حلم ظننته حياه
ويضحك
خالد ورق اي ي ابني دا سندوتش الشاورما بالحمه وانت كلت الفراخ
حمزه طب بص ف الكيس كدا وانت تعرف
خالد بيفتح الكيس لقا الكيس ف الورق الي كان ملفوف فيه السندوتشات بس الي موجود.. ي ابن ال.. اكنك بتضحك عليا داانا صحبك حبيبك
حمزه لا ماانا حفظت حركاتك خلاص ومبقتش تمشي عليا
خالد ماشي ي عم بالف هنا
حمزه الله يهنيك ياغالي
حمزه جبت موبايلاك وكل حاجه منستش حاجه
خالد لا ي عم متقلقش منستش حاجه عيب عليك
حمزه ماشي ي عم.
ويمشو ويروحو بالعربيه بتاع حمزه لحد قبل البحر وقبل مايوصلو بخمس دقايق
خالد يشهق جامد.. الحق ي عم نسيت اهم حاجه
حمزه بخضه اي ف اي نسيت اي
خالد نسيت اجيب شويه سندوتشات معانا
ويوصلو البحر وينزلو الاستراحه ويلبسو الشورتات بتاعتهم الجديده وينزلو
حمزه بتريقه علي خالد اوعا تقابلك سمكة وتفكرها سندوتش شاورما وتاكلها اصل انت حبك للشاورما معدي اي ليڤل
خالد ياريت ي عم الاقي سندوتش شاورما تحت واكله
حمزه طب يلا ي خفيف انزل يلا قبل الشمس ما تمشي
حمزه ههههه.. مش هرد عليك عشان انا اخلاقي متسمحليش ارد علي عيل زيك
خالد ماشي ي اخو العيل
وينزلو المياه وكل واحد يبعد عن التاني وبعد خمس دقايق عوم ومعدش حد فيهم شايف التاني يطلع خالد عشان نفسو قصير
خالد حمزه اي ي عم انت مش عاوز تطلع من تحت المياه ولا اي طب انا هطلع استناك فوق عما تيجي
خالد اي دا غريبه اول مره حمزه يطول ف المياه كدا دا بيتخنق بسرعه ف اي مهو مش معقول هيفضل تحت المياه كل دا من غير اكسجين من غير حاجه
وينزل خالد المياه ويدور علي صاحبو وبعد ربع ساعه تدوير ف المياه يلاحظ حاجه عايمه علي وش المياه من بعيد
خالد اي دا دا نفس الشورت الي حمزه كان لابسو.. طب بس لما اروحلو هناك اما اشوف كان تحت المياه كل دا بيعمل اي.. واي الي منيمه علي بطنو كدا ف المياه.. لا داانا صاحبي بقا بطل عالمي ي ولاد
خالد اي ي عم كنت بتحاول تتسابق مع السمك لي
مفيش اي استجابه نهائي من ناحية حمزه
خالد انت ي ابني ويهز ف حمزه مبيتحركش وعايم علي وش المياه وخلاص وف حاجه زرقه علي وشي وشو ازرق كدا لي دي اكيد مش الي ف بالي صح يارب لا يارب يارب ما يكون الي ف بالي يارب يارب يارب. ي جماعه حد يلحقنا.. مساعده ي جماعه عاوزين نطلعو من المياه ي جماعه
خالد انت ي ابني ويهز ف حمزه مبيتحركش وعايم علي وش المياه وخلاص وف حاجه زرقه علي وشو.. وشو ازرق كدا لي دي اكيد مش الي ف بالي صح يارب لا يارب لا يارب يارب ما يكون الي ف بالي يارب يارب يارب يارب. ي جماعه حد يلحقنا مساعده ي جماعه عاوزين نطلعو من المياه ي جماعه..
وميلقيش خالد اي استجابه من اي حد ومش قادر يشد صاحبو ولا عارف يعملو اي اسعافات اوليه حتي عشان المياه وجسمو اتملي مياه زي ما يكون غرقان.. ويحاول خالد بقدر الامكان يطلع حمزه من المياه وينقذو وبعد محاولات كتير صعبه اخيرا وصل للشط واول ما وصل عمل تنفس صناعي بس مفيش نفس لا نفس خارج ولا طالع ويقيس النبض بردو للاسف مفيش حاجه.. ويحط ودنو عند قلبو عشان يتاكد من القلب وحركتو
خالد پصدمه ي صاحبي اي انت هتهزر معايا ولا اي دا اكيد مش مقلب ي عم مفيش مقالب كدا ي حمزه قوم والله وهبطل اكل خالص وعد مني مش هاكل ومش هنام ومش هتاخر عليك لما تجيلي تاني ومش هعصبك وهصحي علي طول لما تصحيني بس عشان خاطري قوم.. ي صاحبي انا مليش غيرك.. ي صاحبي متسيبنبش لوحدي.. انت وعدتي نفضل مع بعض لاخر العمر.. لي موفتش بوعدك ي صاحبي وعد ي عم هتجوز وافرحك بيا ي حمزه قوم بقا.. ي حمزه متهزرش ي جدع بلاش ام الهزار بتاعك دا.. ي جدعان حد يجيب الااسعاف صاحبي هيروح مني..
ويحس خالد انو خلاص مهنة الطب الي درسها بقالو 7 سنين راحت منو ومش عارف يتصرف ازاي ولا يعمل اي رغم كفائتو الكبيره والجيده جدا فيها.. والوقت الوقت الي مفرود يثبت كفائتو فيه مش عشان حد عشان صاحبو مش عارف يعمل فيه اي حاجه وينزل راس صاحبو من علي رجليه ويقوم يجري يدور علي حد وزي ما يكون خلاص الناس اختفت من علي الكوكب بس خلاص كان قرب من عربية حمزه وخد العربيه وراح يحيب صاحبو عشان ياخدو ويوديه علي اقرب مستشفي.. بس حتي مبيعرفش يسوق كويس.. ويقوم خابط نفسو ف العربيه..
خالد انا عمري ما عرفت اقدملو حاجه حلوه عمري ماعرفت اكون الصاحب الصح.. حتي اكتر وقت محتاجني فيه والمفروض اعمل الي. اقدر عليه فيه مش عارف اعملو فيه حاجه يارب يارب يارب مليش غيرك يساعدني يارب ياربهو مقصرش معايا ف حاجه ساعدني عشان خاطر حتي اهلو ومراتو وابنو الي كام يوم ويجي علي الدنيا.. يارب
وميحسش بنفسو غير ودموعو مغرقاه ويلبس التيشرت الي كان سايبو ف العربيه ويسوق وسبحان الله ساق حلو جدا ولحسن حظو من عند ربنا محدش من اصحاب الاوتيل شافو وهو داخل المكان الي ممنوع فيه دخول اي عربيات نهائي وياخد صاحبو ويوديه اقرب مركز طبي موجود.. ويشيل صاحبو يدخلو جوا وينده باعلي صوت ف المستشفي
خالد حد يساعدنا ي ناس حد يلحقنا صاحبي هيروح مني ي عالم ويجي جري علي صوتو ناس كتير ودكاتره متخصصه وممرضين كفائه عاليه
احد الدكاتره ف اي ي ابني اهدي وهدي اعصابك ان شاء الله خير وينده علي الممرضين هاتو نقاله بسرعه ويحطوه ويودوه غرفة العنايه المركزه وبعد فتره مش طويله
دكتور علاء انا عايزك ي ابني تعرف ان كل حاجه ربنا بيجيبها اكيد خير لينا من عندو وعمرو ما بيجيبلنا حاجه وحشه وانت باين عليك واعي وفاهم كويس
خالد تقصد اي بكلامك ي دكتور.. صاحبي كويس
دكتور علاء لللاسف البقاء لله وحده!
خالد انت بتقول اي انا صاحبي هيصحي ويبقي كويس وهيروح معايا دا هو بس تلاقيه زعلان مني عشان بضايقو بس لكن هو كويس وهتلاقيه هينده عليا دلوقتي
ويسسيب الدكتور ويدخل الغرفة الي موجود فيها حمزه
خالد انتي بتعملي اي متغطيش وش صاحبي هو بيتخنق ومبيحبش يغطي وشو صح ي حمزه ي حبيبي قوم قلهم انك كويس وانك هتقوم وتروح معايا.. قوم ي حمزه عشان خاطري عشان خاطر صحبك حبيبك قوم متسبنيش لوحدي والله ماليا غيرك انت صاحبي وحبيبي وابويا انا محدش حبني قدك ولا احتواني
