غلطتي الجميلة بقلم رحمة نبيل 

بټعيط 

_ امال البنات اللي كانوا في الحمام دول بيتكلموا على اساس ايه شافوني فين عشان يعرفوا أنك مظلوم معايا 

بص ليها محمود وهو بيحاول يفهم هي قصدها ايه وهي استغلت الموضوع واتحركت ناحية اوضتها بسرعة وهو لسه واقف مكانه بيحاول يعرف هي قصدها ايه وافتكر أن اللي راحت وراها الحمام كانت شوق زميلة ليه ومعاها منال .

فجأة فتح عينه واتحرك ناحية الباب بتاعها قبل ما تقفله وزقه وهو بيقول 

_ قصدك بكلامك شوق !

ابتسمت بتريقة من بين دموعها وقالت 

_ والله نسيت اسألها عن اسمها في وسط تهزيقها ليا.

مسك محمود أيدها وهو بيقول 

_ اسمعي يا مريم أنا مش واحد حيوان عشان اعمل كده ثم انتي ليه شايفة شكلك ده حاجة غلط المفروض تتدارى!

بصت ليه مريم بلوم وكأنها بتقوله أنت اللي شوفت شكلي غلط بلع هو ريقه وقال 

_ أيوة في الاول اټصدمت يمكن عشان مكنتيش زي ما تخيلتك حاسبتك على صورة في خيالي وأنتي ملكيش ذنب لكن والله ربنا يعلم اني عمري ما ذكرت حتى اسمك بالصدفة في الشغل وشوق هي اللي في يوم مسكت تليفوني اعمل اتصال ووقتها شافت صورة ليكي .

صورة ليا وأنت عندك صورة ليا ليه 

بلع ريقه وهو بيحاول يلاقي رد وقال 

_ أنا بعت لوالدتك تبعتلي صورة ليكي حلوة لأنك رافضة تتصوري وعشان اعملها ليكي مفاجأة وشوق فتحت الواتس وشافت الصورة وعرفت أنك مراتي.

_ عايز صورة ليا تعمل مفاجأة مفاجأة ايه 

بص ليها محمود محمود شوية قبل ما يشيل الطرحة من على شعرها ويبتسم بحنان وقال 

_ كنت حابب اعتذر ليك واعملك سهرة حلوة واقولك اني كنت حيوان لما فكرت أنك مش حلوة كنت حيوان وانا ببص على شكلك ومفكرتش لثانية إن السبب اللي خلاني اتجوزك مكانش شكلك لا ده كانت روحك الراحة الكبيرة اللي حسيتها لما كنت بشوفك كأن ارواحنا اتحدت يا مريم .

كانت مريم بتبص ليه وهي مش مصدقة فابتسم وهو بيرجع شعرها لورا وقال 

_ كنت حابب اقولك قد ايه انا غبي لأني مشوفتش جمال اللي مخبياه ورا النقاب انهاردة واحنا رايحين العشاء كنت هتجنن وانا شايفك زي القمر حتى وانتي مخبية وشك .

نزلت دموع مريم وهي مش حاسة وبتقول 

_ محمود أنت بتقول ايه !!

_ بقول اللي حسيته من اول مرة شوفتك فيها ومن قبل حتى ما اعرف شكلك بقول أن روحي حبت روحك واتعلقت بيها ...

سكت وقال بحب كبير 

_ بقول اني بحبك يا مريم ..

ابتسمت مريم وهي مش عارفة تقول ايه 

_ أنت سامع بتقول ايه !

_ سامع وكل كلمة خارجة من قلبي وحابب من انهاردة نبدأ حياة جديدة يا مريم.

_ بس....بس أنت كنت بتقول اني غلطة .

ابتسم ليها كريم وهو بيضمها وبيقول بحب وحنان 

_ كنتي غلطتي الجميلة يا ريمو ...اجمل غلطة عملتها في حياتي يا حياتي ...