من اجل الحب بقلم دودو محمد

وده ڠصب عنى وده سبب ان اتعصبت عليكى واذيتك بالشكل ده غيرت عليكى لمجرد أن شوفتك بتحلمى براجل غيرى 
زهراء بأستغراب حبتنى طيب امته وازاى 
عاطف راح قعد وقال حبيتك من اول مره شوفتك فيها بس مكنتش متوقع أن ده حب قولت إعجاب ده علشان فيكى من مراتى كتير ولما جيتى عشتى معايا اتشديت ليكى اكتر وبقيت احاول ابعد عنك علشان متعلقش بيكى اكتر من كده وكنت بقضى اكتر وقتى بره الفيلا بس اتأكد اكتر أن انابحبك لما ش ش.شوفت اعلان فى الجريده فيه صورتك معرفش ايه خلانى اداريها عنك ومقولش ليكى خۏفت ا ا.ايوه خۏفت لتمشى وتسبينى بس القدر كان ليه كلمه تانيه وخلى امير يتعرف عليكى وترجع ليكى الذاكره قلبى ساعتها كان بيتقطع عليكى كنت پصرخ من جوايا بأعلى صوت وبطلب منك متمشيش وتسبينى بركان كان جوايا علشانك يا زهره ولما مشيتى ومرجعتيش حسيت أن انا روحى راحت منى حسيت أن فيه حاجه نقصانى ط ط.طيب انتى عارفه لما جيت ليكى عند أهلك مش علشان الاولاد عايزين يشوفوكى لاء يا زهره دى كانت حجه انا جيت علشان كنتى واحشانى جيت وكان عندى امل انك ترجعى معايا ولما امك طلبت منى اتجوزك سكوتى مكنش رفض ولا بفكر لاء ده كان ذهول معقوله تكونى ليا بالسهوله دى علشان كده وافقت على طول وبعد الساعات اللى هتروحى معايا الفيلا وتبقى ليا على طول واخد عهد مع نفسى ان انا هحافظ عليكى ومش هجرحك واوجعك وهنسيكى كل ماضيكى وهعيشك اسعد واحده فى الدنيا دى صدقينى يا زهره الاعتراف ده مش سهل عليا ارجوكى بلاش تخلينى اندم أن اعترفت ليكى بحبى 

زهراء بضحكة سخريه ومراتك اللى انت بتحبها بسرعه كده نسيت حبها لاء واضح انك وافى جدآ
عاطف لا مش ناسيها يا زهره بس انا وسكت شويه وقال زهره انتى عملتى فيا حاجات كتير حلوه وغيرتى فيه حاجات وانتى مش حاسه ا ا.انتى وسكت شويه وقال ا ا.انتى داويتى جوايا چرح كبير من غير ما تحسى 
زهراء بأستغراب چرح ! چرح ايه ده 
عاطف راح عندها وقال كل واحد عنده جوه منه اسرار محدش يعرفها غيره وانتى كنتى سبب فى لم الچروح اللى جوايا من غير ما تحسى 
زهراء بس اللى بيحب حد عمره ما يجرحو ولا يأذيه وانتى جرحتنى اوى واذتنى جامد يا عاطف وانا صعب انسا اللى انت عملته فيا بسهوله 
عاطف بعصبيه مش قادره تنسى اذيتى ليكى لكن قادره تنسى اللى عمله فيكى امير رغم أن اتجوز واحده غيرك ومبصش لحبك ليه لسه بتحبيه لكن أنا علشان غيرت عليكى واتعصبت عليكى مش قادره تنسى صح وراح عندها ومسكها من دراعتها الاتنين وقال بترجى ارجوكى يا زهره بلاش تعملى فيا كده صدقينى انا بحبك اه عصبى وغيرتى صعبه بس مافيش حد كامل ساعدينى وانا هتغير علشانك بس اوعدينى ان عمرك ما هتسبينى وبصلها بترجى وقال ارجوكى يا زهره ارجوكى انا محتاجك جنبى 
زهراء بصت ليه وسكتت شويه وبعدت عنه وقالت عاطف سبنى اخد وقتى علشان اقدر انسى وغمضت عينيها وقالت بصعوبه ا ا.انسى امير ومع الوقت هتعود عليك 
عاطف راح عندها ومسك وشها بأيده وبص فى عينيها وقال انا هصبر عليكى العمر كله بس اوعدينى انك مش هتبعدى عنى 
زهراء بدموع ارجوك بلاش تضغط عليا اكتر من كده ارجوك يا عاطف 
عاطف مسح دموعها وبسها فى راسها وقال مش عايز اشوف دموعك فاهمه 
زهراء بعدت عنه وقالت عن اذنك وسابته ودخلت الحمام ووقفت وراه الباب وحطت ايديها على بؤقها وقعدت ټعيط 
عاطف بص على باب الحمام واتنهد وخرج من الاوضه ونزل 
_____________________________
فى فيلا امير
فى اوضت ساره
صحيت من نومها على صوت تليفونها بصت عليه لاقته رقم احمد ابتسمت وردت عليه وقالت 
ساره صباح الخير 
أحمد صباح العسل على عيونك يا عمرى كله 
ساره امممممم انا كده هاخد على الدلع ده على طول 
أحمد ملكيش دعوه اتعودى براحتك وبعدين انتى لسه شوفتى دلع ده لما نتجوز هتشوفى الدلع على أصوله 
ساره احمد اتلم 
أحمد حاضر المهم مجتيش ليه 
ساره انا لسه صاحيه على صوت التليفون وبعدين انا مش هعرف اجى علشان الفيلا هتتحضر لخطوبة محمود وشريف وانا لازم اساعدهم
أحمد اممممم خلاص هاجى انا انا خلاص اخد اشوف عيونك كل يوم الصبح 
ساره علشان كده دورت على فيلا جنبكم على طول 
أحمد فرصه وجات لحد عندى اضيعها لاء طبعآ لازم استغلها احسن استغلال 
ساره استغلالى اه صح لسه البت جهاد قافله على نفسها ومش راضيه تكلم حد 
أحمد بزعل ايوه مش عارف مالها دى حتى بتحب الضحك والهزار معرفش ايه حصلها
ساره اخلص بس من خطوبة محمود النهارده وابقى اقعد واتكلم معاها واشوف مالها 
أحمد إن شاءالله 
ساره هقفل بقى معاك وانزل اشوف بيعملوا ايه تحت 
أحمد ماشى وشويه وجايلكم 
ساره اوك مستنياك باى وقفلت معاه وحضنت التليفون وافتكرت اول يوم اتنقلت فيه الفيلا
___________________________
فلاش باااااك
وصل امير الفيلا ومعاه أمه وأخوه واخته وسهى ودخلوا الخامسه الفيلا واتعرفو على الاوض وكل واحد حط الشنطه بتاعته فى الاوضه اللى اختارها ونزلت ساره وهى حزينه وقالت 
ساره مش عارفه ليه سبنى الشقه اللى فى الحاره ما كنا عايشين فيها ومبسوطين 
محمود والله عندك حق يا ساره الواحد مش حاسس بالراحه اللى كان بيحس بيها فى الشقه 
امير بكره تتعودو عليها 
وفى الوقت ده جرس الباب رن 
ساره راحت تفتح واتفاجئت وقالت ا ا احمد 
أحمد بصوت واطى عيون احمد 
امينه مين يا ساره 
ساره د د.ده أحمد 
أمير تعالى يا احمد 
ساره بأستغراب انت عرفت مكان ازاى 
أحمد اوعى كده بس ودخل سلم عليهم كلهم 
ساره كانت واقفه مستغربه 
أمير احمد هو اللى ساعدنى أن الاقى الفيلا دى وساعدنى فى فرشها 
ساره بأستغراب ازاى يعنى 
أحمد مافيش فى يوم امير اتصل عليا وقال إن هو عايز يشوفنى وانا نزلت ليه وطلب منى أن اشوف ليه فيلا فى مكان مناسب وحلو وكانت فى فيلا فى نفس الشارع بتاعنا معروضه للبيع اخد امير عليها وشافها وعجبته الفيلا والمكان واشتراها من الناس وانا اللى نزلت واخترت الفرش ده ايه رأيكم فى ذوقى
امينه جميل يا ابنى عقبال ما تفرش شقتك يارب 
أحمد وهو بيبص على ساره قال يارب يا ماما يسمع من بؤقك ربنا 
ساره اتكسفت وبصت على الأرض 
امير بجد احمد راجل ووقف جنبى ومسبنيش لحظه واحده
أحمد عيب ياامير احنا مش اخوات ولا ايه وبعدين انا فرحان أن احنا بقينا جيران 
امينه ربنا يسعدك يا حبيبى 
أحمد طيب هسيبكم انا ترتاحو وابقى اجى ليكم فى وقت تانى 
أمير ده مكانك اى وقت تيجى فيه ووصله لحد الباب وسلم عليه 
أحمد بصوت واطى زى ما اتفقنا 
أمير اكيد طبعآ منستش فاكر كل حاجه والاتفاق ماشى زى ما هو
أحمد حبيب قلبى 
أمير حبيبى يا ابو حميد 
أحمد خرج من الفيلا 
ساره بأستغراب هو انتو كنتو بتقولو ايه
أمير بشكره على وقفته جنبى 
ساره انا تعبانه هطلع انام بقى تصبحو على خير 
الكل وانتى من أهله 
____________________________
بااااااك
فاقت على صوت سهى وهى بتقول
سهى ساره يا ساره انتى يا بنتى 
ساره ايه فى ايه عايزه ايه 
سهى بقالى ساعه