من اجل الحب بقلم دودو محمد

قولى انك عايزانى اجى عندكم علشان تقعدى معايا 
روز اه عايزاك علشان اقعد معاك اصل الصراحه مش بشبع منك خالص وبحس أن الوقت بيجرى طول ما انت معايا 
سامح انا اكتر والله يا حبيبتى ونفسى تكونى معايا على طول منبعدش عن بعض ولو ثوانى بحبك اوى اوى يا روز 
روز بصت على الارض بكسوف وقالت ا ا.احنا اتأخرنا على فكره 
سامح بص فى الساعه وقال يا نهار ابيض ده انا نسيت نفسى واتأخرت على الحصه امشى قدامى ومشوا الاتنين 
_____________________________
فى شقة توفيق
خرجت ريم من باب اوضتها وقالت 
ريم ماما انا ماشيه 

نبيله ماشى يا حبيبتى 
ريم فتحت الباب ولسه هتخرج 
نبيله ريم استنى 
ريم نعم يا ماما 
نبيله هى اختك مكلمتكيش
ريم لاء ليه 
نبيله اتصلت بيها بليل مردتش عليا قولت تكون نامت ولا حاجه ومن الصبح بتصل بيها مش بترد على تليفونها 
ريم يمكن تكون مشغوله مع الاولاد ولا حاجه والتليفون فى الاوضه بتاعتها ومش سامعه 
نبيله مش عارفه هستنى شويه يمكن لما تشوف مكالماتى ليها تتصل بيا 
ريم وانا هبقى اجرب عليها سلام 
نبيله مع السلامه 
ريم خرجت وقفلت الباب وراها شافت محمود قاعد على السلم 
راحت عنده وقالت صباح الخير 
محمود صباح النور يلا بينا
ريم بأستغراب مالك يا محمود 
محمود مافيش يا ريم ولسه هينزل 
ريم مسكته من دراعه وقفته وبصت عليه لاقته بيعيط قالت پخوف محمود انت بټعيط 
محمود بدموع امير صعبان عليا اوى يا ريم من امبارح من ساعة ما مشى من عندكم مجاش الا من شويه وهدومه كلها تراب وحالته صعبه اوى 
ريم ونفس الحاله برضه زهره اكبر غلط عملو أنهم عاندو بعض ودى النتيجه كل واحد فيهم بيتعذب يا محمود 
محمود بس على الاقل زهره قدرت تتأقلم مع جوزها انما امير مش قادر ينساها ولا عارف يعيش حياة طبيعيه زى اى حد 
ريم بيتهيألك زهره برضه نفس الحكايه مش قادره تنسى ابيه امير ولا قادره تعيش حياه طبيعيه زى اى حد زهره بټموت من بعدها عن ابيه امير 
محمود للاسف هما الاتنين اختارو طريق المۏت بالنسبه ليهم وبيتعذبو فيه طول ما هما ماشين 
ريم ربنا يريح قلبهم يارب 
محمود يارب يلا بينا علشان منتأخرش ومسك ايديها 
ريم اتكسفت وقالت ي ي.يلا ونزلو الاتنين مع بعض وهو ماسك ايديها وركبو تاكسى وراحو على المكتب ودخلو الاتنين وقعدو على مكتبهم وشويه ودخلت شهد 
شهد صباح الخير يا حلوين 
محمود وريم من غير نفس صباح النور 
شهد عامل ايه يا حوده 
محمود كويس وبعدين انا اسمى محمود مش حوده 
شهد اوه سورى اصل لسانى لسه واخد عليها اصل انا بقولها ليك من يوم ما عرفتك
ريم اوه يا حرام ومصېبه سوده لو لسانك يقولها قدام جوزك كمان 
شهد لاء مټخافيش اصل انا على طول بقولها لحوده بينى وبينه بس 
محمود اتوتر وبص لريم وقال كان كان 
ريم اصل انتى واحده رخيصه اوى علشان كده حوده مكملش معاكى 
شهد بغيظ متفرحيش اوى كلها يومين وهيرميكى ويروح يدور على غيرك 
ريم يا حرام تصدقى زعلت عليكى اوى اصل انتى طلعتى عبيطه اوى ومعرفتيش توقعيه وتخليه يجى يخطوبك زى ما عمل معايا وكلها شهرين وهيكون جوزى 
شهد بغيظ والله يبقى مبروك عليكى هما اول كام شهر من الجواز هيكون مخلص ليكى وبعد كده هترجع ريمه لعادتها القديمه اصل اللى فيه طبع صعب يغيره وحوده قصدى محمود حبه للبنات بيجرى فى دمه
ريم لاء متقلقيش انتى وخليكى فى حالك وخدى بالك من جوزك وانا هعرف اخلى حوده ميعرفش يبص لحد غيرى وغمزت ليها 
محمود اتفاجئ من طريقة كلام ريم وقرب منها وقال ايه المواهب دى ده احنا ايامنا هتكون كلها دلع ولا ايه وغمز ليها 
ريم بغيظ مسمعش حسك علشان رمرمتك دى هى اللى بتخلى الواحد يتكلم مع اشكال زباله زى دى 
محمود وانا ذنبى ايه يا ريمو دى كانت فى الماضى انما انت يا جميل الحاضر والمستقبل 
ريم اقسم بالله يا محمود لو ما اتلمتش وشوفت شغلك من سكات لكون ماشيه وسايبه ليك المكتب خالص 
محمود خلاص خلاص متبقيش حماقيه كده وبدأ يشوف شغله 
ريم بصت لشهد بغيظ لاقتها بتبص عليهم قالت ايه هو الكلام مكتوب على وشنا مش عندك فى الدوسيه 
شهد بصت ليها بغيظ وبدأت تشوف شغلها 
ريم بصوت واطى كتك نيله فى وشك ده اللى عامل شبه ابله فاهيتا 
محمود كتم ضحكته على كلام ريم وقال متشغليش بالك بيها وشوفى شغلك 
ريم تصدق لا طيقك ولا طيقها 
محمود هدى اعصابك بس 
ريم غلس وبصت قدامها فى الدوسيه 
محمود وربنا مجنونه وبدأ يشوف هو كمان شغله 
_____________________________
فى الجامعه عند احمد وساره
دخلت ساره من باب الجامعه ودورت بعينيها على احمد بس اتفاجئت بجيهان وقفه قدامها 
ساره ربعت ايديها على صدرها وقالت خير عايزه ايه 
جيهان بدموع ارجوكى يا ساره ابعدى عن أحمد انا بحبه ومقدرش اعيش من غيره ارجوكى 
ساره بس احمد مش بيحبك احمد بيحبينى انا 
جيهان كان ممكن يحبنى لو مظهرتيش انتى فى حياته 
ساره ومن قبل ما انا أظهر محبكيش ليه مع انك كنتى معاه وقدامه لو عايز يحبك كان حبك بس هو مافيش جواه مشاعر ليكى هو كان بيعتبرك زى أخته مش اكتر 
جيهان ابعدى انتى عنه وانا هخليه يحبنى 
ساره انا اسفه بجد بس مقدرش ابعد عن أحمد علشان انا كمان بحبه 
احمد فى الوقت ده جه وسمع كلام ساره وقال وانا بمۏت فيكى ومقدرش ابعد عنك مهما حصل ولا عينى تشوف غيرك حتى لو مين وبص لجيهان بقرف وقال ياريت تبعدى عنى وعن ساره لو سمحتى 
جيهان بدموع احمد انا بحبك 
أحمد وانا بحب ساره ياريت متحاوليش تتكلمى معانا تانى ومسك ايد ساره ومشى 
جيهان بصت لايد احمد وساره وقعدت فى الارض وعيطت 
وراح احمد وساره وقعدو فى الكافتيريا 
ساره تصدق صعبت عليا هى معذوره برضه حبيتك وده حاجه مش بأيديها 
أحمد انتى اللى بتقولى كده بعد ما كانت ناويه تفرق ما بنا 
ساره ايوه يا احمد انا اللى بقول كده لان انا بنت زيها واقدر احس بالإحساس اللى هى حاسه بيه 
أحمد صعبانه عليكى اقوم اروح ليها 
ساره لاء طبعآ مش قصدى بكره ربنا يكرمها بواحد ينسيها حبك 
أحمد هو انتى كنتى بتقولى ليها ايه
ساره ولا حاجه هى كانت بتقولى ابعدى عنه علشان بتحبك وانا رديت عليها 
احمد ايوه رديتى عليها بأيه بقى 
ساره رديت عليها وخلاص 
احمد علشان خاطرى قوليها يا ساره 
ساره ا ا.اقول ايه يا احمد 
احمد قولى ليا بحبك
ساره ا ا.احمد يلا علشان هنتأخر على المحاضره ولسه هتوقف 
احمد مسكها من ايديها وقال استنى يا ساره مش هنتأخر لسه بدرى قوليها بقى 
ساره ب ب.بس يا احمد ارجوك متكسفنيش اكتر من كده وانت سمعتنى وانا بقولها لجيهان خلاص بقى 
أحمد نفسى اسمعها منك وانتى عينك فى عينيا 
ساره م م.مش دلوقتى 
أحمد ماشى يا ساره هستنى وقتها 
ساره سحبت ايديها من تحت ايد أحمد وبصت ليه بكسوف 
أحمد بعشق كسوفك ده 
ساره وقفت وقالت بكسوف انا اتأخرت وطلعت تجرى 
أحمد وقام وراها ودخلو الاتنين يحضرو المحاضره 
____________________________
فى شقة توفيق
فى اوضت شريف
اتصل شريف بلميس وانتظر الرد بس مردتش عليه جرب مره واتنين وتلاته ومردتش عليه قلق عليها واتصل على تليفون الجده 
الجده ازيك يا حبيبى 
شريف بلهفه كويس هى