عبق الماضي

و لا لاء
و ما أن إنتهي الضابط من حديثه حتي إستمع إلي صياح أحد العساكر الذي كان يأتي مهرولا من خلال رواق المشفي متحدث و هو يلهث قائلا ٠٠٠ إلحق يا حضرة الظابط إلحق يا حضرة الظابط
نظر له الضابط بإستغراب من حالته و تساءل مستفهما ٠٠٠ فية أية يا عسكري 
نظر له الضابط بإستغراب من حالته المزرية و تساءل مستفهما ٠٠٠ فية أية يا عسكري إنطق 
تحدث العسكري بأنفاس لاهثة متقطعة ٠٠٠ فية باخرة سياحية قدمت بلاغ من حوالي ساعة قالت فيه إن القبطان لاحظ تقل في حركة الباخرة و لما الغطاس نزل يشوف الريشة فيها أيه لقي سجادة كبيرة محشورة في الريشة و جزء منها مقطوع
و أكمل لاهث ٠٠٠ طلع و طلب كذا غطاس معاه علشان يعرفوا يسلكوا السجادة لأنها

كانت مربوطه بحجارة تقيلة و صعب يتحكم فيها لوحدة و هما بيخرجوها هو و زمايلة من الريشة لقوا جواها چثة مقطوعه نصين 
خرجوها و طلعوها برة علي المرسي و فيه شهود من اللي كانوا واقفين شافوا الچثة و أتعرفوا علي وش القتيل اللي الريشة مجتش جنبة و كان سليم تماما
و أكمل بنبرة لاهثة من حديثه المتلاحق ٠٠٠ و الچثة دي طلعت للمتهم اللي حضرتك أمرت بضبطة و إحضارة يا باشا
ضيق عز عيناه و وجه تسائلا إلي العسكري بفطانة ٠٠٠ إنت تقصد إن الچثة اللي خرجوها طلعت چثة اللي إسمة ناجي 
هز العسكري رأسه بإيماء سريع و تحدث إلي عز بإعجاب ٠٠٠ عفارم عليك يا أفندي هو كدة بالظبط !
حولت بسمة نظرها سريع و نظرت إلي والدها بعيون حزينه مټألمة لأجل إبن عمها أما دياب الذي وضع يده فوق مقدمة رأسة و ظهر الألم و التأثر فوق ملامحه الحنونه فمهما كان ناجي خاطئ و تغلب الشيطان علي رأسه و تملك منه إلا أنه يضل إبن شقيقه الغالي رحمة الله عليه عبدالسلام طيب القلب الحنون
نظر الظابط إلي عز الذي تحدث بغموض ٠٠٠ ده كدة الموضوع وسع أوي يا حضرة الظابط
ثم أكمل أمرا ٠٠٠ يلا بينا نتحرك أنا لازم أحضر التحقيق ده و أطلع علي كل المعلومات اللي جمعتوها بنفسي
تحدث دياب بإنكسار و تألم ٠٠٠ و أنا جاي معاكم يا بهوات عشان أتأكد إذا كانت الچثة فعلا بتاعت إبن أخويا و لا لاء
ثم نظر إلي إبنته و أردف أمرا ٠٠٠ روحي علي البيت حالا يا بسمة و خليكي مع جدتك زمانها عرفت بالخبر و تعبانه الأخبار الشوم بتوصل بسرعة
نظرت إلية بإستعطاف و أردفت قائله بترجي ٠٠٠ علشان خاطر ربنا يا بابا تخليني هنا لحد حسن ما يخرج و أطمن علية و بعدها أوعدك إني هروح علي طول
نظر لها بإستسلام و ضعف فكيف يجبر قلبها العاشق علي الرحيل و الإبتعاد عن متيمها 
و تحرك مع الظابط و عز و باقي القوة
أما ثريا التي نظرت إليها بتعاطف شديد و ذلك نظرا لحالتها المشتته ما بين حبيبها و متيم عيناها الراقد بالداخل يصارع الحياة في جولة نتائجها غير مضمونة إما أن يخرج منها ناجي بحياته و حياتها أم ستهزمه هي و تنتصر عليه و يخرج من تلك الغرفة چثة هامدة و ما بين إبن عمها الذي قټله الحقد و الشړ و إتباعه طريق الشيطان بلا رجعه
إقتربت منها ثريا و تحدثت إليها ٠٠٠ البقاء لله يا بسمة
أجابتها بدموع قد خانتها و نزلت متدفقة رغم عنها ٠٠٠ لا إله إلا الله
أما داخل مكتب المدعو مجدي الذي تلقي پجنون خبر ظهور الچثة بعد حدفها بعدة ساعات فقط لا غير
فقد دبر بدقة فائقة لكل شئ و أجاد رسم خطتة بكل تفصيلها و لكن تأتي إرادة الله فوق إرادة الجميع فقد تحركت الچثة بفضل سرعة الرياح المفاجئة و قبل أن تستقر في القاع للأبد إصطدمت بريشة الباخرة و حشرت بداخلها ليكشف أمرها و أمر مدبرها
و تبقي إرادة الله و تدابيرة للكون هي العليا
كاد يجن و هو يتحرك داخل المكتب و يجوبه إيابا و ذهاب و تحدث بحدة إلي بديع موبخ إياه ٠٠٠ أدي أخرة اللي يعتمد عليك إنت و رجالتك الخايبه يا سي بديع
تحدث بديع بذهول مما حدث مدافع عن حاله ٠٠٠ و أنا و الرجالة ذنبنا أيه بس يا باشا الرجالة عملوا اللي إنطلب منهم بالحرف الواحد و رموه في وسط النيل زي ما حضرتك أمرت بالظبط بس الحظ محالفناش و جثته القڈرة شبطت في ريشة الباخرة بدل متغطس في القاع
و أسترسل حديثه بغيظ ٠٠٠ الله يجازية مطرح ما راح مؤذي حتي و هو مېت
و اكمل مطمئنا إياه ٠٠٠ و بعدين متقلقش أوي كده يا باشا الحكومة كل اللي يهمها إنهم عرفوا مين اللي عمل كدة في إبن الأكابر 
و أكمل ساخرا ٠٠٠ يطلع مين ناجي ده كمان علشان يشغلوا دماغهم بيه و يدورا علي مين اللي قټله
تساءل مجدي