القهوة ياانسة

لسه مكلماها و قالتلي
سيف بفرحة فشل انه يداريها انتي متأكدة
بتبتسم زهرة بۏجع روحلها يا سيف يلا مستني ايه
سيف بتوتر زهرة انتي بتقولي ايه
زهرة بنفس الإبتسامة هي كمان بتحبك انا سمعتها وهي بتقول لدلال.... و حسبتها مع نفسي امبارح و جمعت كل تصرفاتك و عرفت انك بتحبها و دلوقتي اتأكد لما شوفت فرحتك لما عرفت انها فركشت.... كان باين في عيونك امبارح اصلا خۏفك و لهفتك عليها مكنتش طبيعية 
سيف وهو بيبص للأرض انا بجد اسف
زهرة دموعها بتنزل انا حبيتك
بيبصلها سيف بحزن
بتكمل زهرة وهي بتبتسم من وسط دموعها بس حبيت مريم اكتر... مقدرش اعاند و أذيها ولا حتى اقدر ادعي عليكم ولا اقول حسبي الله ونعم الوكيل زي اي مظلوم
سيف بحزن زهرة انا... 
بتقاطعه وهي بتضحك بۏجع و دموعها مغرقة وشها سلبتوني كل الحقوق حتى حقي في حسبي الله ونعم الوكيل.... بس انت بقى هسيبك لضميرك ... روح لمريم يا سيف و قولها زهرة مسامحة في كسرة قلبها و بتتمنالكم السعادة... و خليها متحاولش تكلمني الفترة دي عشان عايزة اكون لوحدي
سيف بس....
زهرة مفيش بس... انا مش هقطع علاقتي بيكم انا بس محتاجة اكون لوحدي فترة عشان اقدر اتخطى كل اللي حصل ... محدش يحاول يدور عليا ولا يكلمني انا هجيلكم من نفسي تاني بس لما افوق
بيهز سيف راسه بحزن
بتمسح دموعها و بتبتسم
_ سلام يا سيف
بتمشي قبل ما يرد عليها بيتنهد بحزن و هو حاسس ان الندم بياكل في قلبه و جملتها بتتردد في ودانه
بس انت بقى هسيبك لضميرك
سيف بتنهيدة حتى في قسوتك رقيقة يا زهرة.... انا اسف بجد
لم يڪن يحبني ڪان يتعافي بي من قصة اخرى و هذا اسوء ما قد مر في حياتي
بعد مرور 5 شهور 
بتطلع زهرة بلكونة اوضتها وهي لابسة جاكت آدم اللي كان معاها يوم المطر و في ايديها فنجان قهوة و كتاب بتبص على البلكونة اللي قصادها بتلاقيه طالع وفي ايده نفس الكتاب و معاه فنجان قهوة بيبتسم ليها بحب و هي بتبادله نفس الابتسامة
بيقعدوا هم الاتنين قصاد بعض و كل واحد بيمسك كتابه وبيبدأ يقرأ 
بيكونوا مندمجين جدا مع الكتاب لحد ما زهرة بتوقع عيونها على نص و بتقرأه بصوت عالي
انا على يقين بأنى لن اجد هذا النقاء ب آخر... كان عشقڪ مطلقا احببتني بمجرد النظر لعيناي..لم تشهد الطرقات على سيرنا ولا الاماڪن على جلستنا لم تتلامس ايدينا ولم اسمع شفاهك وهي تلفظ احبڪ .. ڪلانا احتفظ بالآخر سرا بداخله
بصلها بعيون مليانة حب و قفل الكتاب و بدأ يتكلم بصوت عالى نسبيا
إلى طفلتي الشقراء صاحبة العشرة اعوام التي سكنت قلبي منذ اللحظة التي سڪنت بها جواري... إلى تلڪ الشرفة التي قضيت ليال قبالها انتظر خروج طفلتي إليها لأسترق النظرات لعينيها اللتي تبدو كمشتل نعناع اخضر .....و الآن هل تسمحين لشفاهي ان تلفظها ف لقد بقيت بداخلي لسنوات يا حلوتي
ابتسمت بحب وهي بتهز راسها بادلها الإبتسامة و حب العالم كله في عيونه و اتكلم بعلو صوته
بحبڪ يا زهور 
برقت پصدمة وهي بتبص حواليها على الناس اللي في الشارع اللي سمعت صوته و بدأت تهللل و تسقف
زهرة پصدمة ايه اللي انت عملته دا
بيضحك ادم على شكلها اصلي كاتمها بقالي كتير خلي الكل يعرف بقاا
بتضحك زهرة طيب و سمعتي اللي ضاعت دلوقتي دي
ادم بغرور مصطنع انا بقول استر عليكي و اجي بليل اتقدملك بقا
بتبصله بفرحة و كسوف
بيبص ادم لجارتهم اللي واقفة في البلكونة وبيضحك زرغطي يا ام عماد مستنية ايه
بتزرغط و بيبدأ كل اللى فى الشارع يباركلهم 
زهرة بضحك اتفضحت الحمدلله
ادم بغمز مټخافيش هستر عليكي
ثم يعوضك الله ڪأنك لم تشقى ابدا... يعوضڪ بمن يشبهك و يشبه نقاء
بتكون نورا قاعدة في كافتيريا الجامعة بتذاكر فجأة بتلاقي احمد بيسحب الكرسي و بيقعد قدامها بتبصله من تحت نظارتها ببرود
بيمد ايده يسلم عليها ازيك يا نورا
بتبصله برفع حاجب و مش بتسلم عليه خير
بيلم ايده بكسوف احم.... عامله ايه
بتتجاهله نورا و بتبص للكتاب
احمد نورا ممكن نرجع
بتبصله و بتبتسم بسخرية نرجع
بيهز راسه بإيجاب انا محدش حبني قدك انا عارف اني ظلمتك انا اسف يا نورا
نورا وبعد ما نرجع
احمد يعني ايه
نورا هتحافظ عليا... هتحبني
احمد بإبتسامة اكيد
نورا هتحبني يعني
احمد ايوا يا نورا
بتضحك على اخرها لدرجة عيونها بتدمع من الضحك
_ضحكتني والله مش قادره
بيقطب حواجبه بضيق ايه اللي يضحك في اللي انا قولته
بتتبدل ملامحها و بتتكلم بهدوء مريب هو انت بتعرف تحب اصلا دا انت حتى لما كنت مع مريم الانسانة الوحيدة اللي حبتها مكنتش عارف تبطل ژبالة 
... فاكرني لسه الهبلة بتاعة زمان اللي بتضحك عليها بكلمتين و اول ما تقولها عايزك هتجيلك تجري
احمد نورا انا..
بتقاطعه انا کرهت نفسي بسببك و كل ما بفتكر اني حبيتك في يوم بقرف من نفسي كملت بنبرة ټهديد اقسم بالله يا احمد لو حاولت تقربلي تاني في نص الجامعة و هنزل على دماغك باللي في رجلي انا مبقتش اخاڤ منك
احمد بعصبية ايه اللي بتقوليه دا....
بتقاطعه بنفس النبرة متعليش صوتك علياااا... و ملكش دعوة بيا تاني
بتاخد شنطتها وكتابها اللي على الترابيزة و بتمشي وهي بتبتسم بانتصار و بتبدأ تغنى وهي بتضحك
رجعونا دا ايه سلامتڪ فوق خلاص منڪ انا محرس 
مشيت لا انا مديون ولا محقوق سايبها لدنيا بتخلص
هنتقابل وانا مرتاح وڪلي برود
هتفضل ايدي في مڪانها سلام مرفوض 
هتتفاجئ بإني عملت بينا حدود و زيڪ زي اي غريب
دا عين العقل اتجاهلڪ و افرط فيڪ
مفيش ولا حتى حجة قديمة تشفع ليڪ
وقلبي مع الغلابة اللي مأمنين ليڪ
دا وصفڪ مش هقل و اعيد 
نيرة وائل
سيف كتب الكتاب الاسبوع الجاي مليش دعوة
مريم يا سيف مينفعش هنعمل خطوبة الاول
سيف يبقى خطوبة بكتب كتاب
مريم بس...
سيف بضيق بس ايه.... زهرة و رجعت بقالها شهرين و كل حاجه اتحلت مستنين ايه تاني يا مريم
مريم
بتوتر خلاص يا حبيبي اللي تشوفه
بيبصلها بفرحة بجد
مريم بخجل خلاص بقا يا سيف الاه
بيضحك على شكلها و خدودها اللي احمرت
سيف بغمز ايه يا روما دا كتب كتاب بس امال هتعملي ايه في الفرح بقا
بتضربه في كتفه بغيظ تصدق انك
قليل الادب
بيمسك كتفه بضحك خلاص الواحد ميعرفش يهزر معاكي ابدا
مريم هزر بأدب يا سيف
سيف بإبتسامة حاضر يا قلب سيف 
بيرن موبايل مريم بأسم زهرة
سيف مين
مريم بإبتسامة دي زهرة
سيف ردي طيب
مريم الو يا زوزة
زهرة عندي ليكي مفاجأة انما ايه
مريم بضحك استر يا رب
سيف بفضول في ايه
زهرة بضحك دا صوت الواد سيف صح
سيف الواد سيف... دا ضاعت الهيبة والله
بيضحكوا كلهم
زهرة افتحي الاسبيكر طيب اقولكم
مريم فتحته يلا قولي بقاااااااا
زهرة انا خطوبتي الجمعة الجاية
مريم ايييييييه
سيف بضحك غفلتنا و هتتخطب قبلنا اهو
زهرة بتضحك اه والله شفتوا بقى... بعدين انا مش عارفه انتوا مستنين ايه دا انتوا مقربين تخللوا
سيف قوليلها بالله عليكي بس انا قررت اتجوزها بالعافية و هنعمل كتب الكتاب الاسبوع الجاي
زهرة اخيراااااا جدع يا سيف والله
مريم بفضول انتي يبت مين اللي اتقدملك دا اسمه ايه و عنده كام سنة و تعرفيه منين و شغال ايه