روح فارس
راحتي في السكوت
عم ربيع
براحتك. انما لوحبيت تتكلم او احتجت لمساعدة هتلاقيني في الجامع دة. انا عمك ربيع
وسابني عم ربيع ودخل الجامع وانا مشيت وماكنتش عارف انا رايح فين وفضلت امشي وامشي لغاية ما تعبت من المشي وقعد علي الرصيف في الشارع ولقيت نفسي فجاة جوة شقة وشقة فيها كل ادوات الرسم من لوحات لي الوان مكان كامل ومجهز لاني ارسم وبس استغربت وحاولت اخرج من الشقة دي اللي مش عارف مين اللي جابني فيها. لكني ماعرفتش اخرج وكأن الشقة دي بقيت زنزانتي فقعد علي كرسي وفضلت افكر في اللي بيحصلي ومين خلاني ارسم سهيلة. معقوله يكون الخبيث جودا طيب وهو اية مصلحتة في كدة. انا لازم ما استسلمش واقوم واحاول اخرج من الشقة دي. وحاولت استخدم السحر لكني لقيت نفسي من غير اي سحر حاولت تاني وتالت ورابع ويأست وقعد تاني علي الكرسي وهنا سمعت صوت الباب بيخبط. قومت وفتحت الباب وانا زي المسحور لقيت بنت في ال من عمرها اسمها خلود واقفة قدامي فقولت لها
خلود
انت ناسيتني ولا اية يا فارس
فارس باستغراب
انتي تعرفيني
خلود
طبعا. احنا اتقابلنا في النادي واتفقت معايا علي النهاردة علشان ترسمني لوحة
فارس باستغراب اكتر
انا اتفقت معاكي. انتي اكيد غلطانة
خلود وهي بتدخل الشقة بتقول
غلطانة اية بس. انت باين عليك عايز تحرمني من اللوحة الاخيرة ليا
اللوحة الاخيرة
خلود
اة. انا هاموت بعد اللوحة دي
فارس
انتي عارفة انك هاتموتي وجاية تترسمي برضو
خلود
عبيد الملك غادر ملهمش اختيار.
وبصيت لي خلود بصة مجنونه وقالت
ارسم اللوحة الاخيرة. ليا
وبعت ماقالت كدة لقيت نفسي بمسك اللوحة الفاضية وبرسم خلود وانا مش عايز اعمل كدة وبمجرد ما خلصت اللوحة حصل لخلود نفس اللي حصل لسهيلة ولقيت خلود قدامي هيكل عظمي وما بقتش ضايق نفسي. لاني اكيد باللي بعمله دة انا بكمل لوحة غادر. انا كدة فهمت. جسمي وعقلي تحت تاثير لعنه خبيثة ازاي بس اخلص منها ازاي. وفي نفس الوقت ومن جوة قصر الملك غادر كان غادر باصص للوحة بتاعته وهي بتكمل ووقفت وراء منه الغنجمية وقالت
غادر
جودا ساحر خبيث وبيسخر الجن لخدمته. لكن انا الجن نفسه
استغربت الغنجمية وقالت
مولاي غادر يقصد اية
فيبص غادر للغنجمية ويتحول لصورة ضرغام والدي فتنصدم الغنجمية وتقول
ضرغام. انت مېت من سنين ازاي عايش
الجن اللي زيي ما يموتش. ولا انتي صدقتي زي وصيفة اني انسي وبحبها وخليتها تتجوزني وتهرب معايا
ويضحك ضرغام ويرجع يبص للوحة من تاني. والغنجمية مش مستوعبة ولا فاهمه اللي سمعته وشافته
يتبع.
خلصت الحلقة اللي فاتت علي غادر اللي بقي في ضرغام والدي. ومش بس كدة كمان طلع من الجن وامي انخدعت في. ومع الاحداث اللي جاية هايبان ضرغام اكتر واكتر علي حقيقته. والاسئلة اللي بدور في دماغكم هانلاقي اجابتها في اللي باقي من حكاياتي. لكن الغنجمية ما كنش عندها صبر وكانت عايزا تعرف ازاي غادر يطلع ضرغام وراحت ووقفت قدام ضرغام اللي بقي في صورة الملك غادر وقالت انا شريكتك ومن حقي افهم اية اللي بيحصل.
الملك ضرغام ملهوش شركاء. انتي مجرد جاريه عندي بستخدمها في المخطط الكبير اللي هايهز عرش ملوك الجن والانس
الغنجمية بضيق
انا مش جاريه انا الغنجمية و
وقبل ما تكمل كان ضرغام بص لها ولقيت الغنجمية لسانها پيتحرق وبيخرج من بوقها و بيلف حوالين رقبتها بعد ما تحول لدخان اسود وبيخنقها فطلب الغنجمية الرحمة وهي بتقول
فيقرب منها ضرغام ويبص في عيونها وهي پتتوجع ولسة بتطلب الرحمة ويقول
كنت محتاج اعرف منك انتي مش جارية انتي الغنجمية.
ال أية
الغنجمية بصعوبة شديدة
انا جارية من جواري الملك ضرغام
فيرجع لسان الغنجمية زي ما كان ويبص لها ضرغام ويسكت والغنجمية قدام منه واثار الټعذيب باينه عليها وبتبص له وهي ناوية علي الشړ ولسة هاتمشي قال لها ضرغام
عارف انتي بتفكري في أية. نصيحة مني. جودا مش هايقدر يساعدك في انك تخلصي عليه
فتبص له الغنجمية وما تردش وتسيبة وتمشي. وفي نفس الوقت ومن جوة شقة روح. كانت في شقتها ومراد بيقول لها
فارس ملهوش حد في الزمن دة غيرك. تفتكري يكون هرب راح فين
روح وصوتها حزين
ماعرفش. ومش عايزا اعرف كفاية اللي عمله
مراد
انتي بجد زعلانه علي سهيلة ولا زعلانه علي فارس اللي خسړتي
روح
افتكر انت عارف سهيلة دي كانت بالنسبة لي اية. وانا فارس دة ما شفتهوش الا النهاردة
مراد
بتكدبي يا روح علشان فارس دة انتي شوفتي قبل كدة دة انتي من زمنه وارضة. ومولدين مع بعض في نفس الوقت
روح باستغراب وهي بتبص لمراد وبتقول لنفسها
عرف منين بالكلام اللي قاله ليا فارس
لاحظ مراد سرحان روح فقال لها
لو فعلا بتحبي سهيلة زي ما بتقولي ساعديني اوصل لفارس
روح
انت عرفت ازاي باني من زمن وارض فارس
ارتبك مراد وقال
انتي حكيتي لسهيلة الحكاية دي قبل كدة وهي حكيت لي
روح
ماحصلش. لاني ببساطة ماعرفتش الحكاية دي الا النهاردة
مراد
لا. حصل.
روح
مراد هو انت عرفت ازاي ان فارس عندي ورسم صورة لسهيلة. وهو السبب في مۏتها
ارتبك مراد اكتر واكتر ومابقاش عارف يرد يقول اية وقالت روح
انت في حد بيستخدمك ف
وقبل ما تكمل روح كلامها. اختفت عيون مراد من وشة وظهرت عيون جودا وھجم مراد علي روح ومسكها من رقبتها وقال بصوت جودا
الاغبياء عمرهم اطول من الاذكياء اللي زيك. فعلا في اللي بيستخدم جسم مراد. واللي هايقتلك لو ما ساعدوش في انه يوصل لفارس
روح بصعوبة وهي بتحاول تاخد نفسها
فارس هرب قدام منك. اعرف ازاي طريقة
جودا
الربط اللي بينك وبين فارس يخليكي بمجرد ما تغمضي عينيكي تشوفي هو فين وبيعمل اية دلوقتي
روح
هو اللي يقدر يشوفني مش انا.
ويضغط جودا بكل قوته علي رقبه روح وتختنق اكتر واكتر وهو يقول
متاكدة
وتبدا روح تختنق بشدة وهنا يسيبها جودا فتقع علي الارض مغمي عليها وهي مغمضة عيونها فعلا تشوف فارس وهو في الشقة وقاعد باين عليه الحزن فتحاول روح انها تخلي يحس بيها فهي محتاجة في الوقت دة اكتر من اي وقت تاني. لكن ساعتها تلاقي مية كتير جت في وشها فتفتح عيونها فتلاقي مراد قدام منها وبيرمي جردل فاضي بعد ما رمي المية في وشها
وبيسحبها من شعرها بمنتهي العڼف ويقعدها علي كرسي ويبص لها بعيون جودا ويقول بصوت جودا
لسة متاكدة انك ماتعرفيش هو فين
روح
ماعرفش. وابعد عني بقي
وتزق مراد بعيد عنها وتحاول تخرج من الشقة لكن مراد يتمكن منها ويقعدها علي الكرسي تاني ويضربها بالقلم فتتوجع روح وتصرخ تطلب المساعدة لكن جودا يقول لها
صوتك ماحدش هايسمعه الا انا. ارحمي نفسك من عذابي وعرفيني هو فين خليني اخد حق صاحبتك منه
روح
انت اكيد ساحر ملعۏن تبع الملك غادر وانت اللي خليته يرسم سهيلة ڠصب عنها
فيضحك جودا ويقول
حبك لي خلاكي تنسي ان ماحدش لي مصلحة من رسم سهيلة الا هو. علشان يسرق جسمها ويحرر جسمة من اللوحة
روح
فارس مش خبيث علشان
فيقاطعها جودا
فارس
اخبث انسان ممكن تشوفي. دة ببخلط السحر بالموهبة علشان يسيطر علي عقول وجسم
