رواية بقلم منه مجدي
الصراط واعظ الله في قلب كل مسلم.
فتاكد وقتها ان الهروب من الفتن ليس ضعفا او جبنا ولكنه القوة في معناها فان لم نفعل ذلك نقع في تلك الفتن والذنوب فهذا هو الانسان خلق هلوعا لذلك لا يجب ان نغامر حقا حبيبي يارسول الله لا ينطق عن الهوي
عقد العزم علي اسعاد ملك قدر المستطاع سينسي كل شئ وسيبدا من جديد سيظل يدعو الا يحرمه من ملك وان تبقي الي جانبه طوال العمر سيتركها تاتي كما كتبها الله
وبعد عده ايام اقيمت حفل عقد قران منار وفريد
كانت بسيطه للغاية حضرها المقربون و الاصحاب
اياد: احنا حجزنالكوا كهديه مننا اسبوع في فندق في مطروح
فريد: ربنا يحفظكوا ياحبيايبي
وبعد انتهاء الحفل
ملك: شكلهم كان مبسوط جدا
اياد: فعلا
ملك: ربنا يسعدهم يارب
اياد: اللهم امين
اياد بابتسامه ماكرة : ياتري بيعملوا ايه دلوقتي
ملك ببراءه : اكيد ناموا اليوم كان مرهق اوي عليهم
غمز لها وابتسم
اياد : طب مش يلا ننام بقي احنا كمان ولا ايه
ادركت ملك مايرنو اليه وشعرت بالخجل
ملك : اياد الله بقي
اياد: انتي مكسوفه مني ولا ايه دا انا برضوا في مقام جوزك
ضحكت بخجل
حملها اياد
ملك: اياد !!!!!!
اياد: هيييه استعنا علي الشقي بالله
واسدل الستار وصمتت شهرذاد عن الكلام المباح
في غرفة انجي
انجي بهمس: العمليه تتم بعد اسبوع هيبقي في حفله خطوبه
تخطفهم هما الاتنين وهما مروحين مش عاوزة حد يحس باي حاجه
يسري: متقلقيش ياهانم
قفلت انجي
انجي: والله ونهايتك قربت ياملك وانت كمان يااياد كان نفسي اشوف شكلك وانت مذلول ومكسور علشان ياحرام يسيبوا مراتك
نفسي اشوف شكلك وانت سامع صريخها واستنجادها بيك وانت ياعيني مش قادر تعملها حاجه ولا هتقدر هتشوفها وهي بتتكسر قدامك ومش هتعرف تعملها حاجه والله لانتقم واخد حقي منكوا
خلدت للنوم وهي تحلم بهذا اليوم
في صباح اليوم التالي
استيقظت ملك علي رنين هاتفها
اميرة: خلاص ياملك مبقاش في اميرة نسيتيني صح
ملك: مرمر وحشتيني والله
اميرة: هو دا اللي باخدوا منك كلام وخلاص
ملك: والله بجد وحشتيني كنت مشغولة جدا والله
ايه رايك تعدي عليا النهاردة اياد هيتاخر في الشغل
تعالي نقعد سوا
اميرة: ماشي ياختي مسافة السكة
ملك: تمام يا حبيبتي مستنياكي
اغلقت اميرة الهاتف
ناهد: ايه يا ميرو بتكلمي مين
اميرة: دي ملك يا نانا
ناهد: والله وحشتني جدا ايه اخبارها
اميرة: الحمد لله يا نانا دلوقتي الامور بقت احسن بينها وبين اياد
وواضح انه بيحبها جدا
ناهد: الحمد لله
اميرة: هي اصلا تستاهل والله كل حاجه حلوة
ناهد: عقبالك انتي كمان يا ميرو عاوزة اتطمن عليكي يا بنتي
اميرة: لسه بدري يا نانا
ثم اشارت علي قلبها
اميرة: لسه دا مدقش لما يدق هتلاقيني جيت وقولتلك علي طول ومش بعيد انا اللي اروح اخطبه
ناهد: مباخدش منك غير كلام
اميرة: شوفتي هتعطليني وتاخريني علي ملك هروحلها شوية ايه رايك تيجي معايا
ناهد: لا ياحبيبتي روحي انتي وانا هزور امينة جارتنا
اميرة: انا ابتديت اشك في امينه دي وشكلها هتطلع امين في الاخر
ناهد: اتلمي يا بت انتي
اميرة: ماشي يا حجه هروح انا وارجع اشوف موضوع امينه دا
وبالفعل ذهبت اميرة لمنزل ملك جلسا سويا وقصت ملك عليها كل ماحدث في الفترة الاخيرة
شعرت اميرة بالفرحة العارمة لاجل صديقتها
انتهت التجهيزات لحفل الخطب بعد عده ايام
ملك: كده كل حاجه تمام حتي المكان بقي يهبل قاعه البنات جميله اوي
اياد: وكمان قاعه الرجاله ربنا يتتممها علي خير
ملك: اللهم امين
في يوم الحفل
ارتدت ملك فستانا من قماش القطيفة باللون الاحمر القاني ثم ارتدت فوقه خمار باللون البيج كانت تشبه الاميرات به
اخذت انفاس اياد بعيدا ما ان راها
اياد بغيرة: ايه دا ياملك
ملك: ايه يااياد
اياد: ادخلي غيري البتاع اللي انتي لابساه دا
ملك: ماله يا اياد
اياد: وحش اوي روحي غيريه
ملك: بس كلهم قالولي حلو
اياد پغضب : وانا بقولك وحش
كادت ملك ان تبكي من فرط توترها
زفر اياد بقوة واقترب منها في ثبات
اياد: طيب بټعيطي ليه دلوقتي
ملك: علشان انت بتقول ان الفستان وحش وانا كنت فاكراه حلو ومش عندي حاجه تانيه البسها
رق قلبه كثيرا لبرائتها
اياد : خلاص خلاص شكلك حلو
ملك: لا انت بتقولي كدة وخلاص
اياد: لا والله شكلك حلو
ملك بابتسامة: طيب يلا علشان منتاخرش
اياد: اصبري رايحه فين
ملك: هسبقك
اياد: اللهم طولك ياروح
اصبري يابنت الناس ومتعصبينيش
ملك: مالك يا اياد
اياد: مليش منا متنيل كويس اهو
ملك: انت متضايق من حاجه
اياد: لا
ملك: متضايق مني طيب
اياد پغضب وغيرة: متضايق من شكلك
وانتي زي القمر كداوربنا يعدي الليله دي علي
