تقف وترتعد من منظر زوجها وهو

مع ريم حياتى
الام فى سرهابس اختى كده ممكن تقاطعنى فيها ديه عامله حسابها عليك لسلمى بس انا اهم حاجة سعادة ابنى 
الاب ها يا أم عمرو ساكته ليه
الام والدموع فى عينيها اهم حاجة عندي سعادة ابنى 
عمرو وقام بتقبيل يد امه تسلميلى ....هروح اخطبها
الام تعالى هنا مابقاش ينفع تدخل اوضتها واصلامش عارفة ازاى هتعيشوا فى بيت واحد
عمرو أمى حبيبتى انا مرتب كل حاجة ماتخافيش وبعدين ديه بنت عمى يعنى هخاف عليها وعلى سمعتها اكتر من اى حد وبعدين انا بكرة هروح لحسين واخلص كل حاجة كان نفسي أعملها حفلة كبيرة بس مافيش وقت .....يلا بقا سيبينى

دخل ريم غرفة البنات ووجد فى وضع الجنين وتبكى بصوت مكتوم
عمرو بخضة مالك ياقلبي
ريم عمرو وارتمت في احضانه 
وبدأت تتحدث بصوت متقطع. ......هي مامامش هى اللي ربتنى..ليةماتوافقش عليا 
عمرو مين قالك انها ماوافقتش 
ريم أنا سمعتها.
عمرو هقولك على سر ويفضل مابينا..امى وانا حافظها هى كانت عايزنى اخطب سلمى عشان خالتو ماتزعلش مش عيب فيكى ياقلبي أمى بس انا ما ارضيتش احرجها وبعدين هى وافقت 
ريم وهى تمسح دموعها. ....... بجد
عمرو بجد ياقلبى يابنتى احنا ماقدرش أعيش من غيرك ده انتى حياتي ولو بعدتى عنى اموت
تداركت ريم نفسها انها فى حضڼ عمرو فأبتعدت عنه
عمرو ماكنا كويسين 
ريم خلاص بقا اخرج
عمرو مافيش مبرووك
ريم مبروووك
عمرو حاف. ....انا عايزها بالدمغه
ريم عمرررررو
مريم خلصوني ياست روميو وجوليت عايزة انام
ريم وهى تشعر بالاحراج الشديد عاجبك كده اخرج بقا
عمرو احبك لما تقلب طماطم 
مريم ورينى كده ....ووضعت يديها على رأس ريم ....الحق ياعمرو ديه ولعت
ريم بطلوا رخامة انتوا الاتنين
عمرو خلاص انا طالع بكرة تبقي معايا على طول 
وبعد أن ذهب عمرو قامت ريم بحضن المخده وقالت يارب بكره ده يجى بسرعة
مريم ياسلااام على الحب اندهلك عليه تحضنيه أحسن
ريم ياريت
مريم حاضر ...ياعمرو
ريم لمى نفسك
مريم هههههههههههههه نفسي تشوفى وشك فى المرايه
ريم رخمه ريم فى سرها يارب قرب البعيد

البارت الحادى عشر
ذهب عمرو بعد الفجر مباشرآ وانهى كل الأوراق المتعلقة بقبوله للقوات المسلحة وذهب مباشرة إلى عمله كان جميع من فى العمل يعلم انه يكون ابن عن صاحب الشركة .
صعد مباشرة لمكتب ابن عمه وطلب مقابلتة ودخل عنده .
عمرو بص ياحسين بقا من غير بشمهندس عشان جايلك فى موضوع شخصي .
حسين طيب قول صباح الخير .
عمرو ياعم صباح الخير والفل والياسمين وكل حاجة بس أنا مستعجل مستعجل .
حسين طيب خير ياعم المستعجل .
عمرو بص ياعمي احم احم ...انا يشرفنى اطلب ايد بنت حضرتك ....قصدى اخت حضرتك وواعدك احطها فى عيني وفى قلبي طول العمر .
حسين متفاجئ مما طلبه عمرو
عمرو ماسمعتش ردك .
حسين وانت عايزنى ارد عليك دلوقتي ....مش لازم افكر وآخد رأيها مش سلق بيض هو .
عمرو بس أنا سألتها وهي موافقه وبعدين انا هسلم نفسي للكتيبة آخر الاسبوع .
حسين طيب لما ترجع او لما تخلص خالص .
عمرو حسين لو انت مش موافق قول وعرفني ايه السبب .
حسين اهم حاجة عندى موافقتها .
عمرو تمام ساعة وتكون عندك وتسألها لومش عندك اعتراض خطوبتنا تكون قبل ما امشي .
حسين مش هينفع الكلام هنا احنا فى شغل
عمرو تمام نتقابل فى الكافيه اللي جنب الشركة واول ماتيجي هتصل بيك يلا سلام مؤقتآ
قام عمرو بالاتصال بريم للحضور فورآ وكانت فى الجامعة وكانت ريم قلقةمن نبرةصوته
حتي وصلت إليه
ريم مالك ياعمرو صوتك ماعجبنيش فيه ايه
عمرو طيب خدى نفسك الأول
ريم آخدته خير
عمرو أنا فاتحت حسين فى موضوعنا وكان عايز ياخد رأيك ...
ريم طيب فين المشكلة
عمرو المشكلة أنى حاسس أنه مش موافق مش حاسس انا متأكد .
ريم حتى لو هو انت شايفنى هوا......بص حسين اخويا الكبير وكل حاجة بس عمره ماكان مسئول عنى عشان يقولى اتجوز مين ماتقلقش ياعشقي..... يلا اتصل بيه
وبالفعل كان بعض نصف ساعة يجلسون جميعهم فى الكافيه
حسين عمرو ممكن تسيبنا شويه
عمرو تمام ان اذنكو وذهب وهو يشعر بالقلق الشديد
حسين ندخل فى الموضوع على طول.....عمرو قال انه عايز يتجوزك
ريم آه ماهو قالى قبل مايقولك
حسين من امتى وانتو على علاقة
ريم علاقة!!!!! انت ناسي اننا عايشين فى بيت واحد عمرو اول مرة يفاتحني فى الموضوع ده من يومين
حسين وانتي ايه رأيك
ريم موافقة
حسين بس انا مش موافق .
ريم ليه بقا إن شاءالله . 
حسين اتكلمى بأسلوب كويس .
ريم أنا آسفة بس عايزة اعرف السبب .
حسين مش من مستوانا .
ريم انت ناسي انه ابن عمنا....... ابن الراجل اللى ربانى وعاملنى زى ولاده .
حسين وانتى وافقتى رد جميل يعنى.
ريم لا طبعا انا وافقت عشان..... احم ......بحبه
حسين بصي ياريم لولا انتى ومراته مش متفقين كنت جبتك عشتى معايا وخرجتك من المستوى اللى اتعودتى عليه ..... ومش معني انى ماقدرتش اعمل كده يبقى اسيبك تكملى فيه بقية حياتك
ريم أنا بحب عشتى ومش معني انى اتربيت فى منطقة شعبية ابقي بيئة