استسلام عاشق

علياا ايه بس ده البيت بيتك وبعدين هشام  كان بيحب جوزك الله يرحمه اوي بصي اعتبريني اختك والبيبي اللي جاي كلنا اهله مش هنسيبك صدقيني.
سلمي ببتسأمه شكرا بجد انتي ذوق مش عارفه اقولك ايه بس ممكن ارتاح شويه لاني تعبانه.
فاطمه عيوني ياحبيبتي انا جهزتلك الاوضه اللي جواه وفي بينا وبيهاا حيطه يعني انا وهشام  اوضتنا بعيد متقلقيش من حاجه وخدي راحتك وانا هحضرلك الاكل
سلمي تمام ماشي ..سلمي بتشيل شنطتهاا عشان تدخل ..
هشام  سيبها يا سلمي اقصد يامدام سلمي عشان انتي حامل ..فاطمه حبيبتي دخليلها الشنطه معلش..

فاطمه ماشي ياحبيبي حاضر عنياا

الحلقه الخامسه 
في الشركه..
عند أنس   وممدوح.
ممدوح والله ياا أنس   مش عارف ليه حاسس ان الاتنين دول مينفعوش لبعض خالص ده مفيش ذره حب بنتهم بلاش حب حتي قبول.
أنس   بتنهيده والله يا ممدوح ما عارف بيكره بغض كده ليه.
ممدوح انت شايف ايه نلغي الجوازه.
أنس   لسه هيرد بس تلفون ممدوح رن.
ممدوح لأنس   شهد اهي..
ممدوح ايوه ياشهد نعم ياحبيبتي خير.
شهد بابا انا موافقه اتخطب لي ابن أنس   النجار
ممدوح پصدمه  متاكده.
شهد طبعا متأكده والا هما بقي اللي مش عايزين .
ممدوح لا ازاي دول عايزينك ..عايزينك اوي بصي لما ارجع البيت نكمل كلام .
شهد تمام ماشي استعجل لو عايز النهارده معنديش مشكله يلا انا دلوقتي في شغلي دلوقتي..سلام.
ممدح لأنس   بفرحه شهد وقفت.
أنس   وقفت علي ايه
ممدوح ركز معايا وقفت علي بلال .
أنس   بسعاده بجد يعني خلاص هنقول مبروك .
ممدوح ما تيجوا النهارده نقرأ الفاتحه قبل ما تغير رايهااا.
أنس   وهو كذلك انت متعرفش فرحتني قد ايه!!! مش مهم النهارده شغل وتعالي نروح اهو اعرفهم في البيت.
حسني كان نازل القهوه لمحته تقي...باصلها ومشي علي طول..
تقي بتنهيده بابا اقفل دلوقتي انا مرهقه جدا النهارده ا!!
حسني لا خليكي اقفلي بالليل متقفليش دلوقتي خالص لسه بدري.
تقي يعني اقفل بالليل وانت عارف ان الشوارع هنا بتنام من 7
حسني اقفلي عشره ويبقي عملتي اللي عليكي وخلاص بقي.
تقي لا بجد معاك حق ..حقك عليا انا غلطانه طب بالنسبه لو جوعت هاكل فين او هاكل ايه!!
حسني بضيق خلاص بقي ياتقي اعملي كوبايه شاي واشتري اي سندوش وخلاص المهم متطلعيش البيت طول ما انا موجود فيه لان انتي بتطلعي تتخنقي مع ناديه وانا مش ناقص دوشه.
تقي انت مأثرش فيك يابابا اللي حكيته فوق انا
حسني بقولك ايه بطلي تمثيل انا اكتر حد عارفك وخبزك فمتحوريش ماشي !
تقي ببتسأمه حزينه ماشي اتفضل انت شوف رايح فين ربنا يسهلك.
قعدت تقي تضحك بهستريا واخرت الضحك فضلت ټعيط ..ټعيط ان ملهاش ام تحكيالها اي حاجه ټعيط من الزمن اللي بيحط عليها كل شويه..وابوها اللي مش بيصدق كلامها وماشي ورا كلام ناديه..
so Mà samah_mahmoud
عند هشام ...
فاطمه هنزل الشغل اناا انتي بتعملي ايه كل ده...
فاطمه بعمل لسلمي شوربه خلصت اصلا ثواني هصحيها ياحبيبي اديهالهاا عيب دي ضيفه هنا برضه..
هشام  لا مش ضيفه البيت بيتها .
فاطمه بستغراب ازاي.
هشام  بتوتر اقصد يعني متحسسهاش بي حاجه انتي عارفه حامل وكده .
فاطمه ابتسمت عيوني.
دخلت فاطمه خبطت وفتحت الاوضه.
فاطمه ببتسأمه انتي صاحيه منمتيش
سلمي معلش مجليش نوم قولت اقعد شويه .
فاطمه ولا يهمك ياحبيبتي انا عملتلك شوربه اهو كويسه وتفيدك في الحمل هتفيدك اوي.
سلمي هو حضرتك بيتهيقالي مخلفتيش قبل كده عرفتي منين انها هتفدني
فاطمه پصدمه  بلعت ريقها فعلا انا مخلفتش بس اي شوربه خفيفه بتبقي كويسه في الحمل ولمون اهو يلا بعد اذنك انا ياحبيبتي.
سلمي بلهفه استني انا مقصدش متزعليش مني وانا هشربها حالا
فاطمه ببتسأمه صحه وهنا.
دخل هشام  بضحكه هتاكلي لوحدك يامدام سلمي.
سلمي تحب تاكل معايا.
هشام  احب اوي انا بحب الشوربه اللي فاطمه بتعملها اصلا 
فاطمه هو انت مش كنت نازل يا هشام .
هشام  هاكل وانزل الشوربه كمان ريحتها تفتح النفس..
فاطمه طيب تعاالي بره وهجبلك طيق تاني.
سلمي بلهفه لا الطبق اصلا كتير عليا يا مدام فاطمه ممكن تحبيله معلقه وياكل حبه انا مش هقدر اكل كله.
هشام  وياسلام يابطوط لو تعمليلي واحد شاي من ايديكي الحلوين دول قبل ما انزل.
سلمي وياريت انا كمان معلقتين سكر..
فاطمه عنياا حاضر ثواني ويكونه جاهزين.
خرجت فاطمه دخلت المطبخ.
هشام  لسلمي ايه ياروح قلبي مرتاحه !!
سلمي بزعل مصطنع اه شويه وبعدين زعلانه منك بتقولها ايديكي الحلوين دول.
هشام  حقك عليا ياحبيبي بس انتي شايفها اهي بتعمل كل حاجه عشان تريحك فاطمه طيبه اوي وانتي هنا مش هتعمل الهوا مهتشتكيش.
سلمي ابتسمت طب افتح بوقك اكلك بي ايدي بقي ..
هشام  حبيبتي عايزك متقوميش ولا تتحركي ارتاحي انتي بس وده هيطمني..
في فيلا النجار..
بلال  بصوت عالي وقفت ازاي هياا مش كانت مش عايزاني بقولك ايه ياحجه وحيات ابوك بلاش هزار احنا مش كنا عندهم الصبح جاي تقولي بالليل قرات فتحتك.
دخل هادي  عليهم اوب اوب اوب مين هيخطب النهارده من ورايا متقولش انت يابلال .
أنس   بجديه قوله يعقل ياهادي  لا هخبطه بوكس في وشه