الذئب

للحديقة يجلسون سويا ويتفقون أيضا على فرح جاسر وجميلة
وبدء العد التنازلي لفرح جاسر وجميلة وكان العمل على قدم وساق في البيت فقد تم نقل كل شئ في جناح جاسر لجناح لمياء ليتم العمل في جناح جاسر وتوضيبه من الاول وكان جاسر وجميله يشرفون على كل شئ فيه ويتابعون العمل في الشركة ايضا ثم تنزل جميلة مع فريدة وقمر لشراء الباقي من لوازمها الشخصيه وكان فارس يأتي في الغالب اخر الاسبوع ليقضي معهم اجازة نهاية الاسبوع وكان كارم يأتي معه وفكر كارم ان يجعل فرح معتز وقمر مع جاسر وجميلة وابلغ معتز
كارمها رايكم ايه ياولاد
معتز لا يابابا بعد اذنك يوم ماقمر تبقى في بيتي لازم اكون وقفت على رجلي بنفسي لازم تكون رضيت عني واعملها فرح تتحاكي بيه وقبل كل ده تكون سامحتني من قلبها
كارم اللي تشوفه ياولدي
عبدالحميد عين العجل ياولدي المهم جولي بجي ح تنزل الشغل من مېتي
معتز ان شاء الله ح انزل مع أحمد بعد فرح جاسر وجميلة اساعده لغاية ما جاسر يرجع وأول مايرجع جاسر ح نسافر انا واحمد الساحل علشان نبدء نتابع الشغل هناك
عبدالحميد ربنا معاكم ياولدي ويوفجكم يارب
معتز يارب ياعمي
قمر معتز ممكن اطلب منك طلب
معتز طبعا ياقمر اؤمري
قمر عايزة اكمل السنة اللي فاضلة وكمان عايزة انزل شغل بعد اذنك ممكن
معتز تكملي ده اكيد ح يحصل بابا فعلا قدم لك اعتذار في الجامعة عن السنة اللي ضاعت منك لكن الشغل ليه ياقمر فوضعت وجهها ارضا
قمر معتز انت عارف انا اللي بصرف على عيلتي فابتسم لها ووضع يده على يدها
معتز حبيبتي بابا راح لعمي وطلب منه ينزل معاه الشغل في الشركه وفعلا عمي نزل مع بابا وكان مبسوط قوي لانه كان نفسه ينزل يشتغل وطلب من بابا يبلغك تاخدي بالك من نفسك ودائما تطمنيهم علينا فابتسمت قمر بقوة وضغطت بيدها على يد معتز وكأنها تشكره
كانت جميلة مع جاسر في المكتب وكان المتبقي على فرحهم أسبوعين فقط ووجدها في مكان آخر لا تسمع كلمة مما قاله فاقترب منها ووضع يده عليها فانتفضت
جاسر مالك ياحبيبتي سرحانة في ايه ياقلبي
جميلة ابدا يا جاسر مافيش حاجة
جاسر حبيبتي عيب عليكي قولي مالك بلاش تشغليني عليكي
جميلة حبيبي مافيش بس لمياء عماله تكلمني تقولي المفروض انزل اجيب فستان الفرح وانت مش عايزني انزل فابتسم جاسر لها واقترب منها مقبلا رأسها ثم رفع وجهها له ونظر في عيناها
جاسر بتثقي في ذوقي
جميلة أكيد طبعا ياجاسر ليه بتسأل
جاسر يبقى خلاص انسى تنزلي تجيبي الفستان وسيبي ده عليا أنا ايه رأيك موافقة فابتسمت
جميلة اكيد حبيبي موافقة
جاسر جميلة في كلام كتير قوي عايز اقوله لك لكن مستني بس لما نكون في جناحنا مقفول علينا 
جميلة جاسر احنا في الشغل
جاسر يامهون يارب يعدي الأسبوعين دول بقي
جميلة ان شاء الله يعدوا بسرعة حبيبي
جاسر طيب يالا بينا ياقلبي خلينا نروح
ومر الوقت وجاء موعد الحنة وكانت جميلة تجلس مع فريدة وقمر وهم يضحكون ومعهم رباب وسعاد وكاميليا التي أتت مع زوجها في نفس اليوم اما فارس فقد سبقهم بيومين حتى يكون بجوار صديقه وكان الحريم كلهم يجلسون بداخل الدار اما الرجال فكانوا يجلسون بالخارج وفجاءه شاهد معتز امه واخته يدخلون من الباب فنظر لأبيه وعاد بالنظر لهم ووقف واتجه لهم
معتز خير ياهوانم شرفتونا ليه
حسناء ايه يامعتز مافيش حتى وحشتوني
معتز أنا سألت حضرتك خير جاين ليه
زينة جاين نحضر فرح ابن خالتي يامعتز عندك اعتراض وبعدين انت بتكلم بصفتك ايه هو كان بيتك وقبل ان يجيب معتز وجد جاسر يضع يده على كتفه ويبتسم
جاسر طبعا بيته وبيت مراته يا زينة هانم عموما يامعتز اللي يجي بيتك لازم تستقبله حتى لو غير مرغوب في وجوده دخلهم يامعتز لحد الباب ونادي على أم السعد تدخلهم للحريم جوه وكلمة بقولها لك يا خالتي انتي وبنتك لو حد فيكم نطق كلمة جوه ټجرح اي حد من الموجودين سامعين اي حد من الموجودين محدش ح يحوشني عنكم ياريت يكون كلامي وصل عن اذنكم بقى عريس عقبالك يا...... بنت خالتي وتركهم جاسر وهو يتوعد لهم ان فعلوا شيئا ورفع هاتفه وطلب رقم وابلغ من رد ان يضعهم تحت عينه ويبلغه بكل حرف
البارت الحادي عشر
كانت جميلة تجلس مع كل البنات والسيدات الاتي اتوا للمباركة لها وكانت تجاورها لمياء

________________________________________
وفريدة وقمر التي ما أن رأت حسناء وزينة ارتعش جسدها فمالت عليها لمياء
لمياء بجولك ايه عاد ولا يهمك منيهم وراكي رجالة تاكل الزلط وضحكت فضحكوا الاربعة وهمست لها جميلة
جميلة بت ياقمراية انتي ولا يهمك من حد فيهم وكانت حسناء وزينة اقتربوا فقامت لهم رباب
رباب حمدلله على السلامة يا حسناء نورتي يازينة يابتي عجبالك يازينة
زينة ميرسي ياطنط
رباب اجعدوا اجعدوا يالا يابنات هيصوا ساكتوا ليه عاد فقام الفتيات بالغناء ومنهم من قامت لترقص ومضى الوقت وانصرف جميع الضيوف وتبقى الأهل فقط وكان كل واحد يجلس بجوار زوجته عدى كارم الذي كان يجلس بجوار سعاد وفريدة فقد اخذ عليهم وتقرب منهم كثيرا في الفترة السابقة وكانت حسناء تجلس كما هي بجوار زينة وكانوا ينظرون لكل الموجودين پحقد وغل وفجاءه تحدثت لمياء وهي تنظر لجاسر الذي يجلس بجوار جميلة ويمسك يدها بين يديه ويتحدث معها بخفوت 
لمياء جاسر ياخوي ممكن اطلب منك طلب اصغير بس بالله عليك ماتجول لاه فنظر لها جاسر بتوجس
جاسر جولي يا آخرة صبري ربنا يستر من طلباتك
لمياء خلي جميلة تغني لنا اغنية بصوتها فنظر لها جاسر پغضب
جاسر انتي بتجولي ايه عاد يالمياء كيف يعني
لمياء بالله عليك ماترفض مافيش حد غريب جاعد ياجاسر
جميلة لاه يالمياء اتكسف
لمياء تكسفي ايه بس هو جاسر يوافج الأول
جاسر ماشي يالمياء ونظر لجميلة هي اغنية واحدة
جميلة طيب بس خليك ماسك ايدي فنظر لها بحب مقبلا يدها
جاسر لآخر العمر ياحبيبي فابتسمت له جميلة وبدأت تدندن بصوتها ثم اغمضت عيونها وضغطت على يد جاسر وبدأت غناء أغنيه حبه جنة لشيرين
حبه جنة انا عشت فيها قربه فرحة حلمت بيها
ده اللي بيه احلو عمري ده اللي أنا هديله عمري
ياما ليالي بستنى لقاه
مهما قولت له واتحكاله مستحيل اوصف جماله 
رقة الدنيا في عيونه قلبي كان الله في عونه
من اللي أنا حسيته معاه
كل يوم القى روحي بتنده ليه
علي العموم مش هخبي وأداري عليه
انه غيرني وسرقني وإن أنا اتعلقت بيه
اللي فات من حياتي ضايع قبليه
فيه حاجات حلوة حصلتلي على ايديه
كل لحظه تزيد غلاوته وناوي يعمل تاني ايه
صوته أجمل صوت نداني ابتسامته مطمناني
يومياتي بالي عليه مشغول بالأمانة وبصراحة 
كنت عمري ماهلقي راحه لولا بالصدفة لاقيته
اللي بالغالي اشتريته منايا اعيش وياه على طول
كل يوم القى روحي بتنده ليه
علي العموم مش هخبي وإداري عليه
انه غيرني وسرقني وان انا اتعلقت بيه
اللي فات من حياتي ضايع قبليه
فيه حاجات حلوة حصلتلي على ايديه
كل لحظه تزيد غلاوته وناوي يعمل تاني ايه
وبعد أن انتهت جميلة من الغناء فتحت عيونها وفجاءه ضمھا جاسر بقوة لصدره وفجاءه استمعوا لصافرات