خادمة الصقر
بشرط يكون فعلا اخر الاسبوع الجاي من غير تاخير لان على اخر الشهر ده انا هتجوز وطبعا انتم كلكم معزومين
صقر بضحك طبعا والف مبروك يا جو.. خلاص يبقي نتقابل اخر الاسبوع.. و جاسر هياكد عليك اليوم بالميعاد بالضبط.. ومبروك كمان مرة ليك انت ونور
يوسف الله يبارك فيكم صحيح ابقي سلملي عساف وقوله اني زعلان منه اوي علشان مش بيسال وابقي اديله الدعوة كمان ..
جاسر بغيظ يا اخي اتفووو عليه بني ادم مستفز
هو فيه كدة بقولك ايه عساف اصلا مش هيرضي انه يشتغل معاه ده واطي
صقر پحده. باقولك ايه يا جاسر انا حقيقي مش طايق يوسف ولا عساف والله انت شخصيا سيبني في حالي وما اشوف ست نانسي دي كمان عايزاني في ايه
ومشي صقر من المكتب وجاسر بدا يكلم نفسه بحيره ايه العيال دي انتم حقيقي شله فقر كل واحد فيهم عنده مصايبه وحبيبته وانا هافضل كده سنجل. افف بجد
في مطعم شيك جدا علي النيل..
صقر اديني وافقت اجي عشان بس علشان ارضيكي برغم اللي انت عملتيه معايا كان المستحيل يعدي بالساهل
نانسي الله يا صقر يعني كان سهل عليا اعرف ان انت طول الفتره دي في الصعيد ومش بتكلمني ومعاك اللي اسمها نغم البيئه ديت وعايزني ابقى هادية.. وبعدين بصراحه كده ماما مش موافقه ان احنا نطول فتره الخطوبه وعايزانا نكتب الكتاب في اسرع وقت
نانسي بقولك ايه انا كنت متعصبة اوي من وجود البنت البيئة اللي اسمها نغم دي.. بس هي خلاص سابت الشغل ومشيت يعني مابقاش في اي حاجة تزعلني منك او تخلينا نسيب بعض
. ها يا صقر قولت ايه
صقر والله انا شايف ان انت معك حق انا وانت ننفع لبعض جدا يا نانسي حتى لو في بيننا اختلافات مع الوقت هتتظبط عشان كده انا قررت ان فرحنا هيبقى الشهر الجاي باذن الله
و فعلا صقر ونانسي بداوا يرقصوا مع بعض وكانت نانسي فرحانه جدا لانها شايفه ان خطتها كلها بتتحقق وبدات تحط رجليها على اول سلمة في ثروه صقر الحديدي
اما صقر في عالم تاني خالص..
في الجنينة
صقر جدتي..حضرتك لسه صاحية ليه لحد دلوقتي..ده الوقت اتاخر اوي هو معاذ نام
سماح اه طبعا مش لازم اطمن عليك
صقر بضحك فيكي الخير يا حبيبتي. صحيح انا خلاص قررت اني استقر بقي.. وجيت ابلغك ان فرحي هيبقي بعد شهر..انا ونانسي
سماح اټصدمت انت بتقول ايه.. انت ونانسي
صقر جدتي.. وانا خلاص قررت ومن بكرة الناس كلها هتعرف وهعمل اكبر فرح في مصر كلها
سماح دايما كنت بشوفك شبه ابوك في كل حاجة حتي قساوة قلبه..بس الله يرحمه عمره ما كان غبي شبهك كدة يا صقر.. لان عمره ما باع اللي يسوي علشان اللي مايسواش
ربنا يهديك يا ابني ويرجعلك عقلك بجد
تصبح علي خير
و فعلا خرجت سماح وسابت صقر واقف حزين ومشتت..
دخلت سماح اوضتها وهي مضايقة اوي
سماح لا يا سماح..انتي اكيد مش هتقعدي تتفرجي وكل خطكك بتبوووظ..انا لازم اتصرف في اسرع وقت
في التليفون.
خالد طب ما انا جعان اوي يا نغم وللاسف مش معايا حد ياكلني خالص
نغم بضحك والله تصدق صعبت عليا اوي
بقولك ايه بلاش دلع اقفل التليفون ونام خفيف احسن
خالد بضحك طيب انا هقفل معاكي واقول لاي واحدة من الممرضات اني جعان ومش هعرف اكل بسبب ايدي
و اخليها تاكلني هي
نغم ورحمة ابويا يا خالد لو عملت كدة ليكون يومك اسود حرفيا وايه رايك بقي اني هبلغ عنك
انت وهي اداب
خالد ضحك بعلو صوته طب ما انتي اللي رمياني يا بنت الناس هااا هتيجي.
نغم والله نفسي بس الوقت اتاخر اوي ممكن تفضل جعان لحد بكره الصبح بس وحياتي
خالد ببتسامة اه ينفع بس متتاخريش تصبحي على خير يا.. يا نغم
و ابتسم ونام
_____________________________________
عساف في اوضته وهو ماسك اللابتوب بتاعة بيتفرج علي دعوة فرح نور ويوسف وصورهم مع بعض
عساف بغيظ رمي كل حاجة قدامه واطي يا يوسف
طول عمرك واطي.. اشبعوا بعض انتوا اصلا تستاهلوا بعض
و بدا عساف يعيط جامد انا اللي مستهلش ولا واحد فيكوا.. عملت ايه علشان اتبهدل كدة
و فاجاه اتكلم عساف بصړيخ عملت ايه
دخل والدة پخوف ولقه كل حاجة متكسره علي الارض جري علي عساف پخوف مالك يا ابني أيه بس اللي حصلك رد عليا يا عساف
عساف ضحك بتريقة قصدك ايه اللي محصليش
كل حاجة حصلت في حياتي كانت وحشة
حبيت واحدة بقالي خمس سنين بنفذ كل اللي هي عيزاه زي العيل الصغير واديتها كل حاجة.. والله العظيم اخدت كل حاجة لدرجة ان مابقاش عندي حاجة ليا انا.............و سابتني يا بابا
في الاخر باعتني...
و اتجوزت صاحبي اتجوزت يوسف اللي قعدت جنبه في المستشفي شهر بحاله كنت بسنده علشان يدخل الحمام..
و جاي دلوقتي تسالني اي حصلي
والده بحزن استهدي بالله يا ابني لا يوسف ولا نور يستهلوا اللي انت عامله في نفسك ده انت انسان ناجح وكل الناس بتحبك
قعدت عساف علي ركبته في الارض يعيط جامد
والده مسك دراعه پحده لا عساف انا مربتكش
علي الضعف ده اوعي تسمح لحد انه يعمل فيك كده.. قوم اقف... واسند طولك
و افرد ضهرك ما عاش ولا كان ان يكسرك يا ابني
عساف حضڼ ابوه وهو بيعيط تعبان اوي يا بابا تعبان وکرهت كل حياتي
والده سنده ونيمه علي السرير وفضل جمبه لحد ما تاكد انه نام....
_____________________________________
تاني يوم الصبح..
في اوضة عساف..
عساف كان بيتقلب وبيبص حواليه اټصدم لقه جاسر نايم عكسه في السرير ورجله في وش عساف وكريم نايم الناحية التانية منه وحاطط ايده عليه.
عساف پصدمة ايه العبط ده.. هو احنا في اتوبيس يا جدعان ولسه هيزقهم اتفاجاه بالباب بيتفتح ومعاذ بيجري عليه.
معاذ نط علي السرير عسااف وحشتني اوي انا كنت مستنيك مجتش ليه
جاسر حاسب رجلك يا معاذ مش عارف انام بقي
عساف پحده وحياه امك قوم يلا انت وهو
قوم يا كريم بدل ما ازقك
كريم وجاسر قاموا من علي السرير وهما بيضحكوا جامد.
عساف انا عايز اعرف ايه جابكم هنا حالا
و انت يا عم كريم مش كنت عاملي فيها حزين
يلا اطلعوا برا انا عايز اقعد لوحدي
كريم ضربه علي راسه هو ايه ده اللي تقعد لوحدك
انت صدقت نفسك ولا ايه ما تظبط كدة متخليش الواحد يقلب عليك
