لمار ودياب بقلم أميرة أسامة
الكل...
بعد شويه نزل والده اعدو يضحكو ويهزرو شويه مع بعض.. انس دايما بيغير الجو العام للبيت من ضحكه وهزاره كلو مع بعض... واستأذن اخيرا منهم وراح على شغله....
...........
وصل انس ودياب القسم..اعدو مع بعض شويه...وراح انس على مكتبه...
فضل دياب مشغول دماغه مش مبطله تفكير في لمار.
واخيرا قرر يبعتلها العسكري ويجبها...
فتح الباب... العسكري.. تمام يا افندم.
دياب... خليهم يعملولي القهوه بتاعتي وهاتلي المتهمه من تحت.
العسكري... تمام يا افندم
................
عند لمار... كانت اعده من ساعة ما رجعت من المحكمه شويه تنام وتحلم حلم وحش وتقوم مفزوعه شويه وتاعد.. كان اليوم طويل عليها لدرجه ټقتل....وطول الوقت ذكرياتها بتهاجم عقلها ومش مبطله تفكير حاسه بصداع رهيب وبالم في راسها فظيع حاسه بهبوط مش بتاكل كويس خالص يادوب كل ما تحس انها مش قادره تستحمل تاكل حاجه بسيطه...
فلاش..بااااك.
ناريمان...... افتحي الباب يا لمار..
لمار...وهي متشعلقه علي سلم خشب بتعلق بلالين... تعالي ياماما انتي انا فوق السلم.
ناريمان...صبرني يارب..
خرجت ناريمان تفتح...
خالد...ساعه عشان تفتحو امسكي دراعي وجعني.
ناريمان...ايه ده كل اللي انت جايبه ده...
خالد...باستغراب.. بتعملي ايه عندك يا اخرت صبري.
لمار... بعلق بلالين عشان راس السنه..
خالد...وهي رأس السنه بيتعلقلها بلالين... هي مش كان المفروض شجره...
ناريمان...انت كمان بتصححلها المعلومه...ده بدل ما تقولها حرام...الاحتفال اصلا.
خالد...ياستي ايه اللي حرمه بس احنا بنحتفل بسنه جديده...عادي يعني سيبي البنت تفرح.
لمار.... ياستي اهو نفرح مفيهاش حاجه..دي سنه جديده يعني نستقبلها كده بزينه ونبقي مبسوطين.
ناريمان.. وهي بترفع ايدها باستسلام هو انا قولت حاجه نحتفل ياست لمار منحتفلش ليه.
لمار...ايوه كده فكيها يا نونو..
خالد...اما انا بقي جبتلك شويه حجات تعالي يالولي اتفرجي..
نزلت لمار بسرعه... وريني يالودي..
لمار...انا من غيرك صدقني معرفش كنت هعيش ازاي حبيبي يا لودي...وحضنته...
خالد...ربنا يخليكي ليا...اه صحيح استني كنت هنسي..خدي جبتلك التوكه بتاعت بابا نويل دي عشان تلبسيها مع الترنج اللي جبتيه..وتبقي بابا نويل بحق وحقيقي..
لمار...يعيش لودي يعيش لودي يعيش لودي..
بااااااااااك.
مسحت لمار دموعها...لما
سمعت صوت الباب بتاع الزنزانه بيتفتح..
العسكري...قومي معايا دياب باشا عايزك في مكتبه...
قامت لمار معاه...وطلعت على مكتب دياب...
خبط العسكري...
دياب ادخل...
فتح العسكري... المتهمه يا دياب باشا.
دياب... سيبها واخرج واقفل الباب.
العسكري...تمام يا افندم...
وقفت. لمار باصه فالارض من غير ولا كلمه
دياب..اعدي يالمار.
راحت لمار ادامه عالكرسي مشيت براحه واعدت كان باين علي عنيها ووشها الاحمر انها معيطه
دياب...تحبي تشربي حاجه.
لمار..........
دياب...ايه هترجعي تسكتي تاني...بقالي اسبوعين بحاول اكلمك ومبترديش لحد ما فقدت الامل انك مش بتسمعي مع اني عارف انك بتسمعي بس اقنعت نفسي بكده لحد ما سمعت صوتك انهرده...واتأكدت انك بتسمعي وبتتكلمي كمان...واتأكدت كمان انك جريئه
بصتله لمار...باستفهام..
دياب..مستغربه اني شايفك جريئه...طب حطي نفسك مكاني واحده عارفه انها هيتحكم عليها بالاعډام ومع ذلك اعترفت فالمحكمه بكل جرأه وقالت انها قټلت وانها عاقله وبتنفي اي كلام ممكن يشكك في سلامة قواها العقليه وواقفه مش خاېفه من المت...تبقي جريئه ولا لا...
لمار....ساعات المت بيبقي راحه..وامان وساعات المت اللي الناس پتخاف منه بيبقي احن من الحياه اللي احنا عايشينها
دياب...مستغرب طريقتها ونضجها فالكلام مستغرب انها اتكلمت معاه اخيرا مرضيش يعلق عشان تفضل تتكلم...
دياب...يمكن الحياه تكون قاسيه....بس مش كل ما هنتحط في موقف صعب نستسلم ونهرب للمت..ونظهر ادام الناس بصوره وحشه...هي مش بتاعتنا...
ونبعد ليه عن ناس بنحبهم
لمار..... ولما ظهرت بصوره حلوه تفتكر عجب الناس... بالعكس... ده قالو عني اللي مش فيا يبقي ناس مين اللي افكر اعمل حسابهم وناس مين اللي افكر اقرب منهم
دياب...خلي الناس كلها وحشه بس اكيد فيهم حد بيحبك زي صحبتك ووالدتك...
لمار...بسخريه...يااااااه اد كده الدنيا الناس اللي فيها بقو يتعدو.
دياب...انا لو هخسر كل الناس وشايف ان كلهم بيكرهوني وواحد بس فيهم بيحبني هفضل متمسك بيه...بس انتي كده بتستسلمي....لازم تتكلمي يالمار لو حقيقي انتي مقتلتيش والدك..
لمار....صدقني مش كل حاجه بتتقال......يمكن الفضفضه بتريح يمكن الكلام مع شخص بتحبه بيحسن من حالتك النفسيه...يمكن لو ليك حد في حياتك غالي عندك تقدر تقوله اسرارك وانت متطمن...صدقني يمكن يكون عندي الشخص ده كارمن صحبتي بس اوقات بتحس ان في اسرار مينفعش تتقال وعشان ترتاح من حمل السر ده لازم ټموت وېموت السر معاك..
دياب....انتي متأكده انك عندك 18 سنه..
لمار......بابتسامه حزينه احيانا لما بتشيل شيله صعبه عليك الشيله بتكبر سنك يمكن تبان صغير بس كلامك بيبقي سابق سنك بسنين ۏجع وسنين تعب وسنين الم وسنين كسره وسنين غدر وسنين خذلان ووسنين خيبه امل تخيل بقي لما تجمع كل دول السنين دي وتحطهم علي واحده عندها 18 سنه....
دياب....لمار ليه مصممه تظهري مذنبه..
لمار....عشان انا فعلا مذنبه. وصدقني انا قټلت ابويا بايدي...ولو رجع بيا الزمن هقتله تاني وتالت ورابع...
ياريت..تقتنع بده عشان صدقني معنديش كلام غيره
ممكن انزل بقى
دياب...حس بحزن غريب ولاول مره يبقى بيحاول يقنع المتهم انه
