تزوجت أختها بقلم آلاء حسني

كل العلاقات وقررت انها برا العيلة بعدها امها عرفت وحاولت ټقتلها بالظبط زي ماهي حاولت ټقتل اختها وبعدها جت الكبيرة وشالت الرحم واتحرمت تكون أم
وجت الأكبر منها واللي قطمت ضهرها بجد مت امها وهي غضبانه عليها وډفنها من غير حتي ما تشوفها 
وكله كوم وۏجع فراق الأم كوم تاني.. وانا اكتر واحد يقدر الكلمة دي يا حج والله 
عاصم باصص في الأرض وساكت
مصطفى انا بقول كفاية كدا ياحج.. الضړب في المېت حرام ومها اتدغدغت حتت من جوا ومن برا وبقت هيكل عظمي حزين عايش بيتنفس بس.. بالله عليك ياحج إكراما لامها اللي لسة ډمها دافي تقبل ترجعها البيت اليومين دول بس وتكون جنب اخواتها في الظروف دي
عاصم ماشي يامصطفى.. هاتها
مصطفى بيبتسم ماشي ياحج تسلم
مها واقفة ورا ستارة فرش العزا بتبتسم وهي دموعها نازلة
هنختصر جزء من الأحداث عشان نشوف الأهم
مر على يوم ۏفاة عبير 4 شهور 
وأثناء الوقت ده كان بدر واقف جنب زهره طول الوقت وبيحاول يخفف عنها صدمة مۏت عبير بأي شكل ويجيبلها هدايا ويعملها مفاجأت ويحاول يخرجها ومعاه ناهد اللي بتحاول تعوضها عن وجود الأم
مصطفى بدأ يتعاطف مع مها ويخفف عنها مۏت أمها رغم كل اللي عملته عشان حس بيها لما افتكر مۏت امه وابوه وۏجع فراق الوالدين 
هند بتحاول بكل الطرق تخترع حجج وتكون جنب فريد وتخفف عنه وتحاول تشغله بمناكفتها عشان ميفكرش في الحزن وفي نفس الوقت بتحاول تغير من نفسها وشخصيتها للأحسن عشان تحس انها تستاهله ويرجع يحبها تاني
بعد 4 شهور 
زهره قاعدة في الريسبشن.. باب الشقة اتفتح وبدر داخل شايل شنطة الشغل
زهره قامت وقفت وابتسمت حمدالله علي سلامتك.. احضرلك الاكل
بدر الله يسلمك.. لا شكرا مش جعان
زهره مالك كدا وشك جايب ألوان ليه
بدر أبدا.. كنت عايز اقولك حاجة بس
زهره قول طبعا سمعاك
بدر تعرفي النهاردة كام
زهره كام
بدر النهاردة 51
زهره يعني ايه
بدر يعني ال شهور عدوا 
بينزل عينه في الأرض
ودلوقتي لو حابه بيبلع ريقه نقدر نتطلق يازهره
....يتبع
٢٥٧ ٣٢٩ ص Alaa Hosny تزوجت_اختها 
البارت 18 
بعتذر عن التاخير 
بينزل عينه في الأرض
ودلوقتي لو حابه بيبلع ريقه نقدر نتطلق يازهره
زهره بتبصله پصدمة وساكته.. 
بدر زهره انتي معايا
زهره بتحاول تتماسك اه... معاك يا بدر
تمام ماشي.. انت بردو عداك العيب وازح لحد كدا وقفت جنبي وحميت سمعتي واتجوزتني وحسبت علي نفسك جوازة وقعدت معايا ٦ شهور كمان عشان الناس.. مبقاش فاضل غير الطلاق فعلا
بدر باصصلها ومبينطقش
زهره بتبتسم ماشي انا هدخل بقي احضر شنطة هدومي عشان امشي وانت ابدأ في إجراءات الطلاق وانا معاك في اي وقت
سابته واديته ضهره عشان تدخل علي الاوضة.. اول ما لفت وشها عينيها دمعت من غير ما تقصد ولا تحس
دخلت الأوضة جابت الشنطة حطيتها ع السرير.. بدأت تلم في هدومها وهي مخها شريط بيعيد في كل الذكريات اللي عاشتها في البيت ده حلوها بمرها وكل اللحظات اللي بينها وبين بدر.. خلصت وبدأت تلبس هدومها وهي دموعها نازلة زي العيل الصغير اللي رايح الحضانه وهو زعلان وخاېف
خلصت لبست.. بصت ع الاوضة نظره أخيرة 
مسحت دموعها ونشفت عينيها كويس عشان ميبانش انها كانت بټعيط.. مسكت ايد الشنطة وخرجت بيها علي الريسبشن.. بدر واقف زي ما هو باصص قدامه وساكت
زهره بتركن الشنطة وبتروح تقف قدام بدر انا عايزة أشكرك علي كل حاجة عملتها معايا من يوم ما دخلت البيت ده لحد الوقت ده.. انت في ٦ شهور بس كنتلي زوج وصديق واخ واب وحامي ومحامي 
عينيها بتدمع وبتمسحها بسرعة ومهما عملت مش هقدر اوفيك حقك علي اللي عملته معايا طول الرحلة دي ياابن الأصول.. اشوف وشك بخير يا بدر
بدر باصص في عينيها ومازال ساكت
لفت وشها وبتوطي عشان تمسك الشنطة 
بدر بس انا مش عايز رحلتنا تخلص علي كدا يا زهره
زهره بتعدل ضهرها تاني پصدمة!! وبتلف وشها تبصله
بدر عينه بتدمع متمشيش.. انا بحبك يازهره
وزي ما تكون الكلمة ادت إذن ل دموع زهره تاخد راحتها وتنزل شلالات من غير تحكم وهي بصاله مش مصدقة اللي بيقوله 
وفجأة جريت عليه حضنته ومسكت في هدومه جامد وهي بټعيط وبتضحك وبتتشحتف في نفس الوقت 
حضنه جامد ودموعه نزلت هو كمان
زهره ولا انا عايزة امشي.. انا روحي ارتبطت بروحك وبالبيت ده وبكل حاجة تخصك
بدر بيبعدها سنتيهات وبيمسك وشها ومقولتيش كدا ليه ليه كنتي هتوافقيني وتسيبني وتمشي يازهره
زهره مكنتش عايزة اسيبك ولا اتطلق منك بس صعب عليا أقول كدا عشان انت اتجوزتني في ظروف خارجة عن إرادتك ومش ضروري تكون عايز تكمل معايا زي مانا عايزة
بس كنت همشي وانا سايبه قلبي في البيت ده بټعيط زياده انا كمان حبيتك يا بدر
بدر بياخد نفسه يااااااه.. كنت بحلم بالكلمة دي من زمان اوي
زهره حبيتك من غير مااحس ولا اقصد ولا اتخيل حتي اني ممكن أحبك في الظروف اللي اتجوزنا فيها 
حبيت كل حاجة تخصك شكلك كلامك ضحكتك صوتك ريحتك حتي صوت نفسك وانت