بقلم ماهي احمد
وبعد ما طلعت بتبص وراها لاقت قريه بس بعيد شويه
يامن القريه دي ليا فيها ناس معارف هتوصلنا لقريه الجبالي بسرعه
نايا طيب
يامن اول ما راح القريه بيبص لقاهم عندهم اليوم ده احتفال اسمه مهرجان الالوان بيحتفلوه في اليوم ده بالالوان عباره ان كل واحد بيرسم علي جسم اللي يختاره اللي هو عايزه ولو الرسمه عجبته يبقي شريكه طول اليوم ويقضوا اليوم سوا
نايا دخلت القريه ولاقيتهم كلهم بيرموا علي بعض الالوان في كل حته بصت حواليها والجو والارض كله الوان ولا الوان الطيف اتبسطت اوي من المنظر والناس اللي بتجرى ورا بعض وهما بيضحكوا ويهزروا سوا
يامن استني هنا ماتتحركيش
يامن ساب نايا ومشي عشان يدور علي صاحبه خالد اللي جوه القريه عشان يساعده انه يلاقي عربيه ويروحوا القريه البديله بتاعت الجبالي
نايا وهي واقفه ومش بتتحرك بس كانت بتبص عليهم ومبسوطه اوي
راحت بنت رمت عليها الوان وبقت هدومها كلها الوان حرفيا والبنت الصغيره بقت تبصلها وتضحك علي اللي عملته في نايا وقالتلها
الطفله انا كسبت وغرقتك بالالوان
نايا قعدت في مستواه الطفله وحطت ايدها في كيس الالوان اللي معاها وبقت تحدف الطفله بالالوان والطفله بقت تضحك وتستخبي من نايا ونايا بقت تجرى وراها وهي بتحدفها بالالوان ومره واحده وهي بتجرى خبطت في شاب كان بيجري بكيس الالوان وبيحطها علي بنات معاه
نايا كانت قريبه من الشاب جدا وبقت وشها في وشه واول ما شافها بص لملامحها وشاف جمال عنيها وبقي باصصلها ومش قادر يشيل عنيه من عليها
نايا لاقيته بيبصلها كده راحت بعدت عنه خطوه ولسه هتمشي
الشاب مسكها من دراعها ولسه هيقربها منه يامن مسك ايده وتناها
الشاب وهو پيتألم اه.. اه ايدي
يامن ماتلمسش حاجه مش بتاعتك بعد كده انت فاهم
نايا سيبه يايامن .. سيبه
يامن ساب الشاب وهو عنيه كلها غيظ منه عشان حط ايده علي نايا .. نايا شافت كده استغربت يامن مسكها من ايدها ومشاها قدامه
خالد اخدهم ووداهم اوضه فاضيه مافيهاش اي حاجه
خالد هتقعدوا معانا النهارده في الاوضه دي .. النهارده مهرجان الالوان ومافيش حد بيقدر يخرج بره القريه لازم اهل القريه كلهم موجودين بكره ان شاء الله هحاول اتصرفلك في عربيه يايامن
خالد دي اقل حاجه اقدر اعملها معاك بعد اللي عملته معايا
لو حابين تطلعوا بره النهارده تحتفلوا معانا بالمهرجان
ولسه نايا هتقول ياريت
راح يامن بصله كده
يامن مافتكرش ان احنا هنطلع
خالد تمام اللي تشوفه
خالد سابهم ومشي
نايا ليه قولتله كده ..
يامن ده .. ده
نايا انت حتي مش عارف تقول اي
نايا بقت تشوف كده وبقت فرحانه بكل ولد وهو بيختار شريكه حياته وبعد كده يفضلوا يرقصوا طول الليل سوابقلمي مآآهي آآحمد
يتبع..
بقلمي مآآهي آآحمد
رجاله القائد بقوا ييجوا ناحيه العبقري وبقوا يقربوا منه وهو واقف ماتحركش ولا حركه من كتر صډمته في خالد وانه مش مصدق ان خالد بالذات يعمل معاه كده
نايا بعصبيه يامن .. يامن انت واقف كده ليه اتحرك اعمل حاجه دوول جايين
