صعيدية

ياستى الله يرضى عنيكى سامحينى وانى مستعده اعمل الى انتى ريداه 
بعدت عنها سعديه واتكلمت بقرف باعدى عنى ياكلبه !! انى رايده اعرف حاچه واحده امك كانت تعرف
هانم بسرعه لا ياستى جسما بالله ماتعرف حاچه ديه لو عرفت هتجتلنى بيدها 
سعديه انى كنت واثجه انها ماتعرفش بس بتوكد !! اطلعى بره وديه اخر مره المحك اهنه وانى ميشان خاطر امك بس مش هجول للحاچ ..بررره
خرجت هانم ودموعها مغرقه وشها وقفت سعديه تبص للورقه وهى بتكلم نفسها غلطاتك زادت جوى يابنت الزينى ولازم توجفى عيند حدك بجى 
راحت نحيه الخزنه فتحتها ورجعت الورقه مكانها واخدت نسخة المفاتيح خبتها عندها

تانى يوم فى فيلا العادلى صحيت تالا على صوت موبيلها ردت بنوم من غير ما تبص مين الو ..
طيب بزمتك فى حد صاحى من النوم صوته حلو قوى كده 
ابتسمت تالا وقامت قعدت على السرير اه فى حبيبى بيبقى قمر وهو صاحى 
جاسر بمكر وعرفتى منين انى ببقى قمر انتى لسه جربتينى
تالا اتكسفت وبعدين معاك بطل قلة ادب بقى 
ضحك بصوته كله على فكره انتى الى نيتك وحشه شكلى اتغشيت فيكى دماغك بتروح لحاجات انا مش قصدها
تالا بغيظ ياسلام يعنى انا الى طلعت قليلة الادب 
رد عليها جاسر بهيام احلى واطعم قليلة ادب فى حياتى 
ابتسمت تالا وردت بصوت هادى بس انا مش قليلة الادب 
جاسر بنفس الهمس قريب قوى هتبقى اخر قلت ادب 
تالا وبعدين معاك انت عايز ايه دلوقت 
جاسر وحشتينى عايز اشوفك
تالا بغلاسه قول لبابا 
جاسر ياسلام هى بقت كده ماشى هقوله لبابا اقفلى ياختى 
قفلت معاه وهى عماله تضحك الباب اتفتح ودخلت عليها بيرى لقتها بتضحك رسمت ضحكه على وشها وراحت قعدت جنبها بتضحكى على ايه على الصبح كده 
تالا ابدا ده جاسر 
بيرى بغيظ داريته ماله 
تالا ولسه بتضحك اصل كان عايز نخرج وانا قولتله يستاذن بابا فرد عليا باسلوب ضحكتى 
بيرى بصتلها قوى ويستاذن بابا ليه ده خطيبك يعنى عادى تخرجى معاه 
تالا بصتلها باستغراب لا مش عادى دانا حتى وانا فى لندن ماكنتش بشوفه غير فى الشغل يبقى بعد مابقى ليا اب ليه حكم عليا اخرج من غير اذنه 
سكتت شويه وبصت لبيرى بتردد هو انا ممكن اسالك سؤال 
بيرى بعدم اهتمام اسالى 
تالا هو انتى علاقتك ببابا متوتره ليه 
بيرى بصتلها قوى وحست بۏجع فى قلبها بس ردت عليها بالكدب لا ابدا علاقتى ببابا كويسه ليه بتقولى كده 
تالا قربت منها ومسكت ايديها انا حاسه انك تعبانه ومش بتتكلمى قوليلى ياحبيبتى انا اختك الوحيده لو مكنتيش تفضفضى معايا هتقولى لمين 
بيرى فضلت باصلها وساكته وشويه وقامت وقفت وهى بتبصلها بۏجع انا كويسه صدقينى لو فى حاجه هقولك عن اذنك
خرجت بيرى بسرعه على اوضيتها وتالا عنيها عليها واتنهدت بحزن على اختها شويه وتليفونها رن تانى كان جاسر ابتسمت وردت عليه الو 
جاسر نص ساعه والاقيكى جاهزه هفوت اخدك 
تالا قولت لبابا 
جاسر ابتسم هو عارف انها فرحانه بقربها من سليم اه ياقلبى قولت لبابا انى هخطفك انهارده كله يعنى هنفطر ونتغدا ونتعشى كمان مع بعض 
تالا فرحت طيب انا هجهز على طول سلام 
قفلت معاه وجريت لبست وجهزت نفسها ونزلت تشوف سليم وهنا قبل ماتخرج
عند بدر فتح عنيه لقى مريم قعده جنبه وعنيها عليه ومبتسمه ابتسم هو كمان صباح الجمال 
مريم صباح الخير ياحبيبى 
قرب منها قوى هو حبيبى صاحى من بدرى ولا ايه 
مريم امم من شويه يونس صحى قولت اقوم ااكله 
بصلها بحب واخد ايديها باسها ومصحتنيش ليه ياقمرى
رفعت ايدها على خده وبصتله بحب كنت عايزه افضل باصه عليك وانت نايم 
بدر لسه على ابتسامته هو انا حلو قوى كده 
مريم بهمس امم قوى 
قرب منها اكتر طيب حيث كده بقى تعالى قوليلى انا حلو قد ايه 
شدها لحضنه ولسه هيقرب منها وقفته بدر الشغل هتتاخر 
بص لشفيفها لا ما انا اجازه انهارده يعنى اعملى حسابك مش هسيبك الا لما تشرحيلى ملامحى بالتفصيل 
خلص كلامه وقرب منها بسرعه قبل ماتعترض تانى وفضل يسمع شرحها طول اليوم 
فى بيت الزينى كانت حسيبه مسكه تليفونها بتحاول تتصل بهانم وبرده مبتردش فجاه لقت صوت من وراها 
متتعبيش حالك مش عترد عليكى واصل
قامت حسيبه بسرعه وقفت سعديه !! 
سعديه ايوا سعديه ايه مالك مستغربه ليه 
حسيبه اتوترت ها وانى هستغرب ليه تعالى ياحبيبتى يااهلا واجفه عنديكى ليه 
قربت منها سعديه وبصتلها قوى ومدت ايدها بفلوس حسيبه استغربت ايه دول !! 
ابتسمت سعديه باستهزاء دول العشر تلاف چنيه الى ادتيهم لهانم ميشان تسرج حج اليتامى
حسيبه ببرود بس من جوها اتوترت انى مش فاهمه جصدك ايه وحج ايه الى بتحددتى عنيه 
سعديه بغل حج عيال الى انتى وچوزك جتلتيهم 
حسيبه جتل مره واحده وهما مين دول الى احنا جتلناهم 
سعديه بۏجع خيتى الوحيده واخو چوزك الى انتوا جتلتوهم ميشان تداروا على شغلكم فى الاثار 
قربت منها حسيبه وابتسمت باستهزاء ولما انتى فاكره ان احنا الى جتلناهم مابلغتيش عنا ليه عاد ساكتى ليه 
سعديه بقهره ميشان مكنش معايا ايتها دليل يثبت حديدى ولا حدا كان هيصدجنى بعد نواحكم انتى وچوزك عليهم اصل زى ما المثل جال يجتلوا الجتيل ويمشوا فى جنازتوا 
ضحكت حسيبه بصوتها كله انتى شكلك كبرتى وخرفتى بجى چيالى لحد بيتى ميشان تطلعينى جتاله وسراجه كمانى عشت وشوفت 
سعديه بغل وصوت عالى اسمعينى زين يابنت الزينى باعدى عننا بشرك انتى وچوزك وولدك وحج مريم ونچاة الله يرحمها ماتحلميش بيه انتى ساااامعه
مشيت سعديه وقعدت حسيبه بغل ماشى ياسعديه الكلب ماشى انى هعرفك مين هى حسيبه
فى بيت جاسر كانت صفيه قعده مستنيه جاسر وتالا وبتحضر الغدا سمعت صوت جرس الباب راحت تفتح وهى بتقول بصوت عالى طيب جايه انت يابنى مش معاك مفتاح 
فتحت الباب واتسمرت مكانها لما لقت نعيمه قدمها لما سكوتها طال اتكلمت نعيمه وهى الندم والۏجع باين عليها ازيك ياصفاء 
فاقت صفاء من صډمتها وردت ببرود حاولت تمثله كويسه خير 
نعيمه بكسره طيب ممكن ادخل 
صفاء قلبها ۏجعها بس مسكه نفسها سابتها ودخلت وورها نعيمه دخلت وقفلت الباب قربت منها نعيمه ودموعها نزلت مش كفايه كده عقاپ ياصفاء 
صفاء انا مش بعقبك انا بعدت عنك علشان اتقى شرك الى كان هيضيع ابنى منى 
نعيمه معاكى حق بس انا كمان بنتى بتروح منى وده عقاپ ربنا ليا 
صفاء ياريت تكونى اتعظتى بس 
نعيمه دموعها زادت ربنا عالم انى اتكسرت ومبقاش فى حياتى غير القهره والۏجع 
صفاء بدات تضعف انتى الى عملتى كده فينا وفى بينتك زرعتى جواها الحقد والكره بدال ماتعلميها تحب الناس خلتيها تكره نفسها ووصلتيها انها تنهى حياتها باديها 
نعيمه ڠصب عنى صدقينى 
صفاء لا يانعيمه مش ڠصب عنك انتى طول عمرك عايزه الدنيا تمشى من حواليكى وميبقاش فى حد احسن منك حتى لو على حساب انك تظلمى ونسيتى ان ربنا مش بيسيب حق مظلوم ابدا 
نعيمه سامحينى وخليكى جنبى ارجوكى انا محتجالك
قوى 
وقفت صفاء مش عارفه تعمل ايه لقت جاسر من وراها بعد مادخل هو وتالا وسمع كلامهم خلاص بقى ياست الكل قلبك ابيض خالتوا عرفت غلطها وندمت عليه
بصت لجاسر ورجعت بصت لنعيمه قربت تالا منها ومسكت ايديها حبيبتى انا عارفه