قمر
ليه وايه غرضها
قمر انا هكلم سليم اخويه هحكي ليه
سليم. قمر الكون حبيبة اخوها عمله ايه
قمر انا مش كويسه يا سليم حاسه باللغبطه ومش مرتاحه
سليم مالك يا قمر قلقتيني
قمر نعمات بنت عم محمد عندي عشان!!!!!!!!!!!!!!!!!!!
سليم انتي يا قمر مش شايفه نفسك انتي فين وهي فين
قمر يا سليم. الست مش شكل. بس. مش كل راجل اتجوز
علي مراته اتجوز واحده حلوه
سليم أعقلي واهدي محمد عاقل وبيحبك ومش نعمات اللي تخليه ېخرب بيته
قمر يا سليم اي ست بتعرف نظرة اي راجل ليها
وبتعرف نظرة الست اللي قدمها لجوزها
سليم اعتبريني صدقت شكوكك وكلامك ممكن تهدي
اطلبي من محمد يرجعها البلد تاني ولو رفض انا هجوزها
من اي عامل عندي واخلصك منها
قمر حاضر يا سليم هعمل اللي قولتلي عليه وربنا يسترها
والبيت ميتخربيش لاني شايفه الشروالطمع والغدر في عيونها
أغلقت قمر الهاتف مع سليم وذهبت للاهتمام بنفسها فهي علي يقين من أن نعمات تخطط للاقتراب من محمد
بعد العشاء اتي محمد بيته
محمد ايه الجمال دا كله يا قمر
قمر انت اللي عنيك حلوه انا حضرتلك الحمام ادخل خد دش
وغير وانا هحضر الاكل
محمد فين نعمات
قمر نعمات قفله الاوضه عليها من ساعة ما انت نزلت حتي
محمد دا اسمه كلام يا قمر تسبيها من غير اكل
قمر يا محمد هعملها ايه قالت عايزه تنام وهتاكل معاك بالليل
قمر ادخل خد حمامك وانا اخلي بنت من البنات تنادي عليها
محمد ادخلي لها انتي يا قمر. عشان تحس بس انك مرحبا بيها
قمر حاضر
قمر دخلت علي نعمه وجدتها جالسه علي موبيلها
قمر انا كنت فكراكي نائمه طب كنتي طلعتي قعدي معايه
نعمات محبتش اتقل عليكي قولت خليني ضيفه خفيفه
قمر كلام ايه دا انتي اختي بنت عم محمد انتي هنا في بيتك
نعمات الاكل جاهز تعالي كلي لقمه معانا
نعمات طب روحي وانا جايه وراكي
نعمات فكراني هبله مش فاهمه أنها خاېفه علي محمد مني
ولبسه اللي علي الحبل ومتغندره ماشي يا ست قمر طب هوريكي مكر وكيدالحريم اللي مالوش دعوه بالشكل
خلي ليكي الجمال يا قمر كفايه عليكي وسبيلي انا مكر الحريم ما انتي مش هتغدي الجمال والمكر
خرجت نعمات وجدتهم جالسين علي الطعام
نعمات العوافي عليكم
محمد اقعدي كلي جلست نعمات لتناول الطعام
قمر كلي يا نعمات انتي مش محتاجه عزومه
محمد. دوقي اكل قمر هيعجبك
نعمات. وهي تعلم حب محمد للاكل الصعيدي
نعمات. تعرف يا محمد نفسي اكل عيش شمسي وويكا
محمد. يا!!!!!!!!! جريتي ريقي. يا نعمات طب العيش الشمسي دا هنجيبه منين نعمات انا بكره هعمله وليك عليه كل يوم
اعملك اكل صعيدي حتي قمر تدوق ااكلنا
قمر وهي تتحكم في أعصابها اه وماله يا حبيبتي بس اعملي
علي قدكم انتي ومحمد زي ما انتي شايفه انا والولاد بناكل
اكل خفيف حتة جبنه ومعاها الزبادي
الولاد. احنا كلنا يا ماما هندخل ننام
نعمات ها يا ولاد تحبو تجربو الاكل الصعيدي
اولاد قمر. وهم ينظرون لي امهم. شكرا يا طنط احنا بنحب اكل ماما ما تتعبيش نفسك
محمد جربو يا ولاد دا هيعجبكم حسين اكيد ممكن نجرب
بس مع ماما في الغداء لكن بالليل احنا اتعودنا علي ألاكل الخفيف
قمر هقوم انا اجيب الفاكهه والعصير
محمد قمر خليكي قعده انا مبحبش اكل وانتي بعيده عني
اخلص اكل وابقي جيبي الفاكهه
نعمات لقمر هو انتي زدي في الوزن يا قمر
قمر وهي تبتسم بقرف اه عقبالك لم تلاقي راجل يهننك زي
محمد ويخليكي ملكه علي الدنيا.
