عبق الماضي

بالفعل أحتجز أحمد داخل المشفي مدة أسبوعان و قد تحسنت حالته بعض الشئ بفضل جرعة الأدوية المناسبة لحالتة والتي قررها الاطباء بعد مراقبة حالته و الفحص الجيد له و لكن اخبرهما الطبيب ان هذا التحسن للأسف سيثبت عند هذا الحد لأن الحالة معقدة و النهاية الحتمية له هي المۏت الأكيد و كل ما بيدة ليفعلة لأجلة هو أن يحقنه بالمسكنات المناسبة كي يمارس حياته دون أن يشعر بذاك الألم الممېت 
جاء حسن من أسوان إلي المشفي لمؤازرة شقيقته الغالية التي إنقلبت حياتها رأس علي عقب فور تلقيها خبر مرض زوجها القاټل 
جلس بجانبها بعد أن إصطحبها إلي الأسفل داخل حديقة المشفي لتتنفس الهواء النقي و لو قليلا بعيدا عن رائحة الأدوية التي تقبض النفس و تؤرق النفس
أمسك كف يدها و وضعه بين راحتيه بحنان و تحدث إليها بإطمئنان ٠٠٠ مټخافيش يا حبيبتي إن شاء الله أحمد هيقوم بالسلامة و هيبقا كويس و زي الفل !!
ردت عليه متلهفة بنبرة ضعيفة ٠٠٠ إدعي له يا حسن إدعي له و إنت بتصلي إن ربنا يشفيه و يقوم لي أنا و أولاده بالسلامة
أجابها بإبتسامة حانية كي يضع الطمأنينة داخل صدرها ٠٠٠ إن شاء الله ربنا هيشفيه يا حبيبتي و هيرجع أحسن من الاول كمان. خلي يقينك بربنا كبير يا ثريا !!
أردفت قائلة ٠٠٠ و نعم بالله العلي العظيم
دلف عز من بوابة المشفي بعد إنتهاء دوام عمله كي يقوم بزيارة أخيه و متابعة تطور حالته مع الاطباء مثلما يفعل كل يوم منذ أن تم إحتجاز أخيه بالمشفي
وجدهما يجلسان فأقترب منهما و أحتضن حسن برعاية و حنين و جلس الجميع ثم تحدث إليه بنبرة ملامة ٠٠٠ مش ناوي تعقل بقا و ترجع تنور بيتك و لا آية يا باشمهندس
نظر له حسن و تحدث إلية بنبرة حزينة ٠٠٠ تقصد البيت اللي إتطردت منه قدام العيلة كلها يا عز 
تنهد عز بأسي لاجله و تحدث إلية بتعقل ٠٠٠ و أية المشكله يعني لما أبوك إتعصب عليك و قال لك كلمتين بايخين في وقت زعله و بعدين اللي حصل بينكم ده حصل بين إخواتك و ولاد عمك اللي هما بردوا اخواتك فياريت متكبرش الموضوع و تدي له حجم أكبر من حجمة
ثم أخذ نفس عميق و تحدث بهدوء ٠٠٠ إرجع يا حسن البيت قبل الفجوة اللي بينك و بين عمي ما تكبر و ساعتها هيبقا صعب تصفوا لبعض تاني و ترجعوا مع بعض زي الأول
أردفت ثريا قائله بتأكيد علي حديث عز ٠٠٠ عز عنده حق في كلامه يا حسن البعد بيولد الجفا يا حبيبي و ده مهما كان أبوك و ما ينفعش تقاطعة بالشكل ده !!
أردف حسن متمللا برجاء ٠٠٠ أرجوكم يا جماعة سيبوني علي راحتي و ياريت ما تضغطوش عليا أكتر من كدة أنا مش راجع البيت غير لما بابا يقتنع برأيي و يديني الحق في إني أختار البنت اللي هعيش معاها باقي حياتي
صمت كلاهما بإحباط من عناد ذاك الحسن و أباة 
و بعد زيارته القصيرة تلك سافر مباشرة مرة أخري إلي أسوان دون رؤية والدية كي يضغط عليهما بالرضوخ لزواجة من سمراءة
و بعد عدة أيام خرج أحمد من المشفي و آجبر علي الإعتياد علي الأدوية و زيارة المشفي بين الحين و الأخر لتلقي العلاج اللازم 
بعد مرور عدة أسابيع أخر
داخل منزل دياب بأسوان الحبيبة
في الصباح الباكر و بعدما تناول الجميع وجبة إفطارة و ذهب كل إلي وجهته دياب إلي أرضه ليرعاها و يسعي علي رزقة و رزق أطفالة 
و بسمة إلي عملها داخل البزار و الصغار إلي مدارسهم
كانت الجده تجلس فوق الدكة الخشبية كعادتها و تربع ساقيها بإسترخاء ممسكة بمسبحتها التي تسبح الله و تذكرة بلسانها بخشوع خرجت إليها سعاد و هي تحمل صنية بين يديها موضوع عليها كوبان من مشروب الشاي الدافئ
وضعت سعاد ما بين يدها فوق الدكة ليتوسطها هي و أم زوجها ثم جلست و تحدثت و هي تناولها كأس الشاي بيدها ٠٠٠ الشاي يا أما
تناولت الجده منها الكوب و أردفت قائله بوجة بشوش ٠٠٠ تسلم إيدك يا بنتي
و بدأ إثنتيهما بإحتساء المشروب ثم تساءلت سعاد بنبرة بائسة محملة بالهموم ٠٠٠ و بعدين يا أما هنعمل أية مع اللي إسمه ناجي اللي واقف حال البنت ده ده تاني عريس ييجي لها من وقت الجدع بتاع إسكندرية ما مشي و ناجي يهدده و يطفشه من برة حتي من غير العريس ما يرجع يعتذر و يقول أيه أسبابه
كانت الجده تستمع إليها بهدوء و ملامح وجه مستكينة ثم أجابتها بيقين ٠٠٠ سيبي كل حاجة لربنا و سبحانة و تعالي كفيل بإنه يحلها و يعدلها يا سعاد إحنا في حالنا و كافيين غيرنا شرنا و متوكلين عليه و هو شايف حال قلوبنا إزاي مسالمة و