خادمة الصقر

كريم حتى لو ده قرارك من زمان انك ما تعشيش مع ابوكي ومراته..انا مش هبقي مطمن عليكي وانتي هنا .. تعالي معايا يا ياسمين 
وفعلا كريم خرج لجاسر علشان يختاروا مكان عشان ياسمين تقعد فيه يبقى امان لها بعيد عن ابوها 
في البيت عند نغمدخلته الاوضة ونيمته علي السرير بتاعها وكانت خاېفة اوي عليه....
امها ينفع اللي انتي عملتيه ده انا مش فاهمة دماغك دي فيها ايه واحد تعبان وعنده چروح في كتفه وايده تقومي تهربيه من المستشفي 
نغم بكسوف كنت لازم اعمل كدة ولا استني لما حد تاني يجي ېقتله بجد وبعدين هو هنا هيبقي في امان اكتر  لانه رافض يرجع لجدته برغم انها كلمته كتير ومعاذ كمان 

امها والناس تقول علينا ايه انتي ازاي معندكيش مخ كدة.. نغم انا تعبت منك واتفضلي شوفيله اي حاجة تنزل الحرارة ليه
نغم بحزن انا هعمله كمدات يا ماما.. بس وحياتي اعمليله ياكل اي حاجة احسن انا هبوظ الاكل 
و جهزت نغم الكمدات ودخلت اوضة خالد وقعدت جمبه وحطت ايديها علي وشه وبدات تتكلم بصوت واطي بخاف اوي عليك برغم انك اكبر مني بحبة حلوين الا اني بحسك ابني المشاغب 
شكلك حلو اوي بجد امتي بقي تفوق وترجع اقوي من الاول وتحقق كل اللي بتحلم بيه.. يارب ساعدني اقف جمبه لحد ما يفوق من حزنه ده 
و بدات الحرارة تزل وخالد كان راح في النوم ونغم سابته وخرجت تقعد مع مامتها وعزة اللي وصلت علشان تتفرج علي خالد..
____________________________________
قدام اوضة خالد..
نغم ماسكة عزة علشان متدخلش الاوضة يا عزة بس بقي هو نايم وتعبان ابعدي عن الاوضة بقي 
عزة يا نغم نفسي اشوفه مره واحدة اشوف شكله بس..بلاس بواخة بقي
نغم والله بعينيك..اطلعي برا الشقة كلها... يا ماما قوليلها تبعد عن الاوضة ده انتي رخمة اوي 
عزة افففف هو انا هاكله..انا عايزة اشوفه شبه صقر ولا لاء.. مش اكتر والله 
ام نغم اطمني يا اختي ده نسخة من صقر الحديدي 
و بعدين ما تخليها تدخل تشوفه يا ست نغم..هو انتي فاكره انه هيبصلك بالترنج ده ولا الشبشب ده
عزة فضلت تضحك جامد طب وربنا أمك عندها حق ايه الشبشب ده فعلا.
نغم اففف قاعدة مع ناس متنمرة فعللاا.  
و فجاه وهما بيتكلموا باب الشقة خبط.. وقامت عزة تفتح الباب 
عزة پصدمة ايه ده.. 
و فجاه وهما بيتكلموا باب الشقة خبط.. وقامت عزة تفتح الباب ولقت قدامها كريم وعساف..
عزة ايه ده.. انتوا عايزين ايه هو انتوا افتكرتوا ان البيت ده بتاعكوا ولا حاجة وهي تكية مثلا منغير بواب 
و بصت لجاسر پحده وانت ايه اللي جابك هنا..هو انا مش قولتلك اني لو شوفتك في حتة هضايقك اوي 
جاسر يلا يا بت امشي من وشي..وروحي نادي صاحبة البيت..اول مرة اشوف ضيفة زيها زي بتتكلم يلا يا بنت انتي لسه هتنحي كدة كتير
عزة انت قليل الذوق بجد..انت ازاي بتتكلم كدة. اقولكوا اطلعوا برا بقي البيت 
كريم جاسر اخرس بقي شوية وانتي يا عزة ارجوكي انا جاي وقاصدكوا في موضوع مهم جدا.. نادي نغم يمكن تقدر تساعدني..
عزة حاضر يا كريم..هناديلك نغم علشان انت بس واحد محترم وابن اصول بس بعدها هدخل البلكونة..لاني مش طايقة اشوف الكائن ده 
و فعلا راحت قالت لنغم ونغم استقبلتهم في الصاله وعزة دخلت بعدها البلكونة وجاسر حب يرخم عليها ودخل وراها
_______________________________________________
في الصالة في بيت نغم..
كريم بس يا نغم.. دي كل الحكايه وياسمين رافضه ترجع لابوها فبصراحه ملقيتش غيرك ممكن تيجي تقعد عنده يومين بس بالعدد لحد ما اعرف اتصرف 
والده نغم طبعا يا ابني انت بتقول ايه ده انتوا وقفتوا معاننا وانتوا متعرفوناش حتي ده احنا هنشيلها في عينينا  
نغم ايوة طبعا يا كيمو..دي الحب بتاعك يا عم عموما متخفيش عليها والله..بس طبعا مش محتاجة اقولك انك تسيب فلوس اكلها وشربها والحاجات دي طبعا 
كريم فضل يضحك جامد وام نغم برقتلها في حد بيقول كدة برضو اعذرني يا ابني.. الدكتور اصله شدها من لسانها بعد ما اتولدت..
...و فأجاه وهما قاعدين سمعوا صوت حد پيصرخ في البلكونة..
كريم قام وقف بسرعه ايه ده هو صوت اللي سمعتوا ده تقريبا من البلكونه صح
نغم خبطت علي راسها يا خبر ابيض..ده جاسر وعزه اللي في البلكونه مع بعض ولوحدهم واكيد حد فيهم اكل التاني..
...نغم قامت وكريم راح معها عشان يخش البلكونه لكنهم يتفاجئوا بجاسر خارج من البلكونة بيجري من عزه ووقف ورا الكرسي
جاسر وربنا لو جيتي جنبي لارش عليكي مبيد حشري انت سامعه ولا مش سامعه انا عارف الحشرات اللي زيك دي بټموت من المبيدات  
عزة بعصبية وبتحاول تجري وراه بقي انا برضو اللي حشرة. طب تعالي يا جاسر وانا هوريك نفسك يا جبان 
اخرج من عندك لو مش خاېف 
جاسر. لا مش خاېف يا عزة ومش هقرب منك عارفة ليه علشان انا ماخدتش التطعيم ضد القرود 
كريم طيب بس كفاية خناق.. عساف انزل نادي ياسمين وخليك انت تحت..علشان مش عايزين مشاكل ولا عايزين الجيران يسمعوا صوتنا برضوو 
عزة. نعععم يا سي كريم..والله ما هينزل غير لما اعضه الاول علي الكلام اللي قاله ده..و ابقي انزل اشتكيني لسهيلة يا حبيب سهيلة.. صحيح اللي تامن للرجال 
جاسر طقي كدة منها.. وانتي لسه ما شوفتيهاش..اومال لما تشوفيها كريم تعالي اقف قدامها علشان اعرف اعدي من قدام البت دي منغير ما تضربني 
و كريم وقف قدام عزة ونغم راحت مسكتها وجاسر جري وعزة بغيظ ماشي يا جاسر لحقوك مني المرة دي لكن المره الجاية والله ما هسيبكو الست سلعوة بتاعتك 
في الشارع..
جاسر كان نازل بينهج بتعب..
سهيلة ايه ده مالك بتنهج ليه كدة يا ابني.. هو في حد كان بيجري وراك ولا ايه 
جاسر انتي بتتريقي دي حقيقة فعلا في بت مفترية كانت عايزة تعضني بس انا نفدت منها باعجوبة..المهم اطلعي يا ياسمين كريم مستنيكي فوق 
ياسمين لا يا جاسر انا اتكسف اطلع لوحدي بيت حد غريب وبعدين انا معرفش نغم دي يمكن كريم يعرفها وواخد عليها انما انا لاااء
سهيلة خلاص ولا تزعلي نفسك انا اطلع معاكي انا وجاسر وبالمرة اشوف العيلة دي اللي كانت بتلعب مع جاسر 
جاسر عيلة اه.. اطلعي بقي اسئلي عليها هتحبيها اوي دي ډمها شرباات وهتحبك من اول نظره بس المهم انك تقوليلها اسمك 
و فعلا طلعت سهيلة هي وياسمين البيت عند نغم..
_____________________________________________
صقر روح هو قمر ودخل اوضته علشان ينام لكن لقه 
نانسي بتكلمه وعمالة ترغي 
صقر بخنقة انا مش فاهم مش انتي كلمتي مهندس الديكور والمصمم بتاع الفستان وضبطتي كل حاجه بخصوص الفيلا والجنينه. صح 
نانسي ايوة يا بيبي.. انا ظبط كل حاجة 
صقر اومال بقالك ساعتين يا نانسي بتتكلمي في اي حاجة ايه هو استهلاك طاقة وخلاص 
نانسي اخس عليك يا صقري كدة برضو..طب ده انا من اسعد لحظات حياتي لما اكون بتكلم