عيالي اتبروا مني

الام:وهو جوزك حيلته كام علشان يدي ليها

شيماء:اقسم بالله لآخرب بيتها

الام:وهو انتي عارفه هي فين

شيماء:البوليس يوصلها بقي

الام:لا بوليس لا علشان بنات اخوكي

شيماء:يتحرقوا اوعي كده

الام:شيماء يا شيماء خدي هنا تعالي وفعلا راحت قدامت الوصل في النيابه وقالت إن هي كانت واخده من احمد 50الف جنيه وكانت في يوم كوثر بتطلع بدل فاقد للبطاقه بعد ما انكسرت وتم القبض عليها

كوثر: انا عايزه اعرف انا مقبوض عليا ليه

الظابط:عليكي وصل امانه ومش سددي حقه لاصحابه

كوثر:انا بدفع القسط والله كل شهر

الظابط:بتدفعي لمين

كوثر:لصحاب المحل

الظابط:اصاحب محل اي ورثه احمد ناجي عايزين حقهم

كوثر:ومال احمد ناجي بالموضوع ده يدوب بيشتغل في المحل

الظابط:انتي هتستعطبي يابت

كوثر:والله انا مش فاهمه حاجه خالص

الظابط:شيماء مرات احمد ناجي جت سلمت وصل الامانه وقالت إن كنتي وخده من جوزها 50الف جنيه

كوثر:وربنا ما حصل يا باشا والله انا  خد بس ماكينه خياطه من صاحب المحل اللي شغال في احمد مش اكتر ومضيت علي وصل امانه لحد ما اسد المبلغ

والظابط أمر بطبط وإحضار صاحب المحل

شيماء:والله لوديها في داهيه

الام:حرام عليكي يا بنتي ليه كده خالص بقي سيبها تربي عيلها

شيماء: والفلوس اللي خدتها من جوزي

الام:مش قالت إن كان الوصل ده لصاحب المحل روحي واسالي

شيماء:اه صحيح عندك حق

الام: انا غلط في حق مرات اخوكي والنبي سيبها تربي العيال بقي

شيماء:خليكي انتي علي جنب يا امي والنبي وراحت شيماء للمعلم ابراهيم صاحب المحل

شيماء:مساء الخير

ابراهيم:اهلا اهلا اهلا اومري يا ست الكل تلاجه غساله اي شي تحت امرك

شيماء:انا مرات احمد اللي كان شغال هنا

ابراهيم:معقول اتفضلي ارتاحي ده كان احسن حد شغال عندي هنا والله الله يرحمه

شيماء:انا كنت عايزه اعرف هو احمد كان مسلف فلوس لكوثر

ابراهيم:مين كوثر اه مرات اخوكي صح

شيماء:هو انت تعرفها

ابراهيم:اه الله يرحمه جوزك بقي كان عايز ياخد الاجهزه بتاعت الجواز من عندي

شيماء:جواز مين مش فاهمه

ابراهيم:جواز احمد علي كوثر

شيماء:ينهار اسود ومهبب

ابراهيم:ده كان مديها فلوس كمان

شيماء:والله لخرب بيتها خطا@فه الرجاله دي 
ابراهيم:اوعي تزعلي نفسك علي ناس واطيه زي دي

شيماء:ربنا يولع فيه مكان ما راح بقي

ابراهيم:انتي الف راجل يتمناكي والله

شيماء:طيب انا عايزه منك طلب يا استاذ ابراهيم

ابراهيم:انتي تومري تحت امرك

شيماء:انا عايزك تقول الكلام ده في النيابه

ابراهيم:طبعا هقوله انا لازم اقول الحق لو علي رقبتي والله

شيماء:كلك ذوق والله

ابراهيم:وقلبي طيب اوي

شيماء:مع السلامه

ابراهيم:رايحه فين استني هخلي السواق يوصلك 
شيماء:لا مش مستهله

ابراهيم:والله ما يحصل اصبري وتاني يوم راح النيابه وشهد بالكلام ده
وتم حبس كوثر 3سنين