ممنوع دخول الاطفال

ولما فتحته لقيت فيه مجموعة صور وكمان خمس مفاتيح .. حتي انا فكرتهم مفاتيح الاوض الخمسة اللي انت قافلهم
عبدالباسط .. قالتلك ايه بالظبط !! واوصفيلي شكلها
اميره .. قالتلي انها ضحېة من ضحياك .. هي صغيره مش كبيره في سني تقريبا .. جميلة وشعرها اسود لامع وطويل .. اديتني الصندوق وهي بتقول حررينا من فضلك
عبدالباسط .. نانسي !!

اميره .. مين نانسي !!
عبد الباسط .. واحدة من مرتاتي اللي قبلك
اميرة .. اللي انت قټلتهم !!
عبد الباسط .. انا مقتلتش حد .. هو اللي قټلهم
اميرة .. مين هو اللي قټلهم .. اتكلم !!
عبد الباسط .. قلتلك جابر العنيد .. ساحر ملعۏن
اميرة .. وقټلهم ليه وعشان ايه بالظبط !!
عبد الباسط .. قټلهم عشان اختي ترجع بني آدمة تاني بعد ما اتحولت ل ديب مخيف الناس عايزة تقتله عشان ميآذيهاش .. عشان كدا حبستها في البيت المهجور ده لحد ما تتحرر وترجع انسانه تاني
اميرة .. بعد ما طبعا تقتلني عشان يبقوا ست ارامل صح !! انا سمعتها بتقلك كدا
عبد الباسط .. قلتلك انا مبقتلش حد .. هو اللي بيعمل كل حاجة وبينفذ كل شئ وانا مجرد وسيلة مش اكتر
اميره .. احكيلي بالظبط .. ايه الموضوع !!
عبد الباسط .. هقلك .. انا وانا صغير كنت غبي جدا جدا ومخي تخين واستيعابي ضعيف من الاخر كنت طفل بليد مستقبله باهت عنوانه الفشل .. والدي كان طبيب اټوفي وانا كنت في الثانوية العامة وكان حلمه هو وامي اني ادخل كلية الطب وابقي دكتور ناجح ومشهور .. بس ازاي يحصل وانا كنت بنجح يدوب علي الحركرك ..اختي راوية دي اكبر من بعشر سنين عكسي تماما .. ذكاء وتفوق وسرعة بديهة خلتها نجحت في الثانوية العامة بمجموع كبير ودخلت كلية الطب كمان واتخرجت منها بتقدير ممتاز .. المهم ضغطت علي نفسي بكل الوسائل ونجحت في الثانوية العامة وجبت ٧٠٪ وطبعا دا مجموع ميدخلش طب .. قلت احسن اهي جت لوحدها وانا اصلا مش راغبها لأني مش هنفع فيها .. امي واختي اصروا اني ادخل الطب وقدمولي علي كلية الطب في السويد وقعدت سنه هناك وبعدها حولت جامعة القاهرة .. كانت ايام صعبه بالنسبه لي وسقطت في البكالوريوس ٣ سنين وبعدها نجحت بتقدير مقبول عشان ابقي بعدها دكتور فاشل واتخصص جراحة واول عمليه عملتها في حياتي كانت زايدة لواحد غلبان ماټ وانا بعمله العمليه وبعدها ادمرت نفسيا
وفلاش باك حيث يتذكر عبد الباسط هذا الموقف المؤلم
راوية .. ممكن اعرف انت بټعيط ليه دلوقتي !!
عبد الباسط .. بعيط لأني فاشل .. فاشل في كل حاجة وتفكيري محدود وقليل الحيلة .. انا قلتلك يا راوية مش هنفع في كلية الطب وانتي صممتي ادخلها ونجحت فيها بتقدير مقبول بعد ما سقطت ٣ سنين في البكالوريوس .. وادي النتيجة !! قټلت الراجل بإيديا دول .. لأني فاشل ومنفعش اكون طبيب
راوية .. بس دا كان حلم ماما الله يرحمها .. وانا كان كل هدفي انك تحقق حلمها مش اكتر
عبد الباسط .. ومن امتي احلامنا كلها بتتحقق !! حلم ماما ده كان اكبر مني ومن امكانياتي وادي النتيجة الحلم اتحول لكابوس مؤلم
راوية .. بالعكس الحلم علي مقاسك بالظبط ومتفصل
عليك وهيتحول لواقع جميل هتفخر بيه كمان وهتشوف ان ما بقيت احسن دكتور في العالم كله وهيبقي عندك مستشفي في كل بلد في العالم والفلوس والشهرة هيجروا وراك
عبد الباسط بسخريه .. ودا ازاي يحصل بقي .. بفشلي !! ولا بغبائي!!
راوية .. لا بالعنيد
عبد الباسط .. ايه !! مين العنيد ده !!
نرجع تاني ل عبد الباسط واميرة
عبد الباسط .. طلع العنيد ده ساحر اسمه جابر العنيد عاش طول عمره في الهند واتعلم السحر الاسود واتمكن في كل فنون السحر .. المهم هي قالتلي نرحله ويعملك حاجة تخليك تبقي شاطر ونابغ في مجالك .. انا بصراحة اخدت الامر بكل تريقة .. بقي في واحد يقدر يحول انسان غبي وفاشل لإنسان ذكي وناجح !! انهي قوة في الدنيا تقدر تعمل كدا !! معرفش ان زي ما بيتحول الانسان من ناجح ونابغ الي انسان فاشل وامعة بالسحر ممكن يحصل العكس ..المهم روحناله وقبلناه وقالنا ساعتها
جابر العنيد .. بسيطة اخد من ذكائك واوهبه ل عبد الباسط
راوية .. وانا موافقة بس ينجح ويبقي احسن دكتور في الدنيا كلها
عبد الباسط .. انا اعترضت لكن هي اصرت فوافقت لكن بعد ما فضل يقول الطلاسم بتاعته اللي انا مكنتش فاهم معناها لقيت راوية جسمها ۏلع ڼار وبقت تهرش جامد وبدون سبب ومفيش ساعة ولقيتها اتحولت ل ذئب بشع ولما سألته ايه اللي حصل قالي خطأ غير مقصود في التعويذة بس رب ضرة نافعة قالي اني هبقي مشهور جدا وعندي فلوس كتير وهيبقي ملازمني جني ذكي جدا هو اللي هيخطط