عريس لقطه

السودة يا نا 
قرب مني ولقيته بيفك زراير قميصه كده وبيقلع طلع هوا فررررررج 
قرب مني ..
طلعت اجري منه وقعدت في ركن الأوضه واصوت واعيط عاااااااا
فجأة الاقي قلم نازل علي وشي 
العسكري ايه بقالك ساعه بتصوتي انت مجنونه يا بت انتي حد عملك حاجه 
..ايه ده انا بتخيل الحمد لله الحمد لله 
العسكري يعني من دقيقه كنتي بتصوتي وبتعيطي ودلوقتي بتضحكي انتي هبله 
..شوف مودينا علي فين يا دفعه يلا واتقي الله في اكل عيشك عشان ربنا يباركلك واياك والظلم ويا بخت من ماټ ولسه عايش ويا بخت من وفق راسين في الحلال واجري جري الوحوش ياتلحق القطر يا ما تلحقهوش ..
ماما والعسكري 
..ايه في ايه 
العسكري بيقول لماما هيا ترلولي ولا أيه 
ماما يعني شويه صغيرين 
العسكري صغيرين بس ماشي 
دخلنا العسكري مكتب الظابط ولقيت فارس قاعد وبابا موجود برده 
والظابط متعصب جدا مش عارفه ليه الهي اشوفك بلبوص في عز البرد يا حسن يا بن بهانه وماتلاقي اللي يغطيك الهي تقع في بلاعه وماتلاقي اللي يحميك 
فارس بقلق انتم كويسين حد عمل فيكم حاجه 
..كان دقيقه كمان ونطلع من هنا علي المستشفي بس الحمد لله ربنا ينتقم من اللي
كان سبب بهدلتنا الهي اشوفه متكهرب من سلك عريان ما يسبهوش الا لما تطلع روحه الهي يقابل كلب مسعور ينهش في لحمه ما يسيب حته سليمه الهي ي...
حظابط ايه ما خلاص 
انا وانا بجز علي سناني أوامرك يا باشا اه لو مين يمسكني رقبتك كنت قرمتها لحد ما تطلع في أيدي زمارة رقبتك 
فارس انتوا هتقضوا الليله هنا لما اشوف حل وماتقلقوش أن شاء الله هتخرجوا 
..طب ازاي عملتها ازاي ..
حظابط ازاي يعني بالكوسه والبرنجان يعني هيبقي بايه 
..احلي كوسه وبرنجان دي ولا ايه أن شاء الله يخليك ليا ويحميك ويسترك وياخد كل الناس اللي السبب في المشاكل دي يا فارس يا ابن.....
الا صحيح امك كان اسمها ايه يا فاروستي 
فارس اسمها زينب ربنا يرحمها 
..يارب يرحمها ..
بابا كتر خيرك يا بني انت ابني اللي مخلفتهوش 
ماما الخير لسه موجود يا دوله هوا صحيح في ناس ناقصين وولاد حرام بس الخير اكتر وبتبص علي حظابط باشمئزاز وڠضب
فارس انتم اهلي اطمنوا أن شاء الله هتطلعوا وهحاسب اللي عمل كده وهاعقبه اشد عقاپ 
حظابط احم ...يلا يا استاذ انا وانت هنمشي وهقفل عليهم الباب للصبح نكمل التحقيقات الوقت أتأخر. .
فارس يلا 
ما تقلقوش هتخرجوا أن شاء الله بكره ..
حظابط هههه في البطاطا 
فارس بيمد رجله وحظابط ماشي بيتعنقل فيها وبيقع علي وشه 
فارس يقطعني انا اسف يا حضرة الظابط 
حظابط اتفضل يلا يا استاذ
قام حظابط من علي الأرض وهوا متعصب وطلع فارس وقفل الباب علينا بالمفتاح...
فارس ده عوض من ربنا لينا كلنا ل بابا اللي كان نفسه يبقي ليه ولد يشيل عنه همنا وهم الايام ويبقي ليه سند وماما اللي من يوم ما شفته حبته وليا انا اكتر واحدة هوا اكتر حاجه حلوة حصلت لي في حياتي هوا عوض ربنا ليا هوا سندي وضهري بعد ربنا وبابا 
..............
فارس في الشارع. ..
مسك تليفونه الوووو ايوه يا سيف تعالي ليا تحت بيت حنين ..
سيف ايه انت وحشتك التلاجه ولا ايه هنروح بالليل كده نعمل أيه 
فارس اخلص بسرعه وبلاش غلبه يلا 
سيف اه يا متبهدل يا نا طيب جاااي 
..............
في مكتب حضرة الظابط.....
لقينا اللي بيفتح الباب ...اصل اكيد مش هنام في ظروف زي دي ...
حظابط ههههه منظركم تحفه 
..سم 
حظابط بقا انا اترفض ههههه اديكوا شفتم انا اعرف اعمل أيه
كنت مفكرة يا استاذة حنين تعمليني شخشيخه في ايدك وتخلي حبيب القلب يغير عليكي بيا وانا ابقي لعبه ما بينكم هوا عشان كنت طيب معاكي تعملي كده طب لما بتحبي واحد تاني ليه خلتيني يبقا عندي امل ليه علقتيني بيكي 
..علقتك ايه انا عملت معاك ايه يخلي عندك امل بهزر بضحك دا لو اللي خلاك تفكر اني بحبك ما هو مش كل حد ضحكتله أو كلمته حلو يبقي اتجوزه دا انا كده اتجوز مصر كلها 
بابا ما شاء الله عرفتي تربي يا حاجه 
ماما اومال 
حظابط بص شوف حظابط هيعمل ايه 
..فاروستي حبيبي هايعلقه من رجليه نيهاهاهاه..
ماما طول عمرك لسانك اطول منك اسكتي يا بنت الهبله 
..ايه اللي قلقك يا ماما حد يبقي معاه الملك وېخاف من الوزير 
حظابط ماشي
..اعمل اللي تقدر عليه كله في الفاضي يا سوسو 
حظابط سوسو 
وخرج وقفل علينا الباب ...
يمكن كان مستني يشوفنا مكسورين أو نقعد نستسمحه عشان يحن علينا ويطلعنا بس لأ انا قهرته ابن الوارمه ده اللي معاه الملك ما يخافش من الوزير ....يتبع ..
متابعه لصفحتي الشخصيه ولاف ورأيكم قبل اي حاجه
هل استفزاز حنين لحظابط ممكن يخليه يعمل حاجه وهل فارس هيعرف يطلعها وليه فارس قال ل سيف يستناه تحت بيت حنين توقعاتكم مع ان انا محدش يتوقعني 
اللي عايزني اشوف تعليقه يمنشن لي ..
ولسه اللي جاي تقيل مع كاتبه الجيل اوديكي فين يا ثقه نيهاهاهاهاهاه 
اقروا الروايه الجديدة المغامرة المجنونه