا تعالي اقعدي معانا حبييتي اعرفك زينة بنوتي فنظرت كاميليا لها فعرفتها فورا فقد تذكرت أن فارس قد تكلم عنها بالسوء
كاميليا اهلا زينة ازيك حبيبتي
زينة اهلا انطي ازي حضرتك وعمو وازاي فارس اخباره ايه
كاميليا الحمدلله والله كلنا تمام الحمدلله
حسناء انتي جاية تقابلي حد ياكاميليا فارتبكت كاميليا قليلا
كاميليااه فعلا بس شكلهم مش جايين ح اسيبكم واقوم أنا بقي
زينة الله ده فارس هناك اهو يا انطي شكله بيدور عليكي ح اندهه فارس فارس فنظر لها فارس وشاهد أمه معهم فنظر لها بغيظ ثم استغفر في سره ورفع هاتفه طلب ابوه طالبا منه الانتظار في السيارة واقترب منهم
فارس سلام عليكم
زينة هاي فارس ازيك
كاميليا وعليكم السلام ورحمة الله وبركاته اهلا ياحبيبي أنا قلت انكم مش جايين وكنت لسه ح أمشي
فارس فعلا يا أمي انا كنت جي أخدك علشان بابا مستنينا في الشركة دلوقتي
حسناء ازيك يافارس حمدلله علي السلامة أنا ماما زينة فنظر لها فارس ببرود
فارس اهلا ياطنط الله يسلم حضرتك عن اذنكم يالا يا أمي
كاميليا يالا حبيبي عن اذنكم
حسناء طيب خليكم نتغدي سوا الأول ووضعت زينة يده علي يد فارس وهي تبتسم
زينة اه يافارس خليك نتغدي سوا فنظر لها فارس پغضب ولم يتحمل اسلوبها ودفع يدها عن يده پعنف
فارس من فضلك يا انسة اول واخر مرة ح اقولك ايدك ماتلمسنيش مانتيش تحلي لي علشان تمسكي ايدي بالشكل ده فصعقټ زينة وحاولت حسناء ان تحسن الموقف من وجهتها
حسناء ايه يافارس ياحبيبي ده حتي انت كنت قاعد برة خمس سنين يعني عادي المفروض انك متفتح مش مقفل كده فنظر لها فارس وهو يهز رأسه
فارس بجد والله ده رد حضرتك عموما أنا فعلا كنت مسافر برة وعايش في بلد فيها كل موبقات العالم لكن أنا عارف ديني كويس وتربيتي وأخلاقي
________________________________________
تمنعني إني اتجاوز عن حدود ربنا عن اذنكم يالا يا أمي أنا ورايا شغل
كاميليا حاضر ياحبيبي يالا عن اذنك ياحسناء سلام يازينة وتركوهم وانصرفوا وهم في حالة من الوجوم من رد فارس علي حسناء وزينة
حسناء ده بني آدم سفيه وقليل الادب وماشفش تربية حيوان فعلا بلا قرف
زينة شفتي يامامي اهو سخيف كده بس علي مين أنا وراءه لما اوقعه فيا ويكون خاتم في صباعي
حسناء تفتكري وريني شطارتك
كانت جميلة تقف امام دولاب لمياء في منزلها وتقوم برص ملابسها
جميلة ياختاااااااااااي انا تعبت يامرارك يامهجة
لمياء بتعددي علي ايه ياجوجو
جميلة تعبت وسطي اتقطم وربنا ده حرام جاسر وأحمد واخدنا فحت وردم الصبح وانتي بالليل أنا ح اموت منكم كده فاقتربت لمياء منها وقبلتهاوهي تقوم بدغدغتها وهم يضحكون
لمياء عقبال ما اعملك ده انتي وجاسر يارب ياخبر ابيض ده أنا ساعتها ح اعمل عمايل
