ليالي الزين لكاتبها رباب احمد

كان جميل جدا بسببك بجد احلى يوم في حياتي .
ادم ربنا يقدرني واخلي ايامك كلها شبه اليوم دا بجد مش قادر اوصفلك بحبك ومتعلق بيكي اد اي 
هناء مش عارفه اقولك ايه بس فعلا حاسه اني مرتحالك 
ادم وانا واثق هتحبيني بعد شويه
هناء بضحك ماشي ياعم الواثق . بس احكيلي شوفتني فين وعرفت كل حاجه عني ازاي .
ادم بصي انا مش زي ما قولت ل عمر اني شوفتك في كافيه مع اصحابك . انا اعرفك من ايام الجامعه كنت مع عمر لما بيجيلك لما شوفتك حبيتك بس انتي مشوفتنيش حتى كان باين في عيونك اد اي بتحبي عمر بعدها اتقربت من عمر عشان كل ما ييجي اجي واشوفك معاه عشان بجد مكنتش قادر اعيش من غير ما اشوفك وبعدها بفتره لما قررت اروحلك من غير عمر واعترفلك عرفت انك اتخطبتي ل عمر .. اتكسر قلبي وسافرت ورجعت من كام يوم وعرفت أن انتي و عمر سبتوا بعض ف استنيت لما تعدي فتره واديني اتقدمت وبقيت اسعد واحد من وقت ما وافقتي تتجوزيني ..

هناء پصدمه ايه كل دا وانا مكنتش حاسه للدرجه انا كنت غبيه و مركزه مع عمر .
ادم بضحك عادي يا حبيبي اهم حاجه أننا مع بعض دلوقتي 
هناء بما انك حكتلي كل دا حابه اعترفلك بحاجه تخصني عشان متعرفش من برا وعشان نبدأ حياتنا من غير حاجه مخفيه أو اي كدب 
ادم عارف عارف وتقولي اي مش عايز فرحتنا تنتهي بنكد خلينا مبسوطين ولو عايزه احكيلي يوم تاني بس مش النهارده 
هناء ادم انت بجد ملاك . انا محظوظه بوجودك معايا .
ادم انا اللي محظوظ بوجودك معايا
هناء بضحك يعني مش مخبي عليا حاجه ولا هتخبي عليا حاجه
ادم كان باين عليه التوتر من سؤال هناء بس رد بسرعه .
ادم لا طبعا يا حبيبي اغبي اي انتي حياتي وحبي ومستحيل اخبي عليكي حاجه 
هناء ابتسمت له .. وهو قالها بس ليه انتي لتكوني حلوه كل دقيقه عن اللي قبلها 
اتكسفت وسكتت 
هناء طب يلا نرجع البيت اتاخرنا 
ادم ياااااااه الوقت بيعدي بسرعه اوي ..
ركبوا العربيه وادم شغل موسيقى هاديه ونامت هناء ..
ادم اد اي انتي جميله وشبه الملايكه وانتي نايمه بجد محظوظ بوجودك معايا 
ادم لنفسه وهو بيبص ل هناء مش عارف هعرف اقولك الحقيقه اللي مخبيها ولا لا بس لو مقولتش فعايزك تعرفي أن دا من خۏفي لخسرك يا اميرتي .
يتبع
ادم وقف العربيه ومش هاين عليه يصحيها ويقلق نومها ولا يضيع على نفسه يشوفها وهي شبه الملايكه كدا طلع تليفونه وصورها ..
ادم بحنيه اميرتي .. اميرتي الحلوه اصحي وصلنا
هناء بتعب يا ماما سيبيني نايمه شويه 
ادم بضحك يا حبيبي انا مش ماما 
هناء بفزع اسفه اسفه مكنش قصدي
ادم بتعتذري ليه انا هبقى ليكي حبيبك واخوكي وابوكي وحتى اختك و مامتك وانا واثق هتكوني ليا كدا 
هناء بخجل هتفضل كدا تكسفني بكلامك .
ادم احسن عشان اشوف خدودك وهي بتحمر كدا بس ليا عليكي عتاب ..
هناء پخوف عتاب! ليه انا عملت اي زعلتك في حاجه!
ادم بضحك اهدي بس اتوترتي كدا ليه للدرجه انا غالي عندك ادم شاف هناء وهي مكسوفه وباصه في الأرض ..
شوفتي دا اللي أقصده انك بتبصي في الأرض وبتحرميني اشوف عيونك الجميله وانتي مكسوفه كدا ..
هناء بخجل تصبح على خير .
ادم وانتي من اهلي يا قدري ..
نزلت هناء وهي مبسوطه اوي وطلعت البيت قعدت ترقص من الفرحه وامها استغربت اوي وفرحت في نفس الوقت قعدوا يرقصوا وهناء حكت لامها على كل حاجه حصلت في اليوم الجميل دا ..
مامت هناء بس يا حبيبتي لازم تحكيله على الحقيقه متخبيش حاجه عشان علاقتك تنجح
هناء اكيد هقوله يا ماما متقلقيش بكرا باذن الله هحكيله كل حاجه .
مامت هناء طيب يا بنتي تصبحي على خير
هناء وانتي من اهله يا ماما
هناء دخلت اوضتها وقالت مش هخلي الحقيقه البشعه دي تمنعني اكون سعيده . او على الاقل استمتع باليوم دا . وشغلت اغاني وكانت مبسوطه اوي .. وبعدين تليفونها رن ..
عند عمر على البحر
عمر بخضه يا مجنونه بتعملي اي!
هي بضحك مفيش احلى من انك تنزل المياه بالليل والبحر ثائر 
استغرب وخاصه لما سمعها بتقول اي بتصدمني بموجاتك عشان بتحبني ولا زعلان مني انا اسفه يا صديقي بس اوعدك انت اللي هتفضل في قلبي مهما حصل 
وفجاه نزلت تحت المياه عمر اتخض عليها ولسه هينزل يشوفها لقاها طلعت وبتقول للبحر عارفه ان اللي حكيته هيفضل سرنا 
استغرب عمر اوي من تصرفاتها .
عمر باستغراب ليه عملتي كدا
هي جرب تنزل وتحكي همومك تحت المياه هتحس براحه وهتحس أن روحك اتحررت .
كانت ماشيه وعمر سألها مقولتليش اسمك اي
هي بضحك خليني اعملك شويه تشويق وهقولك عليه المره الجايه 
عمر طب رقم تليفونك طلع غلط 
هي لما اشوفك المره الجايه هديهولك وافتكر كل ما تكون زعلان هتلاقيني ظهرت عشان اخفف عنك .
عمر ضحك وقال اشوفك قريب يا مجنونه 
عمر رجع بيته كان تعبان اخد شاور وكان بيفكر في المجنونه بتاع البحر وقرر يجرب كلامها المره الجايه راح نحيه المذكرات وفتحها وبدأ يقرأ فيها 
يتبع تاني يوم .
عمر طلع لخالته عشان يطمن عليهم 
طلع ولقى هناء مبسوطه جدا بخطوبتها ومبسوطه بوجود ادم في حياتها وبتلف في البيت عشان تكون في اجمل صوره لما تكون مع ادم لدرجه ماخدتش بالها أن عمر موجود ..
دي حاجه كسرت عمر و زعلته اوي .
عمر يا خالتي .
مامت هناء اهلا يا عمر محستش بيك لما دخلت من الربكه اللي عملاهالي هناء في البيت 
هناء ولا عال يا ست ماما بقيت عملالك ربكه و زعلانه من وجودي .. بكرا ادم ياخدني واوحشك وتتمني يوم من ايامي 
مامت هناء بضحك لا ياختي ولا هتوحشيني بكرا عمر يتجوز ومراته تغنيني عنك 
عمر بضحك استهدوا بالله يا جماعه ..
هناء ابعد انت كدا ياعم عمر مين دي اللي تيجي تغنيكي عني دا كنت جيت ولعتلكم فيها وفي البيت .
كلهم قعدوا يضحكوا على رد فعل هناء الطفولي 
فجاه الباب خبط عمر ادم
هناء اي دا مش المفروض نتقابل الساعه 2 ..
ادم اولا السلام عليكم جميعا ازيك يا عمر ازيك يا حماتي ..
عمر وعليكم السلام بخير الحمد لله
مامت هناء وعليكم السلام يا ابني انا تمام بخير 
هناء بطفوله سلمت على الكل الا انا وكمان مردتش على كلامي .
ادم برومانسيه ماهو لازم اسيب قمري للآخر عشان اتغزل فيه براحتي 
هناء اتكسفت وعمر استغرب من جرأته .. ومامت هناء ضحكت ..
عمر طب استأذن انا يا خالتي عشان نازل الشغل 
مامت هناء طيب يا ابني ربنا معاك ويوفقك واشوفك احسن الناس ..
عمر باس أيدها ومشي ومامت هناء دخلت المطبخ تعمل قهوه .
ادم اي اميرتي زعلانه عشان جيت الصبح وحبيت ابدا يومي بيها ..
هناء
بخجل لا براحتك تعالى في